ਮੁੰਬਈ- ‘ਕ੍ਰਿਸ਼ਨਾਵਥਾਰਮ – ਪਾਰਟ ਵਨ : ਦਿ ਹਾਰਟ (ਹ੍ਰਿਦਯਮ)’ ਮਿਥਿਹਾਸਕ ਡਰਾਮੇ ਦੀ ਰਵਾਇਤੀ ਸ਼ੈਲੀ ਤੋਂ ਹਟ ਕੇ ਨਾਜ਼ੁਕ ਅਤੇ ਭਾਵਨਾਤਮਕ ਤਰੀਕੇ ਨਾਲ ਭਗਵਾਨ ਸ਼੍ਰੀ ਕ੍ਰਿਸ਼ਨ ਦੇ ਜੀਵਨ ਨੂੰ ਪਰਦੇ ’ਤੇ ਪੇਸ਼ ਕਰਦੀ ਹੈ। ਇਸ ਫਿਲਮ ਵਿਚ ਸਿਧਾਰਥ ਗੁਪਤਾ, ਸੰਸਕ੍ਰਿਤੀ ਜਯਾਨਾ, ਸੁਸ਼ਮਿਤਾ ਭੱਟ ਅਤੇ ਨਿਵਾਸ਼ਿਨੀ ਕ੍ਰਿਸ਼ਨਨ ਮੁੱਖ ਭੂਮਿਕਾਵਾਂ ਵਿਚ ਨਜ਼ਰ ਆ ਰਹੇ ਹਨ। ਫਿਲਮ 8 ਮਈ ਨੂੰ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋ ਚੁੱਕੀ ਹੈ। ਫਿਲਮ ਬਾਰੇ ਸਿਧਾਰਥ ਗੁਪਤਾ ਅਤੇ ਸੰਸਕ੍ਰਿਤੀ ਜਯਾਨਾ ਨੇ ਪੰਜਾਬ ਕੇਸਰੀ/ਨਵੋਦਿਆ ਟਾਈਮਜ਼/ਜਗ ਬਾਣੀ/ਹਿੰਦ ਸਮਾਚਾਰ ਨਾਲ ਖ਼ਾਸ ਗੱਲਬਾਤ ਕੀਤੀ ਤੇ ਦਿਲਚਸਪ ਗੱਲਾਂ ਸ਼ੇਅਰ ਕੀਤੀਆਂ..
‘ਕ੍ਰਿਸ਼ਨਾਵਥਾਰਮ’ ਫਿਲਮ ਨਹੀਂ ਇਕ ਅਧਿਆਤਮਕ ਯਾਤਰਾ ਸੀ : ਸਿਧਾਰਥ
Q ਇਸ ਫਿਲਮ ਦੇ ਕਾਸਟਿਊਮਜ਼ ਅਤੇ ਕਿਰਦਾਰ ਬਾਰੇ ਕੀ ਖ਼ਾਸੀਅਤ ਰਹੀ?
ਸਿਧਾਰਥ : ਪਹਿਲਾਂ ਤਾਂ ਕਾਸਟਿਊਮ ਲਈ ਸਾਡੇ ਸਟਾਈਲਿਸਟ ਨੂੰ ਬਹੁਤ ਵੱਡਾ ਸਿਹਰਾ ਜਾਂਦਾ ਹੈ। ਉਨ੍ਹਾਂ ਨੇ ਸਾਨੂੰ ਜੋ ਕੱਪੜੇ ਪਹਿਨਾਏ, ਉਹ ਬਹੁਤ ਹੀ ਪ੍ਰਮਾਣਿਕ ਅਤੇ ਪ੍ਰਭਾਵਸ਼ਾਲੀ ਸਨ ਅਤੇ ਜਿਥੋਂ ਤੱਕ ਮੇਰੇ ਕਿਰਦਾਰ ਦੀ ਗੱਲ ਹੈ, ਕ੍ਰਿਸ਼ਨ ਨੂੰ ਤਾਂ ਪੂਰੀ ਦੁਨੀਆ ਜਾਣਦੀ ਹੈ। ਉਨ੍ਹਾਂ ਬਾਰੇ ਕਹਿਣਾ ਬਹੁਤ ਆਸਾਨ ਨਹੀਂ ਹੈ। ਮੇਰੇ ਹਿਸਾਬ ਨਾਲ ਸ਼੍ਰੀ ਕ੍ਰਿਸ਼ਨ ਸਭ ਤੋਂ ਆਬਜੈਕਟੀਵਿਟੀ ਵਾਲੇ ਹਨ, ਜਿਨ੍ਹਾਂ ਨੇ ਇਨਸਾਨ ਦੇ ਰੂਪ ’ਚ ਧਰਤੀ ’ਤੇ ਜਨਮ ਲਿਆ। ਉਨ੍ਹਾਂ ਨੇ ਖ਼ੁਦ ਕਿਹਾ ਕਿ ਮੈਂ ਭਗਵਾਨ ਹਾਂ। ਉਨ੍ਹਾਂ ਦੇ ਜੀਵਨ ਵਿਚ ਕਰਮਯੋਗ ਦਾ ਜੋ ਸਿਧਾਂਤ ਸੀ, ਉਹ ਬਿਲਕੁਲ ਸ਼ਾਨਦਾਰ ਸੀ।
ਸੰਸਕ੍ਰਿਤੀ : ਮੇਰੇ ਲਈ ਸੱਤਿਆਭਾਮਾ ਦਾ ਕਿਰਦਾਰ ਬਹੁਤ ਖ਼ਾਸ ਸੀ। ਇਹ ਸਿਰਫ਼ ਸ਼੍ਰੀ ਕ੍ਰਿਸ਼ਨ ਦੀ ਪਤਨੀ ਨਹੀਂ ਸੀ ਸਗੋਂ ਉਨ੍ਹਾਂ ਨੇ ਆਪਣੇ ਜੀਵਨ ਵਿਚ ਬਹੁਤ ਟ੍ਰਾਂਸਫਾਰਮੇਸ਼ਨ ਕੀਤਾ। ਉਹ ਮਾਤਾ ਭੂ ਦੇਵੀ ਦੀ ਅਵਤਾਰ ਸੀ। ਉਨ੍ਹਾਂ ਨੇ ਬਿਨਾਂ ਸ਼ਰਤ ਪਿਆਰ ਦਾ ਅਨੁਭਵ ਕੀਤਾ ਅਤੇ ਇਹੀ ਸਫ਼ਰ ਬਹੁਤ ਪ੍ਰੇਰਨਾਦਾਇਕ ਰਿਹਾ।
Q ਕੀ ਕ੍ਰਿਸ਼ਨ ਭਗਵਾਨ ਦੇ ਜ਼ਮਾਨੇ ਨੂੰ ਅੱਜ ਨਾਲ ਕੁਝ ਕੰਪੇਅਰ ਕਰ ਸਕਦੇ ਹਾਂ?
ਬਿਲਕੁਲ ਨਹੀਂ, ਕਿਉਂਕਿ ਸ਼੍ਰੀ ਕ੍ਰਿਸ਼ਨ ਅਤੇ ਉਨ੍ਹਾਂ ਦੀਆਂ 8 ਅਸ਼ਟਭਾਰਜਿਆਂ ਦਾ ਕਨਟੈਕਸਟ ਵੱਖ ਸੀ। ਅੱਜ ਦੀ ਦੁਨੀਆ ਵਿਚ ਇਹ ਅਪਲਾਈ ਨਹੀਂ ਹੁੰਦਾ ਪਰ ਫਿਲਮ ਰਾਹੀਂ ਸਾਨੂੰ ਇਹ ਸਮਝ ਵਿਚ ਆਉਂਦਾ ਹੈ ਕਿ ਪਿਆਰ ਇਕ ਸ਼ੁੱਧ ਅਤੇ ਦੈਵੀ ਭਾਵਨਾ ਹੈ, ਜੋ ਭੌਤਿਕ ਖੇਤਰ ਤੋਂ ਪਰ੍ਹੇ ਹੈ।
Q ਇਕ ਅਦਾਕਾਰ ’ਤੇ ਭਵਿੱਖ ’ਚ ਰੋਲ ਦੀ ਚੋਣ ਕਰਨ ਦਾ ਭਾਰ ਆਉਂਦਾ ਹੈ। ਤੁਸੀਂ ਇਸ ਨੂੰ ਕਿਵੇਂ ਲੈਂਦੇ ਹੋ?
ਸ਼ੁਰੂਆਤ ਵਿਚ ਇਕ ਅਦਾਕਾਰ ਨੂੰ ਆਪਣੇ ਰੋਲ ਨੂੰ ਲੈ ਕੇ ਕਾਫ਼ੀ ਸੋਚ-ਸਮਝ ਕੇ ਫ਼ੈਸਲੇ ਲੈਣੇ ਪੈਂਦੇ ਹਨ। ਉਵੇਂ ਤਾਂ ਸਾਡਾ ਕੰਮ ਹਰ ਤਰ੍ਹਾਂ ਦੇ ਕਿਰਦਾਰ ਨੂੰ ਨਿਭਾਉਣਾ ਹੁੰਦਾ ਹੈ ਪਰ ਕੁਝ ਫਿਲਮਾਂ ਤੇ ਕਿਰਦਾਰ ਤੁਹਾਡੀ ਸੋਚ ਅਤੇ ਸ਼ਖ਼ਸੀਅਤ ’ਤੇ ਵੀ ਅਸਰ ਪਾਉਂਦੇ ਹਨ। ਅਜਿਹੇ ਵਿਚ ਕੁਦਰਤੀ ਤੁਸੀਂ ਉਹੀ ਚੁਣਨਾ ਚਾਹੁੰਦੇ ਹੋ, ਜੋ ਤੁਹਾਡੇ ਵਿਸ਼ਵਾਸ ਅਤੇ ਮਹੱਤਵ ਨਾਲ ਮੇਲ ਕਰੇ। ਨਾਲ ਹੀ ਜਿਨ੍ਹਾਂ ਲੋਕਾਂ ਨੇ ਕਿਸੇ ਕਿਰਦਾਰ ਅਤੇ ਫਿਲਮ ਨੂੰ ਇੰਨਾ ਪਿਆਰ ਦਿੱਤਾ ਹੈ, ਉਨ੍ਹਾਂ ਦੀਆਂ ਭਾਵਨਾਵਾਂ ਦੀ ਇੱਜ਼ਤ ਕਰਨੀ ਵੀ ਜ਼ਰੂਰੀ ਹੁੰਦੀ ਹੈ। ਇਸ ਲਈ ਅੱਗੇ ਰੋਲ ਚੁਣਦੇ ਸਮੇਂ ਇਕ ਫਿਲਟਰ ਤਾਂ ਰਹੇਗਾ ਪਰ ਇਸ ਦਾ ਮਤਲਬ ਇਹ ਨਹੀਂ ਕਿ ਖ਼ੁਦ ਨੂੰ ਸੀਮਿਤ ਕਰ ਲਿਆ ਜਾਵੇ। ਇਕ ਅਦਾਕਾਰ ਦਾ ਕੰਮ ਵੱਖ-ਵੱਖ ਕਹਾਣੀਆਂ ਅਤੇ ਨਵੇਂ ਕਿਰਦਾਰ ਦਰਸ਼ਕਾਂ ਤੱਕ ਲਿਆਉਣਾ ਹੈ, ਤਾਂ ਜੋ ਉਹ ਖ਼ੁਦ ਵੀ ਨੀਰਸ ਮਹਿਸੂਸ ਨਾ ਕਰੇ ਤੇ ਦਰਸ਼ਕਾਂ ਨੂੰ ਵੀ ਕੁਝ ਨਵਾਂ ਦੇਖਣ ਨੂੰ ਮਿਲੇ।
Q ਤੁਹਾਡੀ ਪਸੰਦ ਵਾਲੀ ਚੀਜ਼ ਫਿਲਮ ਵਿਚ ਕੀ ਸੀ?
ਸਭ ਤੋਂ ਪਿਆਰੇ ਤਾਂ ਸ਼੍ਰੀ ਕ੍ਰਿਸ਼ਨ ਹੀ ਹਨ। ਉਸ ਨਜ਼ਦੀਕੀ ਅਤੇ ਭਾਵਨਾ ਨੂੰ ਮਹਿਸੂਸ ਕਰਨਾ ਮੇਰੇ ਲਈ ਸਭ ਤੋਂ ਖ਼ਾਸ ਸੀ।
ਪਿਤਾ ਨੇ ਵੀ ਮੇਰਾ ਨਾਂ ਮੋਬਾਈਲ ਫੋਨ ਵਿਚ ਸੱਤਿਆਭਾਮਾ ਦੇ ਨਾਂ ਨਾਲ ਸੇਵ ਕੀਤਾ : ਸੰਸਕ੍ਰਿਤੀ
Q ਸੱਤਿਆਭਾਮਾ ਬਾਰੇ ਬਹੁਤ ਘੱਟ ਲੋਕ ਜਾਣਦੇ ਹਨ। ਫਿਲਮ ਵਿਚ ਤੁਸੀਂ ਜੋ ਦ੍ਰਿਸ਼ਟੀਕੋਣ ਦਿਖਾਇਆ ਹੈ, ਉਹ ਕਾਫ਼ੀ ਤਾਜ਼ਾ ਅਤੇ ਸਿੱਖਿਆਦਾਇਕ ਹੈ।
ਬਿਲਕੁਲ, ਇਸ ਫਿਲਮ ਰਾਹੀਂ ਅਸੀਂ ਲੋਕਾਂ ਤੱਕ ਸੱਤਿਆਭਾਮਾ ਦੀ ਕਹਾਣੀ ਪਹੁੰਚਾ ਰਹੇ ਹਾਂ। ਉਨ੍ਹਾਂ ਨੇ ਵੀ ਸ਼੍ਰੀ ਕ੍ਰਿਸ਼ਨ ਨਾਲ ਡੂੰਘਾ ਪਿਆਰ ਕੀਤਾ ਅਤੇ ਉਸ ਪਿਆਰ ਤੋਂ ਬਹੁਤ ਕੁਝ ਸਿੱਖਿਆ। ਬਹੁਤ ਲੋਕਾਂ ਨੂੰ ਇਹ ਪਤਾ ਨਹੀਂ ਹੈ ਕਿ ਅਸੀਂ ਛੋਟੀ ਦੀਵਾਲੀ ਕਿਉਂ ਮਨਾਉਂਦੇ ਹਾਂ- ਰਾਮ ਨੇ ਰਾਵਣ ਨੂੰ ਮਾਰਿਆ ਅਤੇ ਕ੍ਰਿਸ਼ਨ ਨੇ ਸੱਤਿਆਭਾਮਾ ਨਾਲ ਨਰਕਾਸੁਰ ਨੂੰ ਮਾਰਿਆ। ਇਸ ਤਰ੍ਹਾਂ ਦੀਆਂ ਅਣਕਹੀਆਂ ਕਹਾਣੀਆਂ ਇਸ ਫਿਲਮ ਰਾਹੀਂ ਸਾਹਮਣੇ ਆਈਆਂ ਹਨ।
Q ਜੇਕਰ ਅਸਲ ਜੀਵਨ ਵਿਚ ਤੁਹਾਡੇ ਸਾਹਮਣੇ ਵੀ ਕੋਈ ਅਜਿਹੀ ਚੁਆਇਸ ਆਉਂਦੀ ਤਾਂ ਤੁਸੀਂ ਪਿਆਰ ਜਾਂ ਸੱਚ ਕਿਵੇਂ ਚੁਣਦੇ?
ਸੱਚ ਕਹਾਂ ਤਾਂ ਮੈਂ ਅਸਲ ਜੀਵਨ ਵਿਚ ਪਿਆਰ ਨੂੰ ਜ਼ਿਆਦਾ ਚੁਣਦੀ, ਜਿਸ ਨਾਲ ਅਸੀਂ ਪਿਆਰ ਕਰਦੇ ਹਾਂ, ਉਨ੍ਹਾਂ ਲਈ ਅਸੀਂ ਖੜ੍ਹੇ ਰਹਿੰਦੇ ਹਾਂ ਅਤੇ ਉਨ੍ਹਾਂ ਨੂੰ ਮੁਆਫ ਵੀ ਕਰਦੇ ਹਾਂ ਪਰ ਇਸ ਫਿਲਮ ਨੇ ਮੈਨੂੰ ਸਿਖਾਇਆ ਕਿ ਸੱਤਿਆਭਾਮਾ ਹਮੇਸ਼ਾ ਸਹੀ ਲਈ ਖੜ੍ਹੀ ਰਹਿੰਦੀ ਸੀ। ਮੈਨੂੰ ਲੱਗਾ ਕਿ ਉਨ੍ਹਾਂ ਦੇ ਕਿਰਦਾਰ ਤੋਂ ਮੈਨੂੰ ਵੀ ਹਿੰਮਤ ਮਿਲੀ ਅਤੇ ਹਰ ਔਰਤ ’ਚ ਇਹ ਤਾਕਤ ਹੋਣੀ ਚਾਹੀਦੀ ਹੈ।
Q ਫਿਲਮ ਵਿਚ ਦੇਖਿਆ ਗਿਆ ਕਿ ਤੁਹਾਡੇ ਨਾਮ ਦੀ ਜਗ੍ਹਾ ਸੈੱਟ ’ਤੇ ਕਰੈਕਟਰ ਦਾ ਨਾਂ ਲਿਖਿਆ ਗਿਆ। ਇਹ ਅਨੁਭਵ ਕਿਵੇਂ ਦਾ ਰਿਹਾ?
ਬਹੁਤ ਹੀ ਵੱਖ ਅਤੇ ਖ਼ਾਸ। ਅਸੀਂ ਕਿਰਦਾਰ ਨੂੰ ਜਿਉੂਣ ਦੀ ਕੋਸ਼ਿਸ਼ ਕੀਤੀ ਅਤੇ ਖ਼ੁਦ ਨੂੰ ਕਿਸੇ ਵੀ ਚੀਜ਼ ਨਾਲ ਡਿਸਟ੍ਰੈਕਟ ਨਹੀਂ ਹੋਣ ਦਿੱਤਾ। ਕ੍ਰਿਸ਼ਨ ਭਗਵਾਨ ਨੂੰ ਕਦੇ ਆਪਣੇ ਤੋਂ ਵੱਖ ਨਹੀਂ ਮੰਨਿਆ। ਮੇਰੇ ਪਿਤਾ ਨੇ ਵੀ ਮੇਰਾ ਨਾਂ ਆਪਣੇ ਫੋਨ ਵਿਚ ਸੱਤਿਆਭਾਮਾ ਦੇ ਨਾਂ ਨਾਲ ਸੇਵ ਕੀਤਾ। ਮੇਰੇ ਲਈ ਇਹ ਬਹੁਤ ਮਾਣ ਦੀ ਗੱਲ ਸੀ।
Q ਤੁਸੀਂ ਆਪਣੇ ਕਿਰਦਾਰ ਵਿਚ ਰੋਮਾਂਸ, ਐਕਸ਼ਨ ਅਤੇ ਡਾਂਸ- ਸਭ ਕੁਝ ਨਿਭਾਇਆ। ਤੁਹਾਡੇ ਲਈ ਇਹ ਕਿੰਨਾ ਚੁਣੌਤੀਪੂਰਨ ਸੀ?
ਮੈਨੂੰ ਸ਼ੁਰੂਆਤ ਵਿਚ ਇਹ ਪਤਾ ਨਹੀਂ ਸੀ ਕਿ ਚੁਣੌਤੀਪੂਰਨ ਹੋਵੇਗਾ ਪਰ ਫਲੋਅ ਵਿਚ ਸੀ। ਸਾਡੇ ਡਾਇਰੈਕਟਰਜ਼ ਨੇ ਮੇਰੇ ’ਤੇ ਵਿਸ਼ਵਾਸ ਰੱਖਿਆ ਅਤੇ ਉਨ੍ਹਾਂ ਨੇ ਬਹੁਤ ਕੁਝ ਕਰਵਾਇਆ, ਜਿਸ ਨਾਲ ਇਹ ਸੰਭਵ ਹੋਇਆ। ਐਕਟਿੰਗ ਅਤੇ ਸਟੋਰੀਟੇਲਿੰਗ ਦਾ ਪੈਸ਼ਨ ਵੀ ਬਹੁਤ ਮਦਦਗਾਰ ਰਿਹਾ।
Q ਫਿਲਮ ਵਿਚ ‘ਨਦੀ ਏਕ ਹੈ, ਘਾਟ ਅਨੇਕ ਹੈ’ ਵਾਲੀ ਗੱਲ ਤੁਹਾਡੇ ਲਈ ਕੀ ਮਾਇਨੇ ਰੱਖਦੀ ਹੈ?
ਇਹ ਕੰਸੈਪਟ ਬਹੁਤ ਡੂੰਘਾ ਹੈ। ਇਹ ਸਿਰਫ਼ ਰੋਮਾਂਟਿਕ ਕੰਟੈਕਸਟ ਵਿਚ ਨਹੀਂ ਸਗੋਂ ਜੀਵਨ ਵਿਚ ਕਈ ਪਹਿਲੂਆਂ ਵਿਚ ਲਾਗੂ ਹੁੰਦਾ ਹੈ। ਅੱਜ ਦੇ ਸਮੇਂ ਵਿਚ ਰਿਲੇਸ਼ਨਸ਼ਿਪ ਵੱਖ ਹੈ ਅਤੇ ਅਸੀਂ ਸ਼੍ਰੀ ਕ੍ਰਿਸ਼ਨਾ ਦੇ ਸਫ਼ਰ ਦੀ ਅੱਜ ਦੇ ਸਮੇਂ ਨਾਲ ਸਿੱਧੀ ਤੁਲਨਾ ਨਹੀਂ ਕਰ ਸਕਦੇ।
Q ਤੁਹਾਡਾ ਸੈੱਟ ਦਾ ਅਨੁਭਵ ਕਿਵੇਂ ਦਾ ਰਿਹਾ?
ਸੈੱਟ ’ਤੇ ਜੋ ਊਰਜਾ ਸੀ, ਉਹ ਬੇਹੱਦ ਸ਼ਾਂਤ ਅਤੇ ਧਾਰਮਿਕ ਸੀ। ਗਜਰੇ ਦੀ ਮਹਿਕ ਅਤੇ ਵਾਤਾਵਰਣ ਨੇ ਸਾਨੂੰ ਪੂਰੀ ਤਰ੍ਹਾਂ ਲੀਨ ਕਰ ਦਿੱਤਾ। ਸਾਨੂੰ ਲੱਗਾ ਰਿਹਾ ਸੀ ਕਿ ਅਸੀਂ ਦਵਾਰਕਾ ਵਿਚ ਹਾਂ, ਸਿਰਫ਼ ਸੈੱਟ ’ਤੇ ਨਹੀਂ। ਮੇਰੇ ਲਈ ਸੱਤਿਆਭਾਮਾ ਦਾ ਸਫ਼ਰ ਸਭ ਤੋਂ ਪਿਆਰਾ ਸੀ। ਉਨ੍ਹਾਂ ਦਾ ਨਾਂ ਤੇ ਉਨ੍ਹਾਂ ਦੀ ਕਹਾਣੀ ਮੇਰੇ ਲਈ ਬਹੁਤ ਖ਼ਾਸ ਹੈ।
ਪਾਣੀ 299 ਰੁਪਏ ਤੇ ਡਾਈਟ ਕੋਕ 180 ਦੀ ! ਮਸ਼ਹੂਰ ਅਦਾਕਾਰ ਦੇ ਰੈਸਟੋਰੈਂਟ ਦਾ ਬਿੱਲ ਸੋਸ਼ਲ ਮੀਡੀਆ 'ਤੇ ਵਾਇਰਲ
NEXT STORY 
