ਜਲੰਧਰ (ਬਿਊਰੋ) : ਸਾਲ 1935 'ਚ ਰਿਲੀਜ਼ ਹੋਈ ਅਤੇ ਕੇ. ਡੀ ਮਹਿਰਾ ਦੁਆਰਾ ਨਿਰਦੇਸ਼ਿਤ ਕੀਤੀ ਪਾਲੀਵੁੱਡ ਇਤਿਹਾਸ ਦੀ ਪਹਿਲੀ ਪੰਜਾਬੀ ਫ਼ਿਲਮ 'ਪਿੰਡ ਦੀ ਕੁੜੀ' ਨਾਲ ਆਗਾਜ਼ ਵੱਲ ਵਧੇ ਪੰਜਾਬੀ ਸਿਨੇਮਾ ਨੇ ਅੱਜ ਕਈ ਦਹਾਕਿਆਂ ਦਾ ਲੰਮੇਰਾ ਪੈਂਡਾ ਤੈਅ ਕਰ ਲਿਆ ਹੈ, ਪਰ ਸਾਲਾਂਬੱਧੀ ਦੇ ਹੰਢਾਂ ਲਏ ਗਏ ਇਸ ਸਫ਼ਰ ਦੇ ਬਾਵਜੂਦ ਪੁਰਾਤਨ ਸ਼ੈਲੀ ਨਾਲ ਬੱਧੀ ਸਿਰਜਣਾਤਮਕਤਾ ਹੁਣ ਵੀ ਇਸ 'ਤੇ ਪੂਰੀ ਤਰ੍ਹਾਂ ਹਾਵੀ ਨਜ਼ਰ ਆ ਰਹੀ ਹੈ। ਇਹੀ ਕਾਰਨ ਹੈ ਕਿ ਗਲੋਬਲੀ ਅਧਾਰ ਕਾਇਮ ਕਰ ਲੈਣ ਦੇ ਬਾਵਜੂਦ ਇਸ ਸਿਨੇਮਾ 'ਚ ਇੰਟੀਮੇਟ ਸੀਨਜ਼ ਨੂੰ ਕੋਈ ਜਗ੍ਹਾ ਨਹੀਂ ਦਿੱਤੀ ਜਾ ਰਹੀ, ਜਿਸ ਸੰਬੰਧਤ ਹੀ ਸਾਹਮਣੇ ਆਈਆਂ ਕੁਝ ਪ੍ਰਤੀਕਿਰਿਆਵਾਂ ਵੱਲ ਆਓ ਕਰਦੇ ਹਾਂ ਵਿਸ਼ੇਸ਼ ਨਜ਼ਰਸਾਨੀ :-
ਇਹ ਵੀ ਪੜ੍ਹੋ- 24 ਸਾਲਾ ਮਸ਼ਹੂਰ ਅਦਾਕਾਰਾ ਦਾ ਦਿਹਾਂਤ, ਘਰ 'ਚੋਂ ਮਿਲੀ ਲਾਸ਼
ਅਦਾਕਾਰ ਰਤਨ ਔਲਖ ਦਾ ਕਹਿਣਾ ਹੈ ਕਿ, "ਪੰਜਾਬੀ ਫ਼ਿਲਮ ਉਦਯੋਗ 'ਚ ਕੰਮ ਕਰਨ ਵਾਲੇ ਜ਼ਿਆਦਾਤਰ ਅਦਾਕਾਰ ਅਤੇ ਅਦਾਕਾਰਾਂ ਮੂਲ ਰੂਪ ਪੰਜਾਬੀ ਜਾਂ ਪੁਰਾਤਨ ਸੰਸਕਾਰਾਂ ਅਤੇ ਕਦਰਾਂ-ਕੀਮਤਾਂ ਨਾਲ ਡੂੰਘੇ ਰੂਪ 'ਚ ਜੁੜੇ ਅਜਿਹੇ ਪਰਿਵਾਰਾਂ ਨਾਲ ਸੰਬੰਧ ਰੱਖਦੇ ਹਨ, ਜੋ ਉਕਤ ਤਰ੍ਹਾਂ ਦੇ ਦ੍ਰਿਸ਼ ਵੇਖਣ 'ਚ ਸਹਿਜਤਾ ਜਾਂ ਚੰਗਾ ਮਹਿਸੂਸ ਨਹੀਂ ਕਰਦੇ। ਇਸ ਦੇ ਮੱਦੇਨਜ਼ਰ ਹੀ ਉੱਤਰੀ ਭਾਰਤ ਦੇ ਇਸ ਸਿਨੇਮਾ ਸੰਬੰਧਤ ਅਦਾਕਾਰ ਅਤੇ ਅਦਾਕਾਰਾਂ ਖਾਸ ਤੌਰ 'ਤੇ ਅਕਸਰ ਮਨਾਹੀ ਕਰਦੇ ਹਨ ਕਿ ਉਹ ਆਪਣੀਆਂ ਫ਼ਿਲਮਾਂ 'ਚ ਕੋਈ ਇੰਟੀਮੇਟ ਸੀਨ ਨਹੀਂ ਚਾਹੁੰਦੇ ਕਿਉਂਕਿ ਇਸ ਨਾਲ ਪਰਿਵਾਰਿਕ ਦਰਸ਼ਕਾਂ ਦੇ ਖੁੱਸ ਜਾਣ ਦਾ ਡਰ ਵੀ ਉਨ੍ਹਾਂ ਨੂੰ ਬਣਿਆ ਰਹਿੰਦਾ ਹੈ। ਇਸ ਭਾਵਨਾ ਨੂੰ ਵੇਖਦਿਆਂ ਨਿਰਮਾਤਾ-ਨਿਰਦੇਸ਼ਕਾਂ ਵੱਲੋਂ ਵੀ ਇਸ ਪਾਸੇ ਵੱਲ ਕਿਨਾਰਾਕਸ਼ੀ ਕਰਨਾ ਹੀ ਬਿਹਤਰ ਸਮਝਿਆ ਜਾਂਦਾ ਹੈ।"
ਇਹ ਵੀ ਪੜ੍ਹੋ- ਮਸ਼ਹੂਰ ਗਾਇਕਾ ਸ਼ਕੀਰਾ ਦੀ ਵਿਗੜੀ ਸਿਹਤ, ਹਸਪਤਾਲ 'ਚ ਭਰਤੀ
ਇਸ ਮਸਲੇ 'ਤੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਹੋਏ ਅਦਾਕਾਰਾ ਸਪਨਾ ਬੱਸੀ ਨੇ ਕਿਹਾ, "ਪੰਜਾਬ ਇੱਕ ਅਮੀਰ ਸੱਭਿਆਚਾਰ ਅਤੇ ਵਿਰਾਸਤ ਵਾਲਾ ਖੇਤਰ ਮੰਨਿਆ ਜਾਂਦਾ ਹੈ। ਇਸ ਸੰਬੰਧਤ ਭਾਈਚਾਰਾ ਕੁਝ ਖਾਸ ਸਿਧਾਂਤਾਂ ਨਾਲ ਜੁੜਿਆ ਹੋਇਆ ਹੈ, ਜਿਨ੍ਹਾਂ ਦੀਆਂ ਇਸ ਦਿਸ਼ਾਂ 'ਚ ਅਪਣਾਈਆਂ ਜਾਂਦੀਆਂ ਭਾਵਨਾਵਾਂ ਤੋਂ ਇਨਕਾਰੀ ਹੋਣਾ ਪਾਲੀਵੁੱਡ ਲਈ ਦਰਸ਼ਕਾਂ ਦੀ ਦੂਰੀ ਦੇ ਰੂਪ 'ਚ ਮੁਸੀਬਤ ਪੈਦਾ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ ਪੰਜਾਬੀ ਭਾਈਚਾਰੇ ਦੇ ਕਈ ਅਜਿਹੇ ਵਰਗ ਵੀ ਹਨ, ਜੋ ਪੰਜਾਬੀ ਫ਼ਿਲਮਾਂ 'ਚ ਸੈਕਸ ਜਾਂ ਇੰਟੀਮੇਟ ਦ੍ਰਿਸ਼ਾਂ ਦੇ ਵਿਚਾਰ ਨਾਲ ਸਹਿਮਤ ਨਹੀਂ ਹਨ ਅਤੇ ਨਾ ਹੀ ਉਹ ਇਸ ਖੁੱਲ੍ਹ ਨੂੰ ਦੇਣ ਲਈ ਜ਼ਿਹਨੀ ਤੌਰ 'ਤੇ ਤਿਆਰ ਹਨ। ਅਜਿਹੀ ਸੂਰਤ 'ਚ ਕੋਈ ਵੀ ਕਲਾਕਾਰ ਇਸ ਦਿਸ਼ਾਂ 'ਚ ਲੀਕੋ ਹੱਟਣਾ ਗਵਾਰਾ ਨਹੀਂ ਕਰਦਾ।"
ਇਹ ਵੀ ਪੜ੍ਹੋ- ਪਰਿਵਾਰ ਲਈ ਕਾਤਲ ਬਣਿਆ ਮਾਸੂਮ ਪਿਤਾ, ਦੁਸ਼ਮਣਾਂ ਨੂੰ ਉਤਾਰਿਆ ਮੌਤ ਦੇ ਘਾਟ
ਅਦਾਕਾਰ, ਨਿਰਮਾਤਾ ਅਤੇ ਨਿਰਦੇਸ਼ਕ ਪ੍ਰਮੋਦ ਪੱਬੀ ਇਸ ਸੰਬੰਧੀ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਕਹਿੰਦੇ ਹਨ, "ਪੰਜਾਬੀ ਸਿਨੇਮਾ ਦ੍ਰਿਸ਼ਾਂਵਲੀ 'ਚ ਇੰਟੀਮੇਟ ਸੀਨਜ਼ ਦੀ ਅਣਹੋਂਦ ਦਾ ਇੱਕ ਮੁੱਖ ਕਾਰਨ ਇਹ ਵੀ ਹੈ ਕਿ ਪੰਜਾਬੀ ਫ਼ਿਲਮਾਂ ਦੀ ਸਫ਼ਲਤਾ 'ਚ ਪਰਿਵਾਰਿਕ ਦਰਸ਼ਕ ਹੀ ਅਹਿਮ ਭੂਮਿਕਾ ਨਿਭਾਉਂਦੇ ਆ ਰਹੇ ਹਨ, ਜਿੰਨ੍ਹਾਂ 'ਚ ਬਹੁਤਾਤ ਹਮੇਸ਼ਾ ਔਰਤਾਂ ਦੀ ਰਹੀ ਹੈ, ਜੋ ਇੰਟੀਮੇਟ ਸੀਨਜ਼ ਨੂੰ ਪਰਿਵਾਰਿਕ ਮੈਂਬਰਾਂ ਖਾਸ ਕਰ ਬੱਚਿਆਂ ਦਰਮਿਆਨ ਵੇਖਣ ਤੋਂ ਝਿਜਕਦੀਆਂ ਹਨ। ਇਹ ਵੀ ਇੱਕ ਮੁੱਖ ਕਾਰਨ ਹੈ ਕਿ ਇਸ ਵਰਗ ਦੇ ਦੂਰ ਹੋ ਜਾਣ ਦੇ ਡਰ ਖੁਣੋ ਵੀ ਨਿਰਮਾਤਾ, ਨਿਰਦੇਸ਼ਕਾਂ ਅਪਣੀਆਂ ਫ਼ਿਲਮਾਂ 'ਚ ਉਕਤ ਤਰ੍ਹਾਂ ਦੇ ਦ੍ਰਿਸ਼ ਸ਼ਾਮਲ ਕਰਨ ਤੋਂ ਟਾਲਾ ਵੱਟਣਾ ਹੀ ਜ਼ਿਆਦਾ ਮੁਨਾਸਿਬ ਸਮਝਦੇ ਹਨ।"
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Diljit Dosanjh ਇਸ ਪਕਿਸਤਾਨੀ ਅਦਾਕਾਰਾ ਨਾਲ ਕਰਨਗੇ ਕੰਮ!
NEXT STORY 
