ਮੁੰਬਈ (ਏਜੰਸੀ)- ਬਾਲੀਵੁੱਡ ਫਿਲਮ ਨਿਰਮਾਤਾ ਆਦਿਤਿਆ ਚੋਪੜਾ ਦੀ ਯਸ਼ ਰਾਜ ਫਿਲਮਜ਼ ਨੇ ਆਲੀਆ ਭੱਟ ਸਟਾਰਰ ਫਿਲਮ "ਅਲਫ਼ਾ" ਦਾ ਟੀਜ਼ਰ ਰਿਲੀਜ਼ ਕਰ ਦਿੱਤਾ ਹੈ। ਇਹ ਟੀਜ਼ਰ YRF ਸਪਾਈ ਯੂਨੀਵਰਸ ਵਿੱਚ ਪਹਿਲੀ ਵਾਰ ਇੱਕ ਨੌਜਵਾਨ ਕਾਤਲ ਦੀ ਓਰਿਜਲ ਕਹਾਣੀ ਪੇਸ਼ ਕਰਦਾ ਹੈ, ਜਿਸਨੂੰ ਬਚਪਨ ਤੋਂ ਇੱਕ ਘਾਤਕ ਕਾਤਲ ਬਣਨ ਲਈ ਤਿਆਰ ਕੀਤਾ ਜਾਂਦਾ ਹੈ। ਪਹਿਲੇ ਟੀਜ਼ਰ ਵਿੱਚ, ਯਸ਼ ਰਾਜ ਫਿਲਮਜ਼ ਇੱਕ ਕਾਤਲ ਦੀ ਕਹਾਣੀ ਦੀ ਝਲਕ ਪੇਸ਼ ਕਰਦਾ ਹੈ, ਜਿਸਦੀ ਭੂਮਿਕਾ ਆਲੀਆ ਭੱਟ ਨਿਭਾਅ ਰਹੀ ਹੈ ਅਤੇ ਜਿਸਨੂੰ ਬੌਬੀ ਦਿਓਲ ਦਾ ਕਿਰਦਾਰ ਤਿਆਰ ਕਰਦਾ ਹੈ। ਫਿਲਮ ਦੀ ਦੂਜੀ ਮੁੱਖ ਅਦਾਕਾਰਾ, ਸ਼ਰਵਰੀ ਦੀ ਭੂਮਿਕਾ ਦਾ ਖੁਲਾਸਾ ਜਲਦੀ ਹੀ ਕੀਤਾ ਜਾਵੇਗਾ, ਕਿਉਂਕਿ ਮਾਰਕੀਟਿੰਗ ਮੁਹਿੰਮ ਤਹਿਤ ਹਰੇਕ ਕਿਰਦਾਰ ਨੂੰ ਦਰਸ਼ਕਾਂ ਦੇ ਸਾਹਮਣੇ ਪੜਾਵਾਂ ਵਿੱਚ ਪੇਸ਼ ਕੀਤਾ ਜਾਵੇਗਾ।
"ਅਲਫ਼ਾ" ਨੂੰ ਭਾਰਤੀ ਸਿਨੇਮਾ ਵਿੱਚ ਪਹਿਲੀ ਵਾਰ ਦੋ ਮਹਿਲਾ ਕਿਰਦਾਰਾਂ ਦੀ ਅਗਵਾਈ ਵਾਲੀ ਐਕਸ਼ਨ ਫਿਲਮ ਵਜੋਂ ਪੇਸ਼ ਕੀਤਾ ਜਾ ਰਿਹਾ ਹੈ। ਇਹ ਫਿਲਮ 2 ਕੁੜੀਆਂ ਦੇ "ਅਲਫ਼ਾ ਐਟੀਟਿਊਡ" ਦਾ ਜਸ਼ਨ ਮਨਾਉਂਦੀ ਹੈ। ਸ਼ਿਵ ਰਾਵੈਲ ਦੁਆਰਾ ਨਿਰਦੇਸ਼ਤ, "ਅਲਫ਼ਾ" 3 ਜੁਲਾਈ 2026 ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਫਿਲਮ ਵਿੱਚ ਬੌਬੀ ਦਿਓਲ ਅਤੇ ਅਨਿਲ ਕਪੂਰ ਵੀ ਮੁੱਖ ਭੂਮਿਕਾਵਾਂ ਵਿੱਚ ਹਨ।
ਅਜੇ ਦੇਵਗਨ ਸਟਾਰਰ ਫਿਲਮ "ਧਮਾਲ 4" ਦੀ ਨਵੀਂ ਰਿਲੀਜ਼ ਤਰੀਕ ਆਈ ਸਾਹਮਣੇ
NEXT STORY 
