ਮੁੰਬਈ (ਏਜੰਸੀ)- ਯਸ਼ ਰਾਜ ਫਿਲਮਜ਼ (YRF) ਨੇ ਆਪਣੀ ਸਪਾਈ ਯੂਨੀਵਰਸ ਦੀ ਫਿਲਮ 'ਵਾਰ 2' ਦੇ ਸਭ ਤੋਂ ਚਰਚਿਤ ਗੀਤ 'ਜਨਾਬ ਏ ਆਲੀ' ਦਾ ਪਹਿਲਾ ਲੁੱਕ ਜਾਰੀ ਕੀਤਾ ਹੈ। 'ਜਨਾਬ ਏ ਆਲੀ' ਗੀਤ ਭਾਰਤ ਦੇ ਦੋ ਸਭ ਤੋਂ ਵਧੀਆ ਡਾਂਸਰ-ਅਦਾਕਾਰ ਰਿਤਿਕ ਰੋਸ਼ਨ ਅਤੇ ਜੂਨੀਅਰ ਐੱਨ.ਟੀ.ਆਰ. ਵਿਚਕਾਰ ਉਹ ਡਾਂਸ ਯੁੱਧ ਹੈ, ਜਿਸਦਾ ਦਰਸ਼ਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਇਸ ਟਰੈਕ ਨੂੰ ਪ੍ਰੀਤਮ ਨੇ ਕੰਪੋਜ਼ ਕੀਤਾ ਹੈ। ਇਸਨੂੰ ਸਚੇਤ ਟੰਡਨ ਅਤੇ ਸਾਜ ਭੱਟ ਨੇ ਗਾਇਆ ਹੈ, ਅਤੇ ਇਸਦੇ ਬੋਲ ਅਮਿਤਾਭ ਭੱਟਾਚਾਰੀਆ ਨੇ ਲਿਖੇ ਹਨ। ਇਹ ਇੱਕ ਊਰਜਾਵਾਨ ਅਤੇ ਜੋਸ਼ੀਲਾ ਡਾਂਸ ਐਂਥਮ ਹੈ, ਜੋ ਦਰਸ਼ਕਾਂ ਦੇ ਦਿਲਾਂ ਦੀ ਧੜਕਣ ਨੂੰ ਤੇਜ਼ ਕਰ ਦੇਵੇਗਾ।
ਭਾਰਤੀ ਸਿਨੇਮਾ ਦੇ ਸਭ ਤੋਂ ਵੱਡੇ ਪ੍ਰੋਜੈਕਟਾਂ ਨੂੰ ਇੱਕ ਵੱਖਰੇ ਤਰੀਕੇ ਨਾਲ ਲਿਆਉਣ ਲਈ ਜਾਣੇ ਜਾਂਦੇ ਆਦਿਤਿਆ ਚੋਪੜਾ ਹੁਣ 'ਵਾਰ 2' ਲਈ 'ਕਜਰਾ ਰੇ' (ਬੰਟੀ ਔਰ ਬਬਲੀ) ਅਤੇ 'ਕਮਲੀ' (ਧੂਮ 3) ਦੀ ਸਮਾਰਟ ਰਿਲੀਜ਼ ਸਟਰੈਟਜੀ ਨੂੰ ਦੁਹਰਾ ਰਹੇ ਹਨ। ਉਨ੍ਹਾਂ ਨੇ 'ਜਾਨਬ ਏ ਆਲੀ' ਦਾ ਪੂਰਾ ਗੀਤ ਔਨਲਾਈਨ ਰਿਲੀਜ਼ ਨਾ ਕਰਨ ਦਾ ਫੈਸਲਾ ਕੀਤਾ ਹੈ ਤਾਂ ਜੋ ਦਰਸ਼ਕਾਂ ਨੂੰ ਰਿਤਿਕ ਅਤੇ ਐੱਨ.ਟੀ.ਆਰ. ਨੂੰ ਵੱਡੇ ਪਰਦੇ 'ਤੇ ਇਕੱਠੇ ਡਾਂਸ ਕਰਦੇ ਦੇਖਣ ਦਾ ਜਾਦੂਈ ਅਨੁਭਵ ਮਿਲ ਸਕੇ, ਜਿਸ ਤਰ੍ਹਾਂ ਇਸਨੂੰ ਡਿਜ਼ਾਈਨ ਕੀਤਾ ਗਿਆ ਹੈ।
ਯਸ਼ ਰਾਜ ਫਿਲਮਜ਼ ਚਾਹੁੰਦਾ ਹੈ ਕਿ ਲੋਕ ਇਸ ਅਨੁਭਵ ਲਈ ਸਿਨੇਮਾਘਰਾਂ ਵਿੱਚ ਆਉਣ, ਜਿਵੇਂ 'ਕਜਰਾ ਰੇ' ਅਤੇ 'ਕਮਲੀ' ਨੇ ਪਹਿਲਾਂ ਸਿਨੇਮਾਘਰਾਂ ਵਿੱਚ ਹਲਚਲ ਮਚਾ ਦਿੱਤੀ ਸੀ। ਫਿਲਮ 'ਵਾਰ 2' ਦਾ ਨਿਰਦੇਸ਼ਨ ਅਯਾਨ ਮੁਖਰਜੀ ਦੁਆਰਾ ਕੀਤਾ ਗਿਆ ਹੈ ਅਤੇ ਇਸ ਵਿੱਚ ਕਿਆਰਾ ਅਡਵਾਨੀ ਮੁੱਖ ਭੂਮਿਕਾ ਵਿੱਚ ਹੈ। 'ਵਾਰ 2' 14 ਅਗਸਤ 2025 ਨੂੰ ਹਿੰਦੀ, ਤੇਲਗੂ ਅਤੇ ਤਾਮਿਲ ਵਿੱਚ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਰਹੀ ਹੈ।
ਇਸ ਦਿਨ ਰਿਲੀਜ਼ ਹੋਵੇਗੀ ਮਨੋਜ ਬਾਜਪਈ ਦੀ ਫਿਲਮ ‘Inspector Zende'
NEXT STORY 
