ਗੈਜੇਟ ਡੈਸਕ— ਜੇਕਰ ਤੁਸੀਂ ਆਨਲਾਈਨ ਪੋਰਨ ਦੇਖਦੇ ਹੋ ਤਾਂ ਇਹ ਖਬਰ ਤੁਹਾਡੇ ਨਾਲ ਜੁੜੀ ਹੈ। ਦੁਨੀਆ ਭਰ 'ਚ ਕਰੋੜਾਂ ਲੋਕ ਪੋਰਨ ਦੇਖਦੇ ਸਮੇਂ ਇਹ ਸੋਚਦੇ ਹਨ ਕਿ ਉਨ੍ਹਾਂ ਨੂੰ ਕੋਈ ਨਹੀਂ ਦੇਖ ਰਿਹਾ ਪਰ ਅਸਲ 'ਚ ਇਹ ਗਲਤ ਹੈ। ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਜ਼ਿਆਦਾਤਰ ਪੋਰਨ ਸਾਈਟਾਂ ਵੀਡੀਓ ਦੇਖਦੇ ਸਮੇਂ ਤੁਹਾਡੀ ਜਾਣਕਾਰੀ ਲੀਕ ਕਰ ਰਹੀਆਂ ਹਨ। ਉਥੇ ਹੀ ਯੂਜ਼ਰਜ਼ ਦੀ ਐਕਟੀਵਿਟੀ ਨੂੰ ਵੀ ਟ੍ਰੈਕ ਕੀਤਾ ਜਾਂਦਾ ਹੈ ਜਿਸ ਨਾਲ ਤੁਹਾਡੀ ਪ੍ਰਾਈਵੇਸੀ ਦਾ ਖਤਰਾ ਪੈਂਦਾ ਹੋ ਗਿਆ ਹੈ।
- ਪੋਰਨ ਵੈੱਬਸਾਈਟਾਂ 'ਤੇ ਤੀਬਰ ਰਸਿਰਚ ਕਰਨ ਤੋਂ ਬਾਅਦ ਰਿਸਰਚਰਾਂ ਨੂੰ ਹੈਰਾਨ ਕਰ ਦੇਣ ਵਾਲੇ ਨਤੀਜੇ ਹੱਥ ਲੱਗੇ ਹਨ। ਇਸ ਸਟਡੀ 'ਚ ਦੁਨੀਆ ਭਰ ਦੀਆਂ 22,484 ਅਡਲਟ ਕੰਟੈਂਟ ਵਾਲੀਆਂ ਵੈੱਬਸਾਈਟਾਂ ਨੂੰ ਸਕੈਨ ਕੀਤਾ ਗਿਆ, ਜਿਨ੍ਹਾਂ 'ਚੋਂ 93 ਫੀਸਦੀ ਵੈੱਬਸਾਈਟਾਂ ਯੂਜ਼ਰ ਦਾ ਡਾਟਾ ਥਰਡ ਪਾਰਟੀ ਕੰਪਨੀਆਂ ਨੂੰ ਲੀਕ ਕਰ ਰਹੀਆਂ ਸਨ।
ਟ੍ਰੈਕਿੰਗ 'ਚ ਸਭ ਤੋਂ ਅੱਗੇ ਗੂਗਲ ਅਤੇ ਆਰੇਕਲ
ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਗੂਗਲ ਅਤੇ ਉਸ ਦੀਆਂ ਸਹਾਈਕ ਕੰਪਨੀਆਂ ਫੀਸਦੀ ਪੋਰਨ ਵੈੱਬਸਾਈਟਾਂ ਨੂੰ ਟੈਕ ਕਰ ਰਹੀਆਂ ਸਨ। ਇਸ ਤੋਂ ਇਲਾਵਾ ਸਾਫਟੇਵਅਰ ਡਿਵੈੱਲਪਰ ਕੰਪਨੀ ਆਰੇਕਲ ਨੂੰ ਵੀ 24 ਫੀਸਦੀ ਪੋਰਨ ਸਾਈਟਾਂ ਨੂੰ ਟ੍ਰੈਕ ਕਰਦੇ ਹੋਏ ਪਾਇਆ ਗਿਆ ਹੈ।
ਫੇਸਬੁੱਕ ਵੀ ਕਰ ਰਹੀ ਟ੍ਰੈਕਿੰਗ
ਦੁਨੀਆ ਭਰ 'ਚ ਲੋਕਾਂ ਦਾ ਲੋਕਪ੍ਰਿਅ ਸੋਸ਼ਲ ਮੀਡੀਆ ਪਲੇਟਫਾਰਮ ਫੇਸਬੁੱਕ ਵੀ ਪੋਰਨ ਵੈੱਬਸਾਈਟਾਂ ਨੂੰ ਟ੍ਰੈਕ ਕਰਨ ਦੇ ਪਿੱਛੇ ਨਹੀਂ ਹੈ। ਰਿਸਰਚਰਾਂ ਨੇ ਦੱਸਿਆ ਹੈ ਕਿ ਹਰ 10 ਵੈੱਬਸਾਈਟਾਂ 'ਚੋਂ 1 ਪੋਰਨ ਸਾਈਟ ਨੂੰ ਟ੍ਰੈਕ ਫੇਸਬੁੱਕ ਵੀ ਕਰ ਰਹੀ ਹੈ।
ਬਿਨਾਂ ਪ੍ਰਾਈਵੇਸੀ ਪਾਲਿਸੀ ਦੇ ਕੰਮ ਕਰ ਰਹੀਆਂ ਪੋਰਨ ਸਾਈਟਾਂ
ਸਭ ਤੋਂ ਹੈਰਾਨ ਕਰਨ ਵਾਲੀ ਗੱਲ ਤਾਂ ਇਹ ਹੈ ਕਿ ਦੁਨੀਆ ਭਰ 'ਚ ਸਿਰਫ 17 ਫੀਸਦੀ ਪੋਰਨ ਸਾਈਟਾਂ ਅਜਿਹੀਆਂ ਹਨ ਜੋ ਪ੍ਰਾਈਵੇਸੀ ਪਾਲਿਸੀ ਨੂੰ ਫਾਅਲੋ ਕਰਦੀਆਂ ਹਨ। ਉਥੇ ਹੀ ਹੋਰ ਵੈੱਬਸਾਈਟਾਂ 'ਤੇ ਜੋ ਪ੍ਰਾਈਵੇਸੀ ਪਾਲਿਸੀ ਲਿਖੀ ਵੀ ਹੋਈ ਹੈ ਉਸ ਨੂੰ ਸਮਝਣਾ ਲਗਭਗ ਨਾਮੁਮਕਿਨ ਹੈ।
- ਇਸ ਸਟਡੀ 'ਚ ਅਹਿਮ ਭੂਮਿਕਾ ਨਿਭਾਉਣ ਵਾਲੀ ਐਲੇਨਾ ਮੈਰਿਸ ਜੋ ਕਿ ਮਾਈਕ੍ਰੋਸਾਫਟ ਦੀ ਇਕ ਰਿਸਰਚਰ ਵੀ ਹਨ ਨੇ ਨਿਊਯਾਰਕ ਟਾਈਮਸ ਨੂੰ ਦੱਸਿਆ ਹੈ ਕਿ ਜਿਸ ਤਰ੍ਹਾਂ ਪੋਰਨ ਵੈੱਬਸਾਈਟਾਂ ਯੂਜ਼ਰ ਨੂੰ ਟ੍ਰੈਕ ਕਰ ਰਹੀਆਂ ਹਨ ਉਸ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਯੂਜ਼ਰਜ਼ ਦੀ ਪ੍ਰਾਈਵੇਸੀ ਨੂੰ ਕਿੰਨਾ ਖਤਰਾ ਹੈ। ਉਨ੍ਹਾਂ ਦੱਸਿਆ ਕਿ ਪੋਰਨ ਦੇਖਣਾ ਕਾਫੀ ਨਿੱਜੀ ਐਕਟੀਵਿਟੀ ਹੈ ਇਸ ਨੂੰ ਟ੍ਰੈਕ ਕਰਨਾ ਕਦੇ ਵੀ ਸਹੀ ਸਾਬਤ ਨਹੀਂ ਹੋ ਸਕਦਾ। ਪੋਰਨ ਸਾਈਟ 'ਤੇ ਜਾਣ ਵਾਲੇ ਵਿਅਕਤੀ ਨੂੰ ਇਹ ਪਤਾ ਨਹੀਂ ਹੁੰਦਾ ਕਿ ਉਸ ਨੂੰ ਟੈਕਨਾਲੋਜੀ ਕੰਪਨੀਆਂ ਵੀ ਟ੍ਰੈਕ ਕਰ ਰਹੀਆਂ ਹਨ।
ਕਿਥੇ ਜਾ ਰਿਹਾ ਹੈ ਯੂਜ਼ਰਜ਼ ਦਾ ਡਾਟਾ
ਰਿਸਰਚਰਾਂ ਦਾ ਕਹਿਣਾ ਹੈ ਕਿ ਹੋ ਸਕਦਾ ਹੈ ਕਿ ਗੂਗਲ ਅਤੇ ਫੇਸਬੁੱਕ ਪੋਰਨੋਗ੍ਰਾਫੀ ਵੈੱਬਸਾਈਟਾਂ ਤੋਂ ਇਕੱਠਾ ਕੀਤੇ ਗਏ ਯੂਜ਼ਰਜ਼ ਦੇ ਡਾਟਾ ਦਾ ਇਸਤੇਮਾਲ ਆਪਣੇ ਐਡਵਰਟਾਈਜ਼ਿੰਗ ਪ੍ਰੋਫਾਇਲ ਡਿਵੈੱਲਪ ਕਰਨ ਲਈ ਕਰਦੀਆਂ ਹੋਣ, ਪਰ ਇਹ ਇਕ ਅਨੁਮਾਨ ਹੈ।
ਗੂਗਲ ਤੇ ਫੇਸਬੁੱਕ ਕਰ ਰਹੀਆਂ ਟ੍ਰੈਕਿੰਗ ਕਰਨ ਤੋਂ ਇਨਕਾਰ
ਗੂਗਲ ਦੀ ਇਕ ਬੁਲਾਰਨ ਨੇ ਨਿਊਯਾਰਕ ਟਾਈਮਸ ਨੂੰ ਆਪਣੇ ਇਕ ਬਿਆਨ 'ਚ ਕਿਹਾ ਕਿ ਅਸੀਂ ਯੂਜ਼ਰ ਦੀ ਆਨਲਾਈਨ ਐਕਟੀਵਿਟੀ ਦੇ ਆਧਾਰ 'ਤੇ ਐਡਵਰਟਾਈਜ਼ਿੰਗ ਪ੍ਰੋਫਾਇਲ ਡਿਵੈੱਲਪ ਕਰਨ ਦੀ ਗੱਲ 'ਤੇ ਯਕੀਨ ਨਹੀਂ ਰੱਖਦੇ। ਕਿਸੇ ਵੀ ਅਡਲਟ ਕੰਟੈਂਟ ਵਾਲੀ ਵੈੱਬਸਾਈਟ 'ਤੇ ਅਸੀਂ ਗੂਗਲ ਐਡਸ ਦਿਖਾਉਣ ਦੇ ਸਖਤ ਖਿਲਾਫ ਹਾਂ। ਉਥੇ ਹੀ ਫੇਸਬੁੱਕ ਨੇ ਵੀ ਇਸੇ ਤਰ੍ਹਾਂ ਦਾ ਜਵਾਬ ਦਿੱਤਾ ਹੈ। ਫੇਸਬੁੱਕ ਨੇ ਕਿਹਾ ਹੈ ਕਿ ਬਿਜ਼ਨੈੱਸ ਲਈ ਅਡਲਟ ਵੈੱਬਸਾਈਟ ਨੂੰ ਟ੍ਰੈਕ ਕਰਨਾ, ਸਾਡੀ ਕੰਪਨੀ ਇਸ ਦੀ ਮਨਜ਼ੂਰੀ ਨਹੀਂ ਦਿੰਦੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇਮੋਬਾਇਲ ਸਿਗਨਲ ਕਾਰਨ ਹੋ ਸਕਦੇ ਹਨ ਜਹਾਜ਼ ਹਾਦਸੇ, ਇਨ੍ਹਾਂ ਜਹਾਜ਼ਾਂ ਨੂੰ ਹੈ ਖਤਰਾ
NEXT STORY 
