ਮੁੰਬਈ- ਸ਼ੁੱਕਰਵਾਰ (10 ਸਤੰਬਰ) ਤੋਂ ਗਣੇਸ਼ ਚਤੁਰਥੀ ਨਾਲ ਪੂਰੇ ਦੇਸ਼ ਭਰ 'ਚ ਗਣੇਸ਼ ਉਤਸਵ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਬੀ-ਟਾਊਨ ਦੇ ਕਈ ਸਿਤਾਰਿਆਂ ਨੇ ਬਹੁਤ ਹੀ ਧੂਮਧਾਮ ਨਾਲ ਬੱਪਾ ਦਾ ਸਵਾਗਤ ਆਪਣੇ ਘਰਾਂ 'ਚ ਕੀਤਾ। ਅਗਲੇ 10 ਦਿਨ ਤੱਕ ਸਾਰੇ ਬੱਪਾ ਦੀ ਪੂਜਾ ਕਰਨਗੇ। ਉਧਰ ਹਰ ਤਿਉਹਾਰ ਨੂੰ ਧੂਮਧਾਮ ਨਾਲ ਮਨਾਉਣ ਵਾਲੀ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਵੀ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਗੰਨੂੰ ਰਾਜਾ ਨੂੰ ਘਰ ਲੈ ਕੇ ਆਈ ਹੈ।
ਸ਼ਿਲਪਾ ਡੇਢ ਦਿਨ ਤੱਕ ਉਨ੍ਹਾਂ ਦੀ ਪੂਜਾ ਕਰਦੀ ਹੈ ਅਤੇ ਫਿਰ ਧੂਮਧਾਮ ਨਾਲ ਵਿਸਰਜਨ ਕਰਦੀ ਹੈ।
ਗਣੇਸ਼ ਚਤੁਰਥੀ ਦੇ ਖਾਸ ਮੌਕੇ 'ਤੇ ਸ਼ਿਲਪਾ ਨੇ ਆਪਣੇ ਬੱਚਿਆਂ ਦੇ ਨਾਲ ਬੱਪਾ ਦੀ ਪੂਜਾ ਕੀਤੀ। ਅਦਾਕਾਰਾ ਨੇ ਇਸ ਸੈਲੀਬਿਰੇਸ਼ਨ ਦੀਆਂ ਕੁਝ ਤਸਵੀਰਾਂ ਅਤੇ ਵੀਡੀਓਜ਼ ਸਾਂਝੀਆਂ ਕੀਤੀਆਂ ਹਨ। ਵੀਡੀਓ 'ਚ ਸ਼ਿਲਪਾ ਪੁੱਤਰ ਵਿਆਨ ਨਾਲ ਪੂਰੇ ਸ਼ਰਧਾ ਭਗਤੀ ਨਾਲ ਗਣਪਤੀ ਬੱਪਾ ਦੀ ਆਰਤੀ ਕਰਦੀ ਨਜ਼ਰ ਆ ਰਹੀ ਹੈ।
ਇਸ ਨੂੰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ-'ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਸਾਡੇ ਗੰਨੂੰ ਰਾਜਾ ਨਾਲ ਹਨ ਤਾਂ ਹਰ ਸੰਕਟ ਨੂੰ ਮਾਤ ਹੈ।
ਸਾਡੀ ਸਾਲਾਨਾ ਪਰੰਪਰਾ ਨੂੰ ਬਣਾਏ ਰੱਖਦੇ ਹੋਏ ਆਪਣੇ ਤਰੀਕੇ ਨਾਲ ਆਸ਼ੀਰਵਾਦ ਭੇਜੋ। ਬੱਪਾ ਦੀ ਕਿਰਪਾ ਸਾਡੀਆਂ ਸਾਰੀਆਂ ਰੁਕਾਵਟਾਂ ਨੂੰ ਦੂਰ ਕਰਨ 'ਚ ਤੁਹਾਡੀ ਮਦਦ ਕਰਨ। ਗਣਪਤੀ ਬੱਪਾ ਮੋਰੀਆ'।
ਇਸ ਤੋਂ ਪਹਿਲਾਂ ਸ਼ਿਲਪਾ ਨੇ ਵਿਆਨ ਅਤੇ ਸ਼ਮੀਸ਼ਾ ਦੇ ਨਾਲ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ। ਇਸ ਮੌਕੇ 'ਤੇ ਸ਼ਿਲਪਾ ਗੁਲਾਬੀ ਡਰੈੱਸ ਪਹਿਨੇ ਨਜ਼ਰ ਆ ਰਹੀ ਹੈ। ਉਨ੍ਹਾਂ ਦੀ ਧੀ ਸ਼ਮੀਸ਼ਾ ਨੇ ਵੀ ਬਿਲਕੁੱਲ ਉਨ੍ਹਾਂ ਵਰਗੀ ਹੀ ਡਰੈੱਸ ਪਹਿਨੀ ਹੋਈ ਹੈ। ਉੱਧਰ ਪੁੱਤਰ ਵਿਆਨ ਬਲਿਊ ਕੁੜਤੇ 'ਚ ਨਜ਼ਰ ਆ ਰਹੇ ਹਨ। ਤਸਵੀਰਾਂ 'ਚ ਉਹ ਵਿਆਨ ਅਤੇ ਸ਼ਮੀਸ਼ਾ ਨੂੰ ਮੋਦਕ ਖਵਾਉਂਦੀ ਦਿਖ ਰਹੀ ਸੀ। ਪ੍ਰਸ਼ੰਸਕ ਉਨ੍ਹਾਂ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਕਾਫੀ ਪਸੰਦ ਕਰ ਰਹੇ ਹਨ।
ਯਾਦਾਂ: ਸਿਧਾਰਥ ਸ਼ੁਕਲਾ ਦੇ ਨਾਂ ਸ਼ਹਿਨਾਜ਼ ਦੇ ਭਰਾ ਦਾ ਪੋਸਟ, ਆਖੀ ਵੱਡੀ ਗੱਲ
NEXT STORY 
