ਮੁੰਬਈ- ਹਾਲ ਹੀ 'ਚ ਮਸ਼ਹੂਰ ਕਾਮੇਡੀਅਨ ਸੁਗੰਧਾ ਮਿਸ਼ਰਾ ਸੰਕੇਤ ਭੌਸਲੇ ਨਾਲ ਵਿਆਹ ਦੇ ਬੱਧਣ 'ਚ ਬੱਝੀ ਹੈ। ਉਦੋਂ ਤੋਂ ਹੀ ਉਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ। ਇਸ ਦੌਰਾਨ ਸੁਗੰਧਾ ਮਿਸ਼ਰਾ ਦੀ ਇਕ ਹੋਰ ਨਵੀਂ ਤਸਵੀਰ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਉਹ ਵਿਆਹ ਤੋਂ ਬਾਅਦ ਸਹੁਰੇ ਘਰ 'ਚ ਆਪਣੀ ਪਹਿਲੀ ਰਸੋਈ ਬਣਾਉਂਦੀ ਨਜ਼ਰ ਆਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਸੁਗੰਧਾ ਅਤੇ ਸੰਕੇਤ ਭੌਸਲੇ 26 ਅਪ੍ਰੈਲ ਨੂੰ ਵਿਆਹ ਦੇ ਬੰਧਨ ਵਿੱਚ ਬੱਝੇ ਸਨ। ਜਿਸ ਤੋਂ ਬਾਅਦ ਇਹ ਜੋੜਾ ਵਿਆਹ ਦੀਆਂ ਰਸਮਾਂ ਵਿਚ ਰੁੱਝਿਆ ਹੋਇਆ ਹੈ। ਹਾਲ ਹੀ ਵਿੱਚ ਉਨ੍ਹਾਂ ਦੇ ਘਰ ਸੱਤਿਆਨਾਰਾਯਣ ਦੀ ਪੂਜਾ ਕੀਤੀ ਗਈ। ਜਿਸ ਤੋਂ ਬਾਅਦ ਸੁਗੰਧਾ ਮਿਸ਼ਰਾ ਨੇ ਆਪਣੇ ਸਹੁਰੇ ਘਰ ਵਿਚ ਪਹਿਲੀ ਰਸੋਈ ਲਈ ਭੌਸਲੇ ਪਰਿਵਾਰ ਲਈ ਮਠਿਆਈ ਬਣਾਈ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਦੌਰਾਨ ਸੁਗੰਧਾ ਮਿਸ਼ਰਾ ਨੇ ਮਹਾਰਾਸ਼ਟਰੀਅਨ ਰਵਾਇਤੀ ਲਿਬਾਸ ਨੌਵਰੀ ਸਾੜੀ ਪਾਈ ਅਤੇ ਪੂਜਾ ਦੌਰਾਨ ਨੱਥ ਅਤੇ ਗਜਰਾ ਵੀ ਲਗਾਇਆ। ਇਸ ਸਮੇਂ ਜੇਕਰ ਸੰਕੇਤ ਭੌਸਲੇ ਦੀ ਲੁੱਕ ਦੀ ਗੱਲ ਕਰੀਏ ਤਾਂ ਉਸ ਨੇ ਕੁੜਤਾ ਅਤੇ ਪਜਾਮਾ ਪਾਇਆ ਹੋਇਆ ਸੀ। ਗੱਲਬਾਤ ਦੌਰਾਨ ਸੁਗੰਧਾ ਮਿਸ਼ਰਾ ਨੇ ਕਿਹਾ ਕਿ ਮੈਂ ਮਹਾਰਾਸ਼ਟਰ ਦੇ ਰਵਾਇਤੀ ਤੌਰ ਤਰੀਕਿਆਂ ਨੂੰ ਸਮਝ ਰਹੀ ਹਾਂ। ਮੈਂ ਮਹਾਰਾਸ਼ਟਰੀਅਨ ਬਾਈਕੋ ਬਣਨ ਨੂੰ ਲੈ ਕੇ ਉਤਸ਼ਾਹਿਤ ਹਾਂ।
ਦੱਸਣਯੋਗ ਹੈ ਕਿ ਸੁਗੰਧਾ ਨੇ ਪਹਿਲੀ ਰਸੋਈ ਦੌਰਾਨ ਪਨਜੀਰੀ ਬਣਾਈ ਸੀ ਜੋ ਇਕ ਰਵਾਇਤੀ ਪੰਜਾਬੀ ਮਠਿਆਈ ਹੈ, ਜਿਸ ਨੂੰ ਪੂਜਾ ਦੌਰਾਨ ਬਣਾਇਆ ਜਾਂਦਾ ਹੈ। ਇਸ ਨੂੰ ਪ੍ਰਸਾਦ ਦੇ ਤੌਰ ਤੇ ਪੂਜਾ ਕਰਕੇ ਖਾਧਾ ਜਾਂਦਾ ਹੈ। ਇਸ ਦੌਰਾਨ ਸੁਗੰਧਾ ਨੇ ਇਕ ਮਹਾਰਾਸ਼ਟਰੀ ਮਠਿਆਈ ਵੀ ਤਿਆਰ ਕੀਤੀ ਸੀ।
ਸਲਮਾਨ ਖ਼ਾਨ ਦੀ ਫ਼ਿਲਮ ‘ਰਾਧੇ’ ਦੀ ਅਡਵਾਂਸ ਬੁਕਿੰਗ UAE ’ਚ ਹੋਈ ਸ਼ੁਰੂ
NEXT STORY 
