ਗੈਜੇਟ ਡੈਸਕ - Poco ਨੇ ਭਾਰਤ ’ਚ ਇਕ ਹੋਰ ਸਸਤਾ 5G ਸਮਾਰਟਫੋਨ ਲਾਂਚ ਕੀਤਾ ਹੈ। ਇਹ ਸਮਾਰਟਫੋਨ ਪਿਛਲੇ ਸਾਲ ਦਸੰਬਰ ’ਚ ਲਾਂਚ ਕੀਤੇ ਗਏ Poco M7 Pro ਦਾ ਸਟੈਂਡਰਡ ਮਾਡਲ ਹੈ। Poco ਦਾ ਇਹ ਸਸਤਾ 5G ਸਮਾਰਟਫੋਨ ਸ਼ਕਤੀਸ਼ਾਲੀ ਫੀਚਰਜ਼ ਨਾਲ ਆਉਂਦਾ ਹੈ। ਫੋਨ ’ਚ 5,160mAh ਬੈਟਰੀ ਸਮੇਤ ਕਈ ਸ਼ਕਤੀਸ਼ਾਲੀ ਫੀਚਰਜ਼ ਦਿੱਤੇ ਗਏ ਹਨ। ਇਹ ਫੋਨ ਅਗਲੇ ਹਫ਼ਤੇ ਭਾਰਤੀ ਬਾਜ਼ਾਰ ’ਚ ਵਿਕਰੀ ਲਈ ਉਪਲਬਧ ਕਰਵਾਇਆ ਜਾਵੇਗਾ। Poco ਦਾ ਇਹ ਫੋਨ Realme, Infinix ਵਰਗੇ ਬ੍ਰਾਂਡਾਂ ਦੇ ਸਸਤੇ 5G ਸਮਾਰਟਫੋਨ ਨੂੰ ਸਖ਼ਤ ਮੁਕਾਬਲਾ ਦੇ ਸਕਦਾ ਹੈ।
POCO M7 5G ਦੀ ਕੀਮਤ :-
ਇਹ ਪੋਕੋ ਫੋਨ ਦੋ ਸਟੋਰੇਜ ਵੇਰੀਐਂਟ ’ਚ ਆਉਂਦਾ ਹੈ 6GB RAM + 128GB ਅਤੇ 8GB RAM + 128GB। ਇਸਦੀ ਸ਼ੁਰੂਆਤੀ ਕੀਮਤ 9,999 ਰੁਪਏ ਹੈ। ਇਸ ਦੇ ਨਾਲ ਹੀ, ਇਸ ਫੋਨ ਦਾ ਟਾਪ ਵੇਰੀਐਂਟ 10,999 ਰੁਪਏ ਵਿੱਚ ਆਉਂਦਾ ਹੈ। ਇਸ ਫੋਨ ਦੀ ਪਹਿਲੀ ਸੇਲ ਇਸ ਹਫ਼ਤੇ 7 ਮਾਰਚ ਨੂੰ ਦੁਪਹਿਰ 12 ਵਜੇ ਈ-ਕਾਮਰਸ ਵੈੱਬਸਾਈਟ ਫਲਿੱਪਕਾਰਟ 'ਤੇ ਹੋਵੇਗੀ। ਇਸਨੂੰ ਮਿੰਟ ਗ੍ਰੀਨ, ਓਸ਼ੀਅਨ ਬਲੂ ਅਤੇ ਸਟੋਨ ਬਲੈਕ ਰੰਗ ਵਿਕਲਪਾਂ ਵਿੱਚ ਖਰੀਦਿਆ ਜਾ ਸਕਦਾ ਹੈ।
POCO M7 5G ਦੀ ਕੀਮਤ :-
6GB RAM + 128GB 9,999 ਰੁਪਏ
8GB RAM + 128GB 10,999 ਰੁਪਏ
POCO M7 5G ਦੇ ਫੀਚਰਜ਼ :-
ਇਸ ਸਸਤੇ 5G ਸਮਾਰਟਫੋਨ ’ਚ 6.88 ਇੰਚ ਦੀ HD+ ਡਿਸਪਲੇਅ ਹੈ, ਜਿਸਦਾ ਰੈਜ਼ੋਲਿਊਸ਼ਨ 720 x 1640 ਪਿਕਸਲ ਹੈ। ਇਸ ਫੋਨ ਦਾ ਡਿਸਪਲੇਅ 600 ਨਿਟਸ ਤੱਕ ਦੀ ਪੀਕ ਬ੍ਰਾਈਟਨੈੱਸ ਅਤੇ 120Hz ਹਾਈ ਰਿਫਰੈਸ਼ ਰੇਟ ਨੂੰ ਸਪੋਰਟ ਕਰਦਾ ਹੈ। ਕੰਪਨੀ ਨੇ ਇਸ ਫੋਨ ’ਚ Qualcomm Snapdragon 4 Gen 2 ਚਿੱਪਸੈੱਟ ਦੀ ਵਰਤੋਂ ਕੀਤੀ ਹੈ। ਇਸ ਦੇ ਨਾਲ, 8GB ਤੱਕ RAM ਅਤੇ 128GB ਤੱਕ ਦੀ ਅੰਦਰੂਨੀ ਸਟੋਰੇਜ ਲਈ ਸਪੋਰਟ ਉਪਲਬਧ ਹੈ, ਜਿਸ ਨੂੰ ਮਾਈਕ੍ਰੋਐੱਸਡੀ ਕਾਰਡ ਰਾਹੀਂ ਵਧਾਇਆ ਜਾ ਸਕਦਾ ਹੈ। ਇਹ ਫੋਨ 5,160mAh ਬੈਟਰੀ ਦੇ ਨਾਲ ਆਉਂਦਾ ਹੈ, ਜੋ 18W USB ਟਾਈਪ C ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ। ਇਹ ਫੋਨ ਨਵੀਨਤਮ ਕਨੈਕਟੀਵਿਟੀ ਵਿਸ਼ੇਸ਼ਤਾਵਾਂ 5G, 4G, WiFi, Bluetooh 5.0, GPS ਆਦਿ ਦਾ ਸਮਰਥਨ ਕਰਦਾ ਹੈ। ਇਸ ਫੋਨ ’ਚ ਸਾਈਡ ਮਾਊਂਟਡ ਫਿੰਗਰਪ੍ਰਿੰਟ ਸੈਂਸਰ ਹੈ ਅਤੇ ਇਹ IP52 ਰੇਟਿੰਗ ਵਾਲਾ ਹੈ। ਫੋਨ ਦੇ ਪਿਛਲੇ ਹਿੱਸੇ ’ਚ ਡਿਊਲ ਕੈਮਰਾ ਸੈੱਟਅਪ ਉਪਲਬਧ ਹੈ। ਇਸ ’ਚ ਇਕ 50MP ਮੁੱਖ ਅਤੇ ਇੱਕ ਸੈਕੰਡਰੀ ਕੈਮਰਾ ਹੋਵੇਗਾ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ, ਇਸ ਫੋਨ ’ਚ 8MP ਕੈਮਰਾ ਹੈ।
AI ਨਾਲ ਲੈੱਸ ਹੋਈ Alexa, Google Assistant ਤੇ Siri ਨੂੰ ਮਿਲੇਗੀ ਟੱਕਰ!
NEXT STORY 
