ਮੁੰਬਈ-ਟੀ.ਵੀ. ਇੰਡਸਟਰੀ ਦੀ ਮਸ਼ਹੂਰ ਜੋੜੀ ਨਿਸ਼ਾ ਰਾਵਲ ਅਤੇ ਕਰਨ ਮਹਿਰਾ ਦੀ ਨਿੱਜੀ ਜ਼ਿੰਦਗੀ ਹੁਣ ਲੋਕਾਂ ਵਿਚਕਾਰ ਆ ਗਈ ਹੈ। ਦੋਵਾਂ ਵਿਚਕਾਰ ਹੁਣ ਕੁਝ ਵੀ ਠੀਕ ਨਹੀਂ। ਨਿਸ਼ਾ ਰਾਵਲ ਅਤੇ ਕਰਨ ਮਹਿਰਾ ਦੋਵੇਂ ਇਕ-ਦੂਸਰੇ 'ਤੇ ਦੋਸ਼ ਲਗਾ ਰਹੇ ਹਨ। ਕਰਨ ਦੇ ਮੀਡੀਆ ਸਾਹਮਣੇ ਪੱਖ ਰੱਖਣ ਤੋਂ ਬਾਅਦ ਨਿਸ਼ਾ ਨੇ ਵੀ ਆਪਣੀ ਗੱਲ ਰੱਖੀ ਹੈ। ਇਸ ਦੌਰਾਨ ਉਸ ਨੇ ਅਜਿਹੀ ਗੱਲ ਦੱਸੀ ਜਿਸ ਨੇ ਹਰ ਕਿਸੇ ਦਾ ਧਿਆਨ ਆਪਣੇ ਵੱਲ਼ ਖਿੱਚ ਲਿਆ। ਕਰਨ ਮਹਿਰਾ ਖਿਲਾਫ਼ ਐੱਫ.ਆਈ.ਆਰ. ਦਰਜ ਕਰਵਾਉਣ ਤੋਂ ਬਾਅਦ ਨਿਸ਼ਾ ਨੇ ਮੀਡੀਆ ਨਾਲ ਗੱਲਬਾਤ ਕੀਤੀ ਤੇ ਆਪਣੀ ਹਾਲਤ ਦੀ ਤਸਵੀਰ ਵੀ ਦਿਖਾਈ।
ਨਿਸ਼ਾ ਰਾਵਲ ਨੇ ਦੱਸਿਆ ਕਿ ਉਸ ਦੇ ਪਤੀ ਕਰਨ ਮਹਿਰਾ ਉਸ ਨੂੰ ਪਾਗਲ ਕਹਿ ਰਹੇ ਹਨ, ਜਦਕਿ ਅਜਿਹਾ ਨਹੀਂ ਹੈ। ਉਸ ਦਾ ਕਹਿਣਾ ਸੀ, 'ਮੈਂ ਮਾਨਸਿਕ ਤੌਰ 'ਤੇ ਬਿਮਾਰ ਜ਼ਰੂਰ ਹੋਈ ਪਰ ਹੁਣ ਮੇਰਾ ਇਲਾਜ ਹੋ ਗਿਆ ਹੈ ਅਤੇ ਮੈਂ ਠੀਕ ਹਾਂ। ਮੈਂ ਸਾਲ 2014 'ਚ ਬਾਈਪੋਲਰ ਡਿਸਆਰਡਰ ਨਾਲ ਜੂਝ ਰਹੀ ਸੀ। ਇਹ ਪਾਗਲਪਨ ਨਹੀਂ ਬਲਕਿ ਮੂਡ ਡਿਸਆਰਡਰ ਦੀ ਸਮੱਸਿਆ ਹੈ। ਇਹ ਕਿਸੇ ਵੱਡੇ ਕਦਮ ਦੀ ਵਜ੍ਹਾ ਨਾਲ ਜਾਂ ਫਿਰ ਕਦੀ-ਕਦੀ ਜੈਨੇਟਿਕ ਵੀ ਹੁੰਦਾ ਹੈ। ਮੈਂ ਇਸ ਬਾਰੇ ਕੋਈ ਝੂਠ ਨਹੀਂ ਬੋਲਾਂਗੀ, ਮੈਂ ਇਸ ਤੋਂ ਸ਼ਰਮਿੰਦਾ ਨਹੀਂ ਹਾਂ। ਮੈਂ ਆਪਣਾ ਇਲਾਜ ਡਾਕਟਰ ਕਸੀ ਚਾਵੜਾ ਤੋਂ ਕਰਵਾਇਆ ਅਤੇ ਹੁਣ ਕੁਝ ਮਹੀਨਿਆਂ ਬਾਅਦ ਠੀਕ ਹੋ ਗਈ। ਇਹ ਸਮੱਸਿਆ ਇਸ ਲਈ ਹੋਈ ਕਿਉਂਕਿ ਮੈਂ ਆਪਣੀ ਕੁੱਖ 'ਚ ਪਲ਼ ਰਿਹਾ 5 ਮਹੀਨੇ ਦਾ ਬੱਚਾ ਗੁਆ ਦਿੱਤਾ ਸੀ। ਇਸ ਮੁਸ਼ਕਲ ਘੜੀ 'ਚ ਵੀ ਮੈਨੂੰ ਕਰਨ ਮਹਿਰਾ ਦਾ ਸਾਥ ਨਹੀਂ ਮਿਲਿਆ ਸਗੋਂ ਉਸ ਦਾ ਰਵੱਈਆ ਮੇਰੇ ਪ੍ਰਤੀ ਖਰਾਬ ਸੀ।'
ਕਰਨ ਦਾ ਚੱਲ ਰਿਹਾ ਸੀ ਕਿਤੇ ਹੋਰ ਅਫੇਅਰ
ਇਨ੍ਹਾਂ ਸਭ ਗੱਲਾਂ ਤੋਂ ਪਹਿਲਾਂ ਨਿਸ਼ਾ ਰਾਵਲ ਨੇ ਸਪੱਸ਼ਟ ਕੀਤਾ ਕਿ ਉਹ ਆਪਣੇ ਪਤੀ ਤੋਂ ਤਲਾਕ ਲੈਣ ਵਾਲੀ ਹੈ। ਨਾਲ ਹੀ ਉਸ ਨੇ ਦੱਸਿਆ ਕਿ ਕਰਨ ਦਾ ਦਿੱਲੀ ਦੀ ਕਿਸੇ ਕੁੜੀ ਨਾਲ ਅਫੇਅਰ ਚੱਲ ਰਿਹਾ ਹੈ। ਚੰਡੀਗੜ੍ਹ 'ਚ ਸ਼ੂਟ ਦੌਰਾਨ ਬੀਤੇ ਸਾਲ ਦੇ ਅਖੀਰ 'ਚ ਦੋਵਾਂ ਵਿਚਕਾਰ ਨਜ਼ਦੀਕੀਆਂ ਵਧੀਆਂ। ਇਸੇ ਕਾਰਨ ਤਲਾਕ ਦੀ ਨੌਬਤ ਆ ਗਈ ਹੈ। ਨਿਸ਼ਾ ਦਾ ਕਹਿਣਾ ਹੈ ਕਿ ਉਸ ਨੇ ਰਿਸ਼ਤਾ ਸੰਭਾਲਣ ਦੀ ਬਹੁਤ ਕੋਸ਼ਿਸ਼ ਕੀਤੀ ਪਰ ਕਰਨ ਕੁਝ ਵੀ ਸੋਚੇ-ਸਮਝੇ ਬਿਨਾਂ ਉਸ ਦੇ ਨਾਲ ਰਹਿਣਾ ਚਾਹੁੰਦਾ ਹੈ। ਉੱਥੇ ਹੀ ਇਸ ਪੂਰੇ ਮਾਮਲੇ 'ਤੇ ਕਰਨ ਮਹਿਰਾ ਦਾ ਕਹਿਣਾ ਹੈ ਕਿ ਨਿਸ਼ਾ ਵੱਲੋਂ ਲਗਾਏ ਸਾਰੇ ਦੋਸ਼ ਝੂਠੇ ਹਨ ਅਤੇ ਉਹ ਐਲਿਮਨੀ ਅਮਾਊਂਟ ਲਈ ਫਸਾ ਰਹੀ ਹੈ ਜੋ ਬਹੁਤ ਜ਼ਿਆਦਾ ਹੈ ਅਤੇ ਉਹ ਦੇ ਨਹੀਂ ਸਕਦੇ।
ਨਿਸ਼ਾ ਰਾਵਲ ਦੇ ਸਮਰਥਨ 'ਚ ਦੋਸਤ ਰੋਹਿਤ ਵਰਮਾ, ਦਿਖਾਇਆ ਕਿਵੇਂ ਪਤੀ ਕਰਦਾ ਸੀ ਕੁੱਟਮਾਰ
NEXT STORY 
