ਗੈਜੇਟ ਡੈਸਕ- ਦੁਨੀਆ ਦੀ ਦਿੱਗਜ ਟੈਕਨੋਲੋਜੀ ਕੰਪਨੀ ਐਪਲ ਨੇ ਇੱਕ ਵਾਰ ਫਿਰ ਸਾਬਿਤ ਕਰ ਦਿੱਤਾ ਹੈ ਕਿ ਉਹ ਆਪਣੇ ਪੁਰਾਣੇ ਗਾਹਕਾਂ ਦਾ ਖਾਸ ਖਿਆਲ ਰੱਖਦੀ ਹੈ। ਕੰਪਨੀ ਨੇ 13 ਸਾਲ ਪੁਰਾਣੇ ਆਈਫੋਨ ਮਾਡਲਾਂ ਲਈ ਨਵਾਂ ਸਾਫਟਵੇਅਰ ਅਪਡੇਟ ਜਾਰੀ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਇਸ ਫੈਸਲੇ ਨਾਲ ਉਨ੍ਹਾਂ ਯੂਜ਼ਰਜ਼ ਨੂੰ ਵੱਡੀ ਰਾਹਤ ਮਿਲੀ ਹੈ ਜੋ ਅਜੇ ਵੀ ਪੁਰਾਣੇ ਮਾਡਲਾਂ ਦੀ ਵਰਤੋਂ ਕਰ ਰਹੇ ਹਨ।
iPhone 5s ਅਤੇ iPhone 6 ਲਈ ਨਵਾਂ ਅਪਡੇਟ
ਜਾਣਕਾਰੀ ਅਨੁਸਾਰ, ਐਪਲ ਨੇ ਸਾਲ 2013 ਵਿੱਚ ਲਾਂਚ ਹੋਏ iPhone 5s ਲਈ ਨਵਾਂ ਅਪਡੇਟ iOS 12.5.8 ਜਾਰੀ ਕੀਤਾ ਹੈ। ਇਸ ਅਪਡੇਟ ਰਾਹੀਂ ਜ਼ਰੂਰੀ ਸੁਰੱਖਿਆ ਸਰਟੀਫਿਕੇਟਾਂ ਦੀ ਮਿਆਦ ਵਧਾ ਦਿੱਤੀ ਗਈ ਹੈ, ਜਿਸ ਦਾ ਮਤਲਬ ਹੈ ਕਿ ਹੁਣ iMessage, FaceTime ਅਤੇ ਡਿਵਾਈਸ ਐਕਟੀਵੇਸ਼ਨ ਵਰਗੇ ਅਹਿਮ ਫੀਚਰ ਜਨਵਰੀ 2027 ਤੋਂ ਬਾਅਦ ਵੀ ਕੰਮ ਕਰਦੇ ਰਹਿਣਗੇ। ਇਸੇ ਤਰ੍ਹਾਂ ਦਾ ਸਹਿਯੋਗ ਸਾਲ 2014 ਵਿੱਚ ਲਾਂਚ ਹੋਏ iPhone 6 ਦੇ ਯੂਜ਼ਰਸ ਨੂੰ ਵੀ ਦਿੱਤਾ ਜਾ ਰਿਹਾ ਹੈ। ਦੱਸ ਦੇਈਏ ਕਿ ਇਨ੍ਹਾਂ ਡਿਵਾਈਸਾਂ ਨੂੰ ਆਖਰੀ ਵੱਡਾ ਸੁਰੱਖਿਆ ਅਪਡੇਟ ਜਨਵਰੀ 2023 ਵਿੱਚ ਮਿਲਿਆ ਸੀ।
ਇਹ ਵੀ ਪੜ੍ਹੋ- iPhone ਵਰਗੀ ਲੁੱਕ ਵਾਲਾ ਸਸਤਾ ਫੋਨ ਲਾਂਚ, ਕੀਮਤ 9 ਹਜ਼ਾਰ ਤੋਂ ਵੀ ਘੱਟ
ਐਂਡਰਾਇਡ ਤੋਂ ਆਈਫੋਨ 'ਤੇ ਸ਼ਿਫਟ ਹੋਣਾ ਹੋਇਆ ਆਸਾਨ
ਪੁਰਾਣੇ ਫੋਨਾਂ ਦੇ ਨਾਲ-ਨਾਲ ਐਪਲ ਨਵੇਂ ਸਿਸਟਮ 'ਤੇ ਵੀ ਤੇਜ਼ੀ ਨਾਲ ਕੰਮ ਕਰ ਰਿਹਾ ਹੈ। ਕੰਪਨੀ ਨੇ iOS 26.3 ਦਾ ਬੀਟਾ 3 ਅਪਡੇਟ ਜਾਰੀ ਕੀਤਾ ਹੈ, ਜਿਸ ਵਿੱਚ ਐਂਡਰਾਇਡ ਯੂਜ਼ਰਸ ਨੂੰ ਆਈਫੋਨ ਵੱਲ ਖਿੱਚਣ ਲਈ ਖਾਸ ਫੀਚਰ ਜੋੜੇ ਗਏ ਹਨ। ਇਸ ਨਵੇਂ ਅਪਡੇਟ ਨਾਲ ਐਂਡਰਾਇਡ ਫੋਨ ਤੋਂ ਡਾਟਾ, ਅਕਾਊਂਟਸ ਅਤੇ ਸੈਟਿੰਗਾਂ ਨੂੰ ਆਈਫੋਨ 'ਤੇ ਟ੍ਰਾਂਸਫਰ ਕਰਨਾ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਆਸਾਨ ਹੋ ਜਾਵੇਗਾ।
ਖ਼ਬਰਾਂ ਇਹ ਵੀ ਹਨ ਕਿ ਆਉਣ ਵਾਲੇ ਸਮੇਂ ਵਿੱਚ ਐਪਲ ਆਪਣੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਸਿਸਟਮ ਨੂੰ ਹੋਰ ਮਜ਼ਬੂਤ ਕਰਨ ਜਾ ਰਿਹਾ ਹੈ। iOS 26.4 ਅਪਡੇਟ ਵਿੱਚ Gemini 'ਤੇ ਅਧਾਰਿਤ Siri ਅਪਗ੍ਰੇਡ ਦੇਖਣ ਨੂੰ ਮਿਲ ਸਕਦਾ ਹੈ, ਜੋ ਐਪਲ ਦੇ ਵਾਇਸ ਅਸਿਸਟੈਂਟ ਨੂੰ ਹੋਰ ਵੀ ਸਮਾਰਟ ਅਤੇ ਪ੍ਰਭਾਵਸ਼ਾਲੀ ਬਣਾਏਗਾ। ਇਸ ਤੋਂ ਇਲਾਵਾ, ਨਵੇਂ ਬੀਟਾ ਅਪਡੇਟ ਵਿੱਚ ਵਾਲਪੇਪਰਾਂ ਅਤੇ ਸਿਸਟਮ ਦੀ ਸਥਿਰਤਾ ਵਿੱਚ ਵੀ ਕਈ ਸੁਧਾਰ ਕੀਤੇ ਗਏ ਹਨ।
ਇਹ ਵੀ ਪੜ੍ਹੋ- 108 MP ਕੈਮਰਾ ਵਾਲੇ Redmi ਫੋਨ 'ਤੇ ਮਿਲ ਰਹੀ ਭਾਰੀ ਛੋਟ
Google Chrome ਯੂਜ਼ਰਸ ਲਈ ਵੱਡੀ ਚਿਤਾਵਨੀ! ਤੁਰੰਤ ਡਿਲੀਟ ਕਰੋ ਇਹ Extensions
NEXT STORY 
