ਗੈਜੇਟ ਡੈਸਕ - ਵਟਸਐਪ ਯੂਜ਼ਰਾਂ ਲਈ ਇਕ ਵੱਡਾ ਅਪਡੇਟ ਸਾਹਮਣੇ ਆਇਆ ਹੈ। ਦੁਨੀਆ ਭਰ 'ਚ ਮਸ਼ਹੂਰ ਮੈਸੇਜਿੰਗ ਐਪ ਵਟਸਐਪ ਹੁਣ ਇਕ ਪੇਡ ਸਬਸਕ੍ਰਿਪਸ਼ਨ ਪਲਾਨ ਲੈ ਕੇ ਆ ਰਿਹਾ ਹੈ। ਹਾਲਾਂਕਿ, ਰਾਹਤ ਦੀ ਗੱਲ ਇਹ ਹੈ ਕਿ ਇਹ ਪਲਾਨ ਪੂਰੀ ਤਰ੍ਹਾਂ ਵਿਕਲਪਿਕ ਹੋਵੇਗਾ ਭਾਵ ਕਿ ਇਸ ਨੂੰ ਲੈਣਾ ਸਾਰੇ ਯੂਜ਼ਰਸ ਲਈ ਲਾਜ਼ਮੀ ਨਹੀਂ ਹੈ।
ਕਿਹੜੇ 3 ਖਾਸ ਫੀਚਰਸ ਲਈ ਦੇਣੇ ਪੈਣਗੇ ਪੈਸੇ?
ਰਿਪੋਰਟਾਂ ਅਨੁਸਾਰ, ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਲੈਣ ਵਾਲੇ ਯੂਜ਼ਰਸ ਨੂੰ ਕੁਝ ਅਜਿਹੇ ਫੀਚਰਸ ਮਿਲਣਗੇ ਜੋ ਆਮ ਯੂਜ਼ਰਸ ਕੋਲ ਨਹੀਂ ਹੋਣਗੇ :-
ਐਕਸਕਲੂਸਿਵ ਸਟਿੱਕਰ
- ਪੈਸੇ ਦੇਣ ਵਾਲੇ ਯੂਜ਼ਰਸ ਨੂੰ ਖਾਸ ਅਤੇ ਵਿਸ਼ੇਸ਼ ਸਟਿੱਕਰਾਂ ਤੱਕ ਪਹੁੰਚ ਮਿਲੇਗੀ।
ਐਕਸਟਰਾ ਪਿੰਨ ਚੈਟ
- ਯੂਜ਼ਰਸ ਆਪਣੀ ਚੈਟ ਲਿਸਟ 'ਚ ਵਾਧੂ ਚੈਟਸ ਨੂੰ ਪਿੰਨ ਕਰ ਸਕਣਗੇ।
ਸ਼ਡਿਊਲ ਮੈਸੇਜ
- ਇਸ ਪਲਾਨ ਤਹਿਤ ਮੈਸੇਜ ਨੂੰ ਪਹਿਲਾਂ ਤੋਂ ਹੀ ਸ਼ਡਿਊਲ ਕਰਨ ਦੀ ਸਹੂਲਤ ਵੀ ਮਿਲੇਗੀ।
Waitlist ਹੋਈ ਸ਼ੁਰੂ
ਵਟਸਐਪ ਦੇ ਆਉਣ ਵਾਲੇ ਫੀਚਰਸ 'ਤੇ ਨਜ਼ਰ ਰੱਖਣ ਵਾਲੀ ਵੈੱਬਸਾਈਟ WaBetainfo ਮੁਤਾਬਕ, ਇਹ ਨਵਾਂ ਅਪਡੇਟ ਪਲੇਅ ਸਟੋਰ 'ਤੇ ਵਟਸਐਪ ਬੀਟਾ ਦੇ ਲੇਟੈਸਟ ਵਰਜ਼ਨ Android 2.26.9.6 'ਚ ਦੇਖਿਆ ਗਿਆ ਹੈ। ਕੰਪਨੀ ਨੇ ਹੁਣ ਇਸ ਸਬੰਧੀ ਨੋਟੀਫਿਕੇਸ਼ਨ ਜਾਰੀ ਕਰਨੇ ਵੀ ਸ਼ੁਰੂ ਕਰ ਦਿੱਤੇ ਹਨ। ਯੂਜ਼ਰਸ ਇਸ ਨਵੇਂ ਪਲਾਨ ਲਈ ਵੇਟਲਿਸਟ 'ਚ ਸ਼ਾਮਲ ਹੋ ਸਕਦੇ ਹਨ।
ਕੀ ਸਭ ਨੂੰ ਦੇਣੇ ਪੈਣਗੇ ਪੈਸੇ?
ਨਹੀਂ, ਕੰਪਨੀ ਨੇ ਸਪੱਸ਼ਟ ਕੀਤਾ ਹੈ ਕਿ ਇਹ ਪਲਾਨ ਸਿਰਫ਼ ਉਨ੍ਹਾਂ ਲਈ ਹੈ ਜੋ ਵਾਧੂ ਫੀਚਰਸ ਦੀ ਵਰਤੋਂ ਕਰਨਾ ਚਾਹੁੰਦੇ ਹਨ। ਵੇਟਲਿਸਟ 'ਚ ਸ਼ਾਮਲ ਹੋਣ ਦਾ ਮਤਲਬ ਇਹ ਨਹੀਂ ਹੈ ਕਿ ਤੁਹਾਨੂੰ ਪਲਾਨ ਲੈਣਾ ਹੀ ਪਵੇਗਾ। ਇਹ ਸਿਰਫ਼ ਇਹ ਜਾਣਨ ਲਈ ਹੈ ਕਿ ਤੁਹਾਡਾ ਅਕਾਊਂਟ ਇਸ ਪਲਾਨ ਲਈ ਯੋਗ ਹੈ ਜਾਂ ਨਹੀਂ। ਪਲਾਨ ਲਾਂਚ ਹੋਣ ਤੋਂ ਬਾਅਦ, ਸਬਸਕ੍ਰਿਪਸ਼ਨ ਲੈਣ ਲਈ ਯੂਜ਼ਰਸ ਨੂੰ ਇਕ ਵੱਖਰੀ ਪ੍ਰਕਿਰਿਆ ਪੂਰੀ ਕਰਨੀ ਪਵੇਗੀ।
ਇਨ੍ਹਾਂ ਕਾਰਾਂ ਦੇ ਦਮ 'ਤੇ Kia ਨੇ ਬਣਾਇਆ ਰਿਕਾਰਡ, ਵੇਚ'ਤੀਆਂ 27,610 ਗੱਡੀਆਂ
NEXT STORY 
