ਗੈਜੇਟ ਡੈਸਕ—ਸੈਮਸੰਗ ਆਪਣੇ ਗਲੈਕਸੀ ਏ ਸੀਰੀਜ਼ ਦੇ ਇਕ ਸਮਾਰਟਫੋਨ 'ਤੇ ਕੰਮ ਕਰ ਰਿਹਾ ਹੈ ਅਤੇ 5ਜੀ ਕੁਨੈਕਟੀਵਿਟੀ ਨਾਲ ਆਉਣ ਵਾਲੇ ਇਸ ਡਿਵਾਈਸ ਨੂੰ ਚਾਈਨੀਜ਼ ਮਾਰਕੀਟ 'ਚ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ ਫੋਨ ਦਾ ਮਾਡਲ ਨੰਬਰ SM-A7160 ਸਾਹਮਣੇ ਆਇਆ ਹੈ ਅਤੇ ਇਸ ਨੂੰ Galaxy A71 5G ਨਾਂ ਦਿੱਤਾ ਜਾ ਸਕਦਾ ਹੈ। ਸਾਹਮਣੇ ਆਈ ਇਕ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਇਸ ਫੋਨ ਨੂੰ ਮਿਡਰੇਂਜ ਸੈਗਮੈਂਟ 'ਚ ਲਾਂਚ ਕੀਤਾ ਜਾ ਸਕਦਾ ਹੈ ਅਤੇ ਇਸ ਡਿਵਾਈਸ 'ਚ Exynos 980 ਚਿਪਸੈੱਟ ਦਿੱਤਾ ਜਾਵੇਗਾ। ਇਸ ਦੇ ਪ੍ਰੋਸੈਸਰ ਦੇ ਚੱਲਦੇ ਸੈਮਸੰਗ ਦੇ ਇਸ ਡਿਵਾਈਸ ਦੀ ਕੀਮਤ ਬਾਕੀ 5ਜੀ ਡਿਵਾਈਸੇਜ ਦੇ ਮੁਕਾਬਲੇ ਘੱਟ ਹੀ ਹੋ ਸਕਦੀ ਹੈ।
ਸੈਮਸੰਗ ਚਾਈਨੀਜ਼ ਮਾਰਕੀਟ 'ਚ ਆਪਣੇ ਗਲੈਕਸੀ ਫੋਲਡ 5ਜੀ ਵੇਰੀਐਂਟ ਨੂੰ Samsung W20 5G ਰੀਬ੍ਰੈਂਡੇਂਡ ਡਿਵਾਈਸ ਦੇ ਤੌਰ 'ਤੇ 19 ਨਵੰਬਰ ਨੂੰ ਲਾਂਚ ਕਰ ਸਕਦਾ ਹੈ। ਸੈਮਮੋਬਾਇਲ ਦੀ ਰਿਪੋਰਟ ਮੁਤਾਬਕ ਸੈਮਸੰਗ ਚੀਨ ਲਈ ਇਕ 5ਜੀ ਕੁਨੈਕਟੀਵਿਟੀ ਵਾਲਾ ਸਮਾਰਟਫੋਨ ਡਿਵੈੱਲਪ ਕਰ ਰਿਹਾ ਹੈ ਜਿਸ ਦਾ ਮਾਡਲ ਨੰਬਰ SM-A7160 ਹੋ ਸਕਦਾ ਹੈ। ਹਾਲਾਂਕਿ ਹੁਣ ਤਕ ਸਮਾਰਟਫੋਨ ਦੀ ਬ੍ਰੈਂਡਿੰਗ ਕਨਫਰਮ ਨਹੀਂ ਹੋਈ ਹੈ ਅਤੇ ਅਜਿਹੇ 'ਚ ਮੰਨਿਆ ਜਾ ਰਿਹਾ ਹੈ ਕਿ ਇਸ ਡਿਵਾਈਸ ਨੂੰ Samsung Galaxy A71 5G ਦੇ ਤੌਰ 'ਤੇ ਚਾਈਨਾ 'ਚ ਲਾਂਚ ਕੀਤਾ ਜਾ ਸਕਦਾ ਹੈ।
ਗਲੋਬਲ ਵੇਰੀਐਂਟ ਵੀ ਹੋਵੇਗਾ ਲਾਂਚ
ਰਿਪੋਰਟਸ 'ਚ ਕਿਹਾ ਗਿਆ ਹੈ ਕਿ ਸੈਮਸੰਗ ਆਪਣੇ ਗਲੈਕਸੀ ਏ71 ਸਮਾਰਟਫੋਨ ਦੇ ਗਲੋਬਲ ਵੇਰੀਐਂਟ ਦਾ ਮਾਡਲ ਨੰਬਰ SM-A715F ਹੋ ਸਕਦਾ ਹੈ। ਸੈਮਸੰਗ ਦੇ ਆਪਣੇ ਡਿਵਾਈਸੇਜ ਨੂੰ ਮਾਡਲ ਨੰਬਰ ਦੇਣ ਦੇ ਤਰੀਕੇ 'ਤੇ ਧਿਆਨ ਦੇਈਏ ਤਾਂ ਇਸ ਦੇ 5ਜੀ ਕਨੈਕਟੀਵਿਟੀ ਵੇਰੀਐਂਟ ਦਾ ਮਾਡਲ ਨੰਬਰ ਗਲੋਬਲ ਮਾਰਕੀਟ 'ਚ SM-A716B ਹੋਣਾ ਚਾਹੀਦਾ ਅਤੇ ਚਾਈਨਾ 5ਜੀ ਵੇਰੀਐਂਟ ਦਾ ਮਾਡਲ ਨੰਬਰ SM-A7160 ਹੋ ਸਕਦਾ ਹੈ। ਉਦਾਹਰਣ ਦੇ ਲਈ ਗਲੈਕਸੀ ਨੋਟ 10+ 5ਜੀ ਵੇਰੀਐਂਟ ਮਾਡਲ ਨੰਬਰ SM-N976B ਹੈ ਅਤੇ ਚੀਨ ਵੇਰੀਐਂਟ ਦਾ ਮਾਡਲ ਨੰਬਰ SM-N9760 ਰੱਖਿਆ ਗਿਆ ਹੈ।
ਮਿਲ ਸਕਦਾ ਹੈ ਕਵਾਡ ਕੈਮਰਾ
ਨਵਾਂ ਸਮਾਰਟਫੋਨ ਕੰਪਨੀ ਮਿਡਰੇਂਜ ਸੈਗਮੈਂਟ 'ਚ ਲਾਂਚ ਕਰ ਸਕਦੀ ਹੈ ਅਤੇ ਇਸ 'ਚ 128ਜੀ.ਬੀ. ਤਕ ਦੀ ਇੰਟਰਨਲ ਸਟੋਰੇਜ਼ ਯੂਜ਼ਰਸ ਨੂੰ ਮਿਲ ਸਕਦੀ ਹੈ। ਫਿਲਹਾਲ ਡਿਵਾਈਸ ਦੀ ਲਾਂਚ ਡੇਟ ਅਤੇ ਸਪੈਸੀਫਿਕੇਸ਼ਨਸ ਸਾਹਮਣੇ ਨਹੀਂ ਆਏ ਹਨ। ਇਕ ਪਿਛਲੀ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਇਸ ਡਿਵਾਈਸ ਨੂੰ 2020 'ਚ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ ਸਮਾਰਟਫੋਨ 'ਚ ਸੈਮਸੰਗ ਕਵਾਡ ਰੀਅਰ ਕੈਮਰਾ ਸੈਟਅਪ 48 ਮੈਗਾਪਿਕਸਲ ਦੇ ਮੇਨ ਕੈਮਰੇ ਨਾਲ ਦਿੱਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਡਿਵਾਈਸ 'ਚ 12 ਮੈਗਾਪਿਕਸਲ ਦੇ ਵਾਇਡ-ਐਂਗਲ ਸੈਂਸਰ ਅਤੇ ਟੈਲੀਫੋਟੋ ਸ਼ੂਟਰ ਤੋਂ ਇਲਾਵਾ 2ਐਕਸ ਆਪਟੀਕਲ ਸੈਂਸਰ ਅਤੇ ToF ਸੈਂਸਰ ਮਿਲ ਸਕਦਾ ਹੈ।
ਅਗਲੇ ਹਫਤੇ ਤੋਂ ਇੰਸਟਾਗ੍ਰਾਮ 'ਤੇ ਨਹੀਂ ਦਿਖੇਗਾ 'ਲਾਈਕਸ ਕਾਊਂਟ', CEO ਨੇ ਕੀਤਾ ਕਨਫਰਮ
NEXT STORY 
