ਮੁੰਬਈ: ਸਾਲ 2021’ਚ ਅੱਜ ਦੇ ਦਿਨ ਯਾਨੀ 2 ਸਤੰਬਰ ਦੀ ਸਵੇਰ ਬੁਰੀ ਖ਼ਬਰ ਆਈ ਸੀ। ਖ਼ਬਰ ਸੀ ਕਿ ‘ਬਿੱਗ ਬੌਸ 13’ ਦੇ ਜੇਤੂ ਅਤੇ ਅਦਾਕਾਰ ਸਿਧਾਰਥ ਸ਼ੁਕਲਾ ਹੁਣ ਸਾਡੇ ’ਚ ਨਹੀਂ ਰਹੇ। ਸਿਧਾਰਥ ਸ਼ੁਕਲਾ ਨੇ ਸਿਰਫ਼ 40 ਸਾਲ ਦੀ ਉਮਰ ’ਚ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਸੀ।
ਇਹ ਵੀ ਪੜ੍ਹੋ : ਦੇਰ ਰਾਤ ਮੀਂਹ ’ਚ ਪਤਨੀ ਨਾਲ ਸਪਾਟ ਹੋਏ ਰਣਬੀਰ, ਮਾਂ ਬਣਨ ਵਾਲੀ ਆਲੀਆ ਨੇ ਹੱਸਦੇ ਹੋਏ ਕੈਮਰੇ ਸਾਹਮਣੇ ਦਿੱਤੇ ਪੋਜ਼
ਉਨ੍ਹਾਂ ਦੀ ਮੌਤ ਨੇ ਸਾਰੇ ਪ੍ਰਸ਼ੰਸਕਾਂ ਨੂੰ ਅਜਿਹਾ ਸਦਮਾ ਦਿੱਤਾ ਹੈ, ਜਿਸ ਤੋਂ ਲੋਕ ਅੱਜ ਵੀ ਉਭਰ ਨਹੀਂ ਸਕੇ ਹਨ। ਸਿਧਾਰਥ ਸ਼ੁਕਲਾ ਦੀ ਪਹਿਲੀ ਬਰਸੀ ’ਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਅਤੇ ਕਰੀਬੀ ਉਨ੍ਹਾਂ ਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਯਾਦ ਕਰ ਰਹੇ ਹਨ। ਕੋਈ ਉਸ ਦੇ ਨਾਮ ’ਤੇ ਦੀਵਾ ਜਗਾ ਰਿਹਾ ਹੈ ਅਤੇ ਕੋਈ ਉਸ ਦੇ ਨਾਮ ’ਤੇ ਦਾਨ ਕਰ ਰਿਹਾ ਹੈ।
ਇਸ ਦੇ ਨਾਲ ਹੀ ਪੁੱਤਰ ਦੀ ਪਹਿਲੀ ਬਰਸੀ ਮੌਕੇ ਸ਼ੁਕਲਾ ਪਰਿਵਾਰ ਬ੍ਰਹਮਾ ਕੁਮਾਰੀ ਆਸ਼ਰਮ ਪਹੁੰਚਿਆ। ਇੱਥੇ ਉਨ੍ਹਾਂ ਨੇ ਪੁੱਤਰ ਦੀ ਆਤਮਾ ਦੀ ਸ਼ਾਂਤੀ ਲਈ ਪ੍ਰਾਰਥਨਾ ਸਭਾ ਦਾ ਆਯੋਜਨ ਕੀਤਾ। ਪ੍ਰਾਰਥਨਾ ਸਭਾ ’ਚ ਸਿਧਾਰਥ ਦੀ ਮਾਂ ਰੀਟਾ ਸ਼ੁਕਲਾ, ਦੋਵੇਂ ਭੈਣਾਂ ਪ੍ਰੀਤੀ ਅਤੇ ਨੀਤੂ ਆਪਣੇ ਪਤੀ ਅਤੇ ਅਦਾਕਾਰ ਦੇ ਡਰਾਈਵਰ ਅਤੇ ਦੋਸਤ ਆਦਿਤ ਅਗਰਵਾਲ ਵੀ ਮੌਜੂਦ ਸਨ। ਇਸ ਦੌਰਾਨ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ।
ਇਹ ਵੀ ਪੜ੍ਹੋ : ਸਰਗੁਣ ਮਹਿਤਾ ਨੇ ਆਪਣੀ ਫ਼ਿਲਮ ‘ਮੋਹ’ ਦੇ ਗੀਤ ’ਤੇ ਕੀਤਾ ਜ਼ਬਰਦਸਤ ਡਾਂਸ, ਦੇਖੋ ਵੀਡੀਓ
ਕੁਝ ਦਿਨ ਪਹਿਲਾਂ ਜਨਮ ਅਸ਼ਟਮੀ ਦੇ ਮੌਕੇ ’ਤੇ ਰੀਟਾ ਮਾਂ ਬ੍ਰਹਮਾ ਕੁਮਾਰੀਆਂ ਦੇ ਇਕ ਪ੍ਰੋਗਰਾਮ ’ਚ ਸ਼ਾਮਲ ਹੋਈ ਸੀ। ਉਨ੍ਹਾਂ ਨੂੰ ਬ੍ਰਹਮਾ ਕੁਮਾਰੀਆਂ ਦੇ ਮੈਂਬਰਾਂ, ਬੱਚਿਆਂ ਅਤੇ ਪਰਿਵਾਰਾਂ ਨਾਲ ਦੇਖਿਆ ਗਿਆ।
ਦੱਸ ਦੇਈਏ ਕਿ ਸਿਧਾਰਥ ਸ਼ੁਕਲਾ ਅਕਸਰ ਆਪਣੀ ਮਾਂ ਨਾਲ ਜਾਂ ਇਕੱਲੇ ਬ੍ਰਹਮਾ ਕੁਮਾਰੀ ਕੋਲ ਜਾਇਆ ਕਰਦੇ ਸਨ ਪਰ ਉਨ੍ਹਾਂ ਦੇ ਜਾਣ ਤੋਂ ਬਾਅਦ ਸ਼ਹਿਨਾਜ਼ ਗਿੱਲ ਨੇ ਇਸ ਪਰੰਪਰਾ ਨੂੰ ਕਾਇਮ ਰੱਖਿਆ ਅਤੇ ਉਹ ਉਸ ਸੰਸਥਾ ਨਾਲ ਜੁੜ ਗਈ। ਉਹ ਅਕਸਰ ਉੱਥੇ ਆਪਣਾ ਸਮਾਂ ਬਿਤਾਉਂਦੀ ਨਜ਼ਰ ਆਉਂਦੀ ਹੈ।
ਸਿਧਾਰਥ ਸ਼ੁਕਲਾ ਆਪਣੀ ਮਾਂ ਦੇ ਸਭ ਤੋਂ ਨਜ਼ਦੀਕ ਸਨ ਅਤੇ ਉਹ ਹਮੇਸ਼ਾ ਉਨ੍ਹਾਂ ਦੀ ਗੱਲਬਾਤ ਦਾ ਹਿੱਸਾ ਸਨ। ਉਨ੍ਹਾਂ ਦੀ ਬਾਂਡਿੰਗ ਬਿੱਗ ਬੌਸ 13 ਦੌਰਾਨ ਦੇਖਣ ਨੂੰ ਮਿਲੀ ਜਦੋਂ ਉਨ੍ਹਾਂ ਦੀ ਮਾਂ ਅਦਾਕਾਰ ਨੂੰ ਮਿਲਣ ਆਈ ਸੀ।
ਦੇਰ ਰਾਤ ਮੀਂਹ ’ਚ ਪਤਨੀ ਨਾਲ ਸਪਾਟ ਹੋਏ ਰਣਬੀਰ, ਮਾਂ ਬਣਨ ਵਾਲੀ ਆਲੀਆ ਨੇ ਹੱਸਦੇ ਹੋਏ ਕੈਮਰੇ ਸਾਹਮਣੇ ਦਿੱਤੇ ਪੋਜ਼
NEXT STORY 
