ਐਂਟਰਟੇਨਮੈਂਟ ਡੈਸਕ : ਸਾਇਰਾ ਬਾਨੋ ਨਾ ਸਿਰਫ਼ ਆਪਣੀ ਐਕਟਿੰਗ ਅਤੇ ਖ਼ੂਬਸੂਰਤੀ ਲਈ ਸਰਾਹਿਆ ਜਾਂਦੀ ਸੀ, ਸਗੋਂ ਉਹ ਆਪਣੇ ਸਮੇਂ ਦੀ ਸਟਾਈਲ ਆਈਕਨ ਵੀ ਸਨ। ਹਾਲਾਂਕਿ ਉਨ੍ਹਾਂ ਆਪਣੀ ਨਿੱਜੀ ਜ਼ਿੰਦਗੀ ਕਾਰਨ 1970 ਦੇ ਦਹਾਕੇ ਦੇ ਅਖੀਰ 'ਚ ਸਿਨੇਮਾ ਤੋਂ ਦੂਰੀ ਬਣਾ ਲਈ ਸੀ ਪਰ ਉਨ੍ਹਾਂ ਹਮੇਸ਼ਾਂ ਆਪਣੀ ਵਿਰਾਸਤ ਨਾਲ ਦਰਸ਼ਕਾਂ ਨੂੰ ਮੋਹ ਲਿਆ। ਉਹ ਇਸ ਸਮੇਂ ਖਰਾਬ ਸਿਹਤ ਤੋਂ ਪੀੜਤ ਹੈ। ਸਦਾਬਹਾਰ ਅਦਾਕਾਰਾ ਸਾਇਰਾ ਬਾਨੋ ਦੀ ਸਿਹਤ ਵਿਗੜਦੀ ਜਾ ਰਹੀ ਹੈ। ਸਾਲ ਦੀ ਸ਼ੁਰੂਆਤ 'ਚ ਇਹ ਖੁਲਾਸਾ ਹੋਇਆ ਸੀ ਕਿ ਉਹ ਨਿਮੋਨੀਆ ਤੋਂ ਪੀੜਤ ਸੀ। ਇਕ ਨਿੱਜੀ ਚੈਨਲ 'ਚ ਛਪੀ ਖ਼ਬਰ ਮੁਤਾਬਕ, ਸਾਇਰਾ ਬਾਨੋ ਦੇ ਵੱਛਿਆਂ 'ਚ ਖੂਨ ਦੇ ਦੋ ਥੱਕੇ ਹਨ। ਅਦਾਕਾਰਾ ਦਾ ਘਰ 'ਚ ਇਲਾਜ ਚੱਲ ਰਿਹਾ ਹੈ ਪਰ ਉਨ੍ਹਾਂ ਨੂੰ ਤੁਰਨ-ਫਿਰਨ ‘ਚ ਬਹੁਤ ਔਖ ਆ ਰਹੀ ਹੈ।
ਇਹ ਵੀ ਪੜ੍ਹੋ- ਪਹਿਲਾਂ DJ 'ਤੇ ਇਕੱਠਿਆਂ ਪਾਇਆ ਭੰਗੜਾ, ਫ਼ਿਰ ਪਿਓ-ਪੁੱਤ ਨੇ ਕਰ'ਤਾ ਨੌਜਵਾਨ ਦਾ ਕਤਲ
ਦੱਸ ਦਈਏ ਸਾਇਰਾ ਬਾਨੋ ਦੇ ਪਤੀ ਦਿਲੀਪ ਕੁਮਾਰ ਦੀ ਸਾਲ 2021 'ਚ ਮੌਤ ਹੋ ਗਈ ਸੀ। ਸਾਲ ਦੀ ਸ਼ੁਰੂਆਤ ‘ਚ ਸਾਇਰਾ ਬਾਨੋ ਨੇ ਦਿਲੀਪ ਕੁਮਾਰ ਨੂੰ ਉਨ੍ਹਾਂ ਦੇ ਵਿਆਹ ਦੀ 58ਵੀਂ ਵਰ੍ਹੇਗੰਢ ‘ਤੇ ਯਾਦ ਕਰਦੇ ਹੋਏ ਇਕ ਭਾਵੁਕ ਪੋਸਟ ਕੀਤੀ ਸੀ। ਸਾਇਰਾ ਬਾਨੋ ਨੇ ਆਪਣੀ ਪੋਸਟ ‘ਚ ਵਿਆਹ ਦੇ ਦਿਨ ਨੂੰ ਯਾਦ ਕੀਤਾ ਸੀ। ਅਭਿਨੇਤਰੀ ਨੇ ਦੱਸਿਆ ਸੀ ਕਿ ਉਨ੍ਹਾਂ ਦਾ ਵਿਆਹ ਇੰਨੇ ਹਫੜਾ-ਦਫੜੀ 'ਚ ਹੋਇਆ ਸੀ ਕਿ ਸਥਾਨਕ ਦਰਜ਼ੀ ਦੀ ਮਦਦ ਨਾਲ ਆਖਰੀ ਸਮੇਂ ‘ਤੇ ਲਹਿੰਗਾ ਤਿਆਰ ਕੀਤਾ ਗਿਆ ਸੀ। ਉਨ੍ਹਾਂ ਨੇ ਦਿਲੀਪ ਕੁਮਾਰ ਨਾਲ ਆਪਣੀਆਂ ਕਈ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਸਨ। ਸਾਇਰਾ ਬਾਨੋ ਦੀਆਂ ਗੱਲਾਂ ਤੋਂ ਸਾਫ਼ ਹੈ ਕਿ ਹੁਣ ਸਿਰਫ਼ ਦਿਲੀਪ ਕੁਮਾਰ ਹੀ ਉਨ੍ਹਾਂ ਦੀਆਂ ਯਾਦਾਂ ‘ਚ ਹਨ।
ਇਹ ਵੀ ਪੜ੍ਹੋ- ਪੰਜਾਬ ਦੇ ਇਸ ਪਿੰਡ ਦੀ ਨਵੀਂ ਚੁਣੀ ਪੰਚਾਇਤ ਨੇ ਚੁੱਕਿਆ ਨਿਵੇਕਲਾ ਕਦਮ ; ਬਾਕੀ ਪਿੰਡਾਂ ਲਈ ਵੀ ਪੇਸ਼ ਕੀਤੀ ਮਿਸਾਲ
ਦੱਸਣਯੋਗ ਹੈ ਕਿ ਸਾਇਰਾ ਬਾਨੋ ਦਾ ਬਾਲੀਵੁੱਡ 'ਚ ਸ਼ਾਨਦਾਰ ਕਰੀਅਰ ਉਨ੍ਹਾਂ ਦੀ ਪ੍ਰਤਿਭਾ ਅਤੇ ਕਰਿਸ਼ਮੇ ਦਾ ਸਬੂਤ ਹੈ। ਉਨ੍ਹਾਂ ਸਿਰਫ 17 ਸਾਲ ਦੀ ਉਮਰ 'ਚ 1961 'ਚ ਸ਼ੰਮੀ ਕਪੂਰ ਨਾਲ ਰੋਮਾਂਟਿਕ ਕਲਾਸਿਕ ਫ਼ਿਲਮ ‘ਜੰਗਲੀ’ 'ਚ ਆਪਣੀ ਸ਼ੁਰੂਆਤ ਕੀਤੀ ਅਤੇ ਆਪਣੀ ਸੁੰਦਰਤਾ ਅਤੇ ਪ੍ਰਦਰਸ਼ਨ ਨਾਲ ਦਰਸ਼ਕਾਂ ਨੂੰ ਮੰਤਰਮੁਗਧ ਕੀਤਾ। ਅਭਿਨੇਤਰੀ ਦੀ ਜੀਵੰਤਤਾ ਅਤੇ ਸੁੰਦਰਤਾ ਨੇ ਉਨ੍ਹਾਂ ਨੂੰ ਆਪਣੇ ਸਮੇਂ ਦੀ ਚੋਟੀ ਦੀ ਅਭਿਨੇਤਰੀ ਬਣਾ ਦਿੱਤਾ। ਉਨ੍ਹਾਂ ਵੱਖ-ਵੱਖ ਸ਼ੈਲੀਆਂ ਦੀਆਂ ਫ਼ਿਲਮਾਂ 'ਚ ਆਪਣੀ ਪ੍ਰਤਿਭਾ ਦਾ ਸਬੂਤ ਦਿੱਤਾ। ਉਨ੍ਹਾਂ ਦਿਲੀਪ ਕੁਮਾਰ, ਰਾਜੇਂਦਰ ਕੁਮਾਰ ਅਤੇ ਸੁਨੀਲ ਦੱਤ ਸਮੇਤ ਚੋਟੀ ਦੇ ਬਾਲੀਵੁੱਡ ਅਦਾਕਾਰਾਂ ਨਾਲ ਕੰਮ ਕੀਤਾ। ‘ਗੋਪੀ’ ਅਤੇ ‘ਬੈਰਾਗ’ ਵਰਗੀਆਂ ਫ਼ਿਲਮਾਂ ‘ਚ ਦਿਲੀਪ ਕੁਮਾਰ ਨਾਲ ਉਨ੍ਹਾਂ ਦੀ ਆਨ-ਸਕਰੀਨ ਕੈਮਿਸਟਰੀ ਨੂੰ ਲੋਕਾਂ ਨੇ ਕਾਫੀ ਪਸੰਦ ਕੀਤਾ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਫਿਲਮ ਨਿਰਮਾਤਾ ਸੁਭਾਸ਼ ਘਈ ਦੀ ਤਬੀਅਤ ਵਿਗੜੀ, ਮੁੰਬਈ ਦੇ ਲੀਲਾਵਤੀ ਹਸਪਤਾਲ 'ਚ ਦਾਖ਼ਲ
NEXT STORY 
