ਚੰਡੀਗੜ੍ਹ (ਬਿਊਰੋ)– ਪੰਜਾਬ ਦੀ ਕੈਟਰੀਨਾ ਕੈਫ ਕਹੀ ਜਾਣ ਵਾਲੀ ਸ਼ਹਿਨਾਜ਼ ਗਿੱਲ ਅਕਸਰ ਆਪਣੇ ਚੁਲਬੁਲੇ ਅੰਦਾਜ਼ ਨਾਲ ਸੋਸ਼ਲ ਮੀਡੀਆ ’ਤੇ ਛਾਈ ਰਹਿੰਦੀ ਹੈ। ਇਸੇ ਵਿਚਾਲੇ ਸ਼ਹਿਨਾਜ਼ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਇਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ’ਚ ਉਹ ਕਾਫੀ ਡਰੀ ਹੋਈ ਨਜ਼ਰ ਆ ਰਹੀ ਹੈ।
ਅਸਲ ’ਚ ਸ਼ਹਿਨਾਜ਼ ਸ਼ੇਰਨੀ ਨੂੰ ਦੇਖ ਕੇ ਡਰ ਰਹੀ ਹੈ। ਵੀਡੀਓ ’ਚ ਅਦਾਕਾਰਾ ਆਪਣੀ ਟੀਮ ਨਾਲ ਇਕ ਕਮਰੇ ’ਚ ਦਿਖਾਈ ਦੇ ਰਹੀ ਹੈ, ਉਥੇ ਇਕ ਦੂਜੇ ਕਮਰੇ ’ਚ ਸ਼ੇਰਨੀ ਘੁੰਮ ਰਹੀ ਹੈ। ਸ਼ਹਿਨਾਜ਼ ਆਪਣੀ ਟੀਮ ਨਾਲ ਉਸ ਨੂੰ ਮਿਲਣ ਪਹੁੰਚੀ ਪਰ ਉਸ ਨੂੰ ਦੇਖਦੇ ਹੀ ‘ਓਹ ਮੰਮੀ’ ਕਹਿ ਕੇ ਉਥੋਂ ਭੱਜਣ ਲੱਗੀ। ਇਸ ਦੌਰਾਨ ਉਸ ਦੇ ਕਿਊਟ ਹਾਵ-ਭਾਵ ਦੇਖਣ ਵਾਲੇ ਸਨ।
ਇਹ ਖ਼ਬਰ ਵੀ ਪੜ੍ਹੋ : ਰਣਵੀਰ ਸਿੰਘ ਨੂੰ ਮਿਲ ਐਮੀ ਵਿਰਕ ਨੇ ਕਿਹਾ ‘ਆਈ ਲਵ ਯੂ’, ਅੱਗੋਂ ਮਿਲਿਆ ਇਹ ਜਵਾਬ
ਇਸ ਵੀਡੀਓ ਨੂੰ ਸਾਂਝਾ ਕਰਦਿਆਂ ਉਸ ਨੇ ਖ਼ੁਦ ਲਿਖਿਆ, ‘‘ਮੈਂ ਡਰ ਗਈ।’’ ਹਾਲਾਂਕਿ ਉਸ ਦੇ ਚਿਹਰੇ ਦੇ ਹਾਵ-ਭਾਵ ਦੇਖਣ ਤੋਂ ਬਾਅਦ ਪ੍ਰਸ਼ੰਸਕ ਉਸ ਨੂੰ ਬੇਹੱਦ ਕਿਊਟ ਦੱਸ ਰਹੇ ਹਨ ਤੇ ਨਾਲ ਹੀ ਮਜ਼ੇਦਾਰ ਕੁਮੈਂਟਸ ਵੀ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘‘ਉਹ ਕਿੰਨੀ ਕਿਊਟ ਹੈ ਯਾਰ।’’ ਉਥੇ ਦੂਜੇ ਨੇ ਲਿਖਿਆ, ‘‘ਡਰੋ ਨਾ ਸ਼ਹਿਨਾਜ਼, ਇਹ ਵੀ ਤੁਹਾਨੂੰ ਮਿਲ ਕੇ ਤੁਹਾਡੇ ’ਤੇ ਫਿਦਾ ਹੋ ਜਾਵੇਗੀ।’’
ਸ਼ਹਿਨਾਜ਼ ਗਿੱਲ ਨੂੰ ਹਾਲ ਹੀ ’ਚ ਦੁਬਈ ’ਚ ਰਾਈਜ਼ਿੰਗ ਸਟਾਰ ਕੈਟਾਗਰੀ ਦਾ ਫ਼ਿਲਮਫੇਅਰ ਐਵਾਰਡ ਮਿਲਿਆ ਸੀ। ਇਸ ਐਵਾਰਡ ਨੂੰ ਅਦਾਕਾਰਾ ਨੇ ਆਪਣੇ ਸਵਰਗੀ ਦੋਸਤ ਤੇ ਅਦਾਕਾਰ ਸਿਧਾਰਥ ਸ਼ੁਕਲਾ ਨੂੰ ਡੈਡੀਕੇਟ ਕੀਤਾ ਸੀ। ਉਸ ਨੇ ਸਿਡ ਲਈ ਇਕ ਖ਼ਾਸ ਸਪੀਚ ਵੀ ਦਿੱਤੀ ਸੀ। ਸਿਡਨਾਜ਼ ਦੇ ਪ੍ਰਸ਼ੰਸਕ ਸ਼ਹਿਨਾਜ਼ ਦੀ ਸਪੀਚ ਸੁਣ ਕੇ ਕਾਫੀ ਭਾਵੁਕ ਹੋ ਗਏ ਸਨ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਰਣਵੀਰ ਸਿੰਘ ਨੂੰ ਮਿਲ ਐਮੀ ਵਿਰਕ ਨੇ ਕਿਹਾ ‘ਆਈ ਲਵ ਯੂ’, ਅੱਗੋਂ ਮਿਲਿਆ ਇਹ ਜਵਾਬ
NEXT STORY 
