ਗੈਜੇਟ ਡੈਸਕ– ਸ਼ਾਓਮੀ ਦੀ ਮਲਕੀਅਤ ਵਾਲੇ ਬ੍ਰਾਂਡ ਹੁਆਮੀ ਨੇ ਭਾਰਤ ’ਚ ਆਪਣੀ ਨਵੀਂ ਸਮਾਰਟ ਘੜੀ Amazfit Bip S ਲਾਂਚ ਕੀਤੀ ਹੈ। ਕੰਪਨੀ ਦਾਅਵਾ ਕਰਦੀ ਹੈ ਕਿ ਇਹ ਸਮਾਰਟ ਘੜੀ 40 ਦਿਨਾਂ ਦੇ ਬੈਟਰੀ ਬੈਕਅਪ ਅਤੇ 5 ATM water resistance (50 ਮੀਟਰ ਤਕ ਵਾਟਰ ਪਰੂਫ) ਨਾਲ ਆਉਂਦੀ ਹੈ। ਸਮਾਰਟ ਘੜੀ ’ਚ ਜੀ.ਪੀ.ਐੱਸ. ਸੁਪੋਰਟ ਅਤੇ ਮਿਊਜ਼ਿਕ ਕੰਟਰੋਲ ਕਰਨ ਵਰਗੇ ਫੀਚਰਜ਼ ਵੀ ਹਨ। ਇਹ ਕੰਪਨੀ ਦੀ ਪਿਛਲੇ ਸਾਲ ਭਾਰਤ ’ਚ ਲਾਂਚ ਕੀਤੀ ਗਈ ਅਮੇਜ਼ਫਿਟ Bip Lite ਸਮਾਰਟ ਘੜੀ ਦਾ ਉਪਰਲਾ ਮਾਡਲ ਹੈ। ਇਸ ਸਮਾਰਟ ਘੜੀ ਨੂੰ ਕੰਪਨੀ ਨੇ ਜਨਵਰੀ ’ਚ ਹੋਏ ਸੀ.ਈ.ਐੱਸ. 2020 ਈਵੈਂਟ ’ਚ ਪੇਸ਼ ਕੀਤਾ ਸੀ।
ਕੀਮਤ
ਭਾਰਤ ’ਚ ਅਮੇਜ਼ਫਿਟ ਬਿਪ ਐੱਸ ਸਮਾਰਟ ਘੜੀ ਦੀ ਕੀਮਤ 4,999 ਰੁਪਏ ਰੱਖੀ ਗਈਹੈ। ਇਸ ਨੂੰ ਗਾਹਕ ਐਮਾਜ਼ੋਨ, ਫਲਿਪਕਾਰਟ ਅਤੇ ਮਿੰਤਰਾ ਵਰਗੀਆਂ ਆਨਲਾਈਨ ਸਾਈਟਾਂ ਤੋਂ ਖਰੀਦ ਸਕਦੇ ਹਨ। ਇਸ ਤੋਂ ਇਲਾਵਾ ਇਹ ਕ੍ਰੋਮਾ ਅਤੇ ਰਿਲਾਇੰਸ ਡਿਜੀਟਲ ਵਰਗੇ ਆਫਲਾਈਨ ਸਟੋਰਾਂ ’ਤੇ ਵੀ ਮੁਹੱਈਆ ਹੈ। ਉਥੇ ਹੀ ਯੂ.ਐੱਸ. ’ਚ ਇਸ ਦੀ ਕੀਮਤ 69.90 ਡਾਲਰ (ਕਰੀਬ 5,300 ਰੁਪਏ) ਰੱਖੀ ਗਈ ਸੀ।
ਖੂਬੀਆਂ
ਇਸ ਸਮਾਰਟ ਘੜੀ ’ਚ 1.28 ਇੰਚ ਦੀ ਕਲਰ ਟੀ.ਐੱਫ.ਟੀ. ਡਿਸਪਲੇਅ ਹੈ, ਜਿਸ ਦਾ ਰੈਜ਼ੋਲਿਊਸ਼ਨ 176x176 ਪਿਕਸਲ ਹੈ। ਡਿਸਪਲੇਅ ਦੀ ਸੁਰੱਖਿਆ ਲਈ 2.5ਡੀ ਕਰਵਡ ਕਾਰਨਿੰਗ ਗੋਰਿੱਲਾ ਗਲਾਸ 3 ਦਿੱਤਾ ਗਿਆ ਹੈ। ਇਸ ਵਿਚ ਫਿੱਟਨੈੱਸ ਅਤੇ ਸਲੀਪ ਟ੍ਰੈਕਿੰਗ ਲਈ ਤਿੰਨ ਸੈਂਸਰ ਦਿੱਤੇ ਗਏ ਹਨ।
ਸਮਾਰਟ ਘੜੀ ’ਚ 10 ਸਪੋਰਟਸ ਮੋਡ- ਟ੍ਰੇਡਮਿਲ, ਆਊਟਡੋਰ ਰਨਿੰਗ, ਇਨਡੋਰ ਸਾਈਕਲਿੰਗ, ਆਊਟਡੋਰ ਸਾਈਕਲਿੰਗ, ਓਪਨ ਵਾਟਰ, ਪੂਲ, ਯੋਗਾ, ਅੰਡਰਕਾਰ ਟ੍ਰੇਨਰ ਅਤੇ ਫ੍ਰੀਸਟਾਈਲ ਮਿਲਦੇ ਹਨ। ਇਹ ਘੜੀ ਲਗਾਤਾਰ ਤੁਹਾਡੇ ਦਿਲ ਦੀਆਂ ਧੜਕਨਾਂ ਨੂੰ ਮਾਨਿਟਰ ਕਰਦੀ ਹੈ ਅਤੇ ਲੋੜ ਪੈਣ ’ਤੇ ਚਿਤਾਵਨੀ ਹੀ ਦਿੰਦੀ ਹੈ। ਇਸ ਵਿਚ ਆਲਵੇਜ ਆਨ ਡਿਸਪਲੇਅ ਫੀਚਰ ਵੀ ਦਿੱਤਾ ਗਿਆ ਹੈ। ਕੁਨੈਕਟੀਵਿਟੀ ਦੀ ਗੱਲ ਕਰੀਏ ਤਾਂ ਇਸ ਵਿਚ ਬਲੂਟੂਥ ਵੀ-5.0 ਅਤੇ ਬਲੂਟੂਥ ਲੋਅ ਐਨਰਜੀ ਸੁਪੋਰਟ ਮਿਲਦਾ ਹੈ। ਸਮਾਰਟ ਘੜੀ ’ਚ 200 ਐੱਮ.ਏ.ਐੱਚ. ਦੀ ਬੈਟਰੀ ਹੈ।
Asus ਨੇ ਭਾਰਤ ’ਚ ਲਾਂਚ ਕੀਤੇ TUF, ROG ਗੇਮਿੰਗ ਲੈਪਟਾਪ ਤੇ ਡੈਸਕਟਾਪ, ਜਾਣੋ ਕੀਮਤ
NEXT STORY