ਗੈਜੇਟ ਡੈਸਕ– ਗੂਗਲ ਦੀਆਂ ਈ-ਮੇਲ, ਡਾਕਸ ਅਤੇ ਕੈਲੰਡਰ ਵਰਗੀਆਂ ਵਰਕਪਲੇਸ ਐਪਸ ਦੀਆਂ ਸੇਵਾਵਾਂ 27 ਜੂਨ ਤੋਂ ਮੁਫ਼ਤ ਨਹੀਂ ਰਹਿਣਗੀਆਂ। ਇਸ ਲਈ ਕੁਝ ਛੋਟੇ ਕਾਰੋਬਾਰੀਆਂ ਨੂੰ 6 ਡਾਲਰ (ਕਰੀਬ 468 ਰੁਪਏ) ਤਕ ਦਾ ਭੁਗਤਾਨ ਕਰਨਾ ਪਵੇਗਾ। ਗੂਗਲ ਨੇ ਇਸ ਸੰਬੰਧ ’ਚ ਇਸ ਸਾਲ ਜਨਵਰੀ ’ਚ ਹੀ ਐਲਾਨ ਕੀਤਾ ਸੀ। ਹੁਣ ਉਹ ਸਮਾਂ ਨਜ਼ਦੀਕ ਆ ਗਿਆ ਹੈ। ਗੂਗਲ ਨੇ ਕਿਹਾ ਹੈ ਕਿ ਇਨ੍ਹਾਂ ਸੇਵਾਵਾਂ ਦਾ ਇਕ ਨਿਸ਼ਚਿਤ ਸਪੇਸ ਤੋਂ ਜ਼ਿਆਦਾ ਇਸਤੇਮਾਲ ਕਰਨ ਵਾਲਿਆਂ ’ਤੇ ਕੁਝ ਚਾਰਜ ਲਗਾਇਆ ਜਾਵੇਗਾ। ਇਕ ਅਗਸਤ ਤਕ ਭੁਗਤਾਨ ਨਾ ਕਰਨ ’ਤੇ ਅਜਿਹੇ ਅਕਾਊਂਟ ਨੂੰ ਬੰਦ ਕਰ ਦਿੱਤਾ ਜਾਵੇਗਾ। ਯਾਨੀ ਜੀ-ਸੂਟ ਨਾਲ ਜੁੜੀਆਂ ਈ-ਮੇਲ ਸੇਵਾ ਅਤੇ ਹੋਰ ਕੰਮ ਵਾਲੀਆਂ ਥਾਵਾਂ ਐਪਸ ਦਾ ਮੁਫ਼ਤ ’ਚ ਇਸਤੇਮਾਲ ਨਹੀਂ ਕਰ ਸਕਗੀਆਂ।
ਇਹ ਵੀ ਪੜ੍ਹੋ– ਬਾਲਟੀ ਕਰੇਗੀ ਵਾਸ਼ਿੰਗ ਮਸ਼ੀਨ ਦਾ ਕੰਮ, ਸਸਤੀ ਕੀਮਤ ’ਚ ਉਪਲੱਬਧ ਹੈ ਇਹ ਡਿਵਾਈਸ
ਗੂਗਲ ਦੇ ਇਸ ਫੈਸਲੇ ਨਾਲ ਤਮਾਮ ਛੋਟੇ ਕਾਰੋਬਾਰੀ ਨਿਰਾਸ਼ ਹਨ। ਬ੍ਰਿਟਿਸ਼ ਕੋਲੰਬੀਆ ਦੇ ਵੈਨਕੂਵਰ ’ਚ ਵਿਦਿਅਕ ਪ੍ਰੋਗਰਾਮ ਕਰਨ ਵਾਲੇ ਯੂਜ਼ਰ ਰਿਚਰਡ ਜੇ. ਬਾਲਟਨ ਜੂਨੀਅਰ ਕਹਿੰਦੇ ਹਨ, ‘ਪਹਿਲਾਂ ਸਾਨੂੰ ਇਸ ਮੁਫ਼ਤ ਸੇਵਾ ਨਾਲ ਜੋੜਿਆ ਗਿਆ। ਹੁਣ ਇਸ ਲਈ ਪੈਸੇ ਦੇਣ ਦੀ ਗੱਲ ਕਹੀ ਜਾ ਰਹੀ ਹੈ। ਸਾਡੇ ਕੋਲ ਹੁਣ ਭੁਗਤਾਨ ਕਰਨ ਤੋਂ ਇਲਾਵਾ ਕੋਈ ਆਪਸ਼ਨ ਨਹੀਂ ਹੈ ਕਿਉਂਕਿ ਸਾਡਾ ਪੂਰਾ ਕੰਮਕਾਜ ਇਸ ’ਤੇ ਟਿਕਿਆ ਹੈ।’ ਓਟਾਵਾ ’ਚ ਮਾਰਕੀਟਿੰਗ ਕੰਸਲਟੇਂਸੀ ਥਿੰਕ ਇਟ ਕ੍ਰਿਏਟਿਵ ਦੇ ਮਾਲਿਕ ਪੈਟ੍ਰਿਕ ਗੈਂਟ ਨੇ ਕਿਹਾ, ‘ਇਸਨੇ ਮੈਨੂੰ ਬੇਲੋੜੇ ਰੂਪ ਨਾਲ ਛੋਟਾ ਕਰ ਦਿੱਤਾ। ਜੋ ਸੇਵਾ ਸਾਨੂੰ ਲੰਬੇ ਸਮੇਂ ਤੋਂ ਮੁਫ਼ਤ ਮਿਲ ਰਹੀ ਸੀ, ਉਸ ਲਈ ਹੁਣ ਕਿਹਾ ਜਾ ਰਿਹਾ ਹੈ ਕਿ ਪੈਸੇ ਦੇਣੇ ਪੈਣਗੇ। ਹੁਣ ਸਾਨੂੰ ਬਦਲ ਵੇਖਣੇ ਪੈਣਗੇ।’ ਟੈਕਸਾਸ ’ਚ ਸਾਫਟਵੇੱਰ ਕੰਸਲਟੇਂਸੀ ਅਤੇ ਹੋਰ ਤਕਨੀਕੀ ਸੇਵਾਵਾਂ ਦੇਣ ਵਾਲੀ ਸੁਪਰੀਮ ਇਕਵਿਪਮੈਂਟ ਕੰਪਨੀ ਦੇ ਮਾਲਿਕ ਸਮਦ ਸਜਨਲਾਲ ਨੇ ਕਿਹਾ, ‘ਮੈਨੂੰ ਇਸ ਤੋਂ ਕੋਈ ਇਤਰਾਜ਼ ਨਹੀਂ ਹੈ ਪਰ ਸਾਨੂੰ ਬਦਲ ਲੱਭਣ ਲਈ ਕੋਈ ਮਿਆਦ ਨਹੀਂ ਦਿੱਤੀ ਜਾਵੇ, ਜਦਕਿ ਤੁਸੀਂ ਅਜੇ ਵੀ ਇਹ ਤੈਅ ਕਰ ਰਹੇ ਹੋ ਕਿ ਕੀ ਤੁਸੀਂ ਅਸਲ ’ਚ ਸਾਨੂੰ ਪਹਿਲੇ ਸਥਾਨ ’ਤ ਲਿਆਉਣਾ ਚਾਹੁੰਦੇ ਹੋ।’
ਇਹ ਵੀ ਪੜ੍ਹੋ– ‘ਇਕ ਰਾਸ਼ਟਰ, ਇਕ ਰਾਸ਼ਨ ਕਾਰਡ’ ਯੋਜਨਾ ਪੂਰੇ ਦੇਸ਼ ’ਚ ਲਾਗੂ, ਹੁਣ ਕਿਸੇ ਵੀ ਸੂਬੇ ’ਚ ਲੈ ਸਕਦੇ ਹੋ ਸਸਤਾ ਅਨਾਜ
ਗੂਗਲ ਨੇ 2004 ’ਚ ਜੀਮੇਲ ਅਤੇ ਦੋ ਸਾਲਾਂ ਬਾਅਦ ਡਾਕਸ ਅਤੇ ਸ਼ੀਟਸ ਵਰਗੇ ਬਿਜ਼ਨੈੱਸ ਐਪਸ ਲਾਂਚ ਕੀਤੇ ਸਨ। ਗੂਗਲ ਸਟਾਟਰਸ-ਅਪਸ ਅਤੇ ਮਾਮ-ਐਂਡ-ਪਾਪ ਸ਼ਾਪਸ ਲਈ ਆਪਣੇ ਕੰਮ ਦੇ ਸਾਫਟਵੇਅਰ ਦਾ ਵਿਸਤਾਰ ਕਰਨਾ ਚਾਹੁੰਦਾ ਸੀ, ਇਸ ਲਈ ਇਸਨੇ ਬਿਨਾਂ ਕਿਸੇ ਕੀਮਤ ਦੇ ਸੇਵਾਵਾਂ ਦੀ ਪੇਸ਼ਕਸ਼ ਕੀਤੀ ਅਤੇ ਕੰਪਨੀਆਂ ਨੂੰ ਆਪਣੇ ਵਪਾਰਕ ਨਾਵਾਂ ਨਾਲ ਮੇਲ ਖਾਣ ਵਾਲੇ ਕਸਟਮ ਡੋਮੇਨ ਨੂੰ ਜੀਮੇਲ ’ਚ ਲਿਆਉਣ ਦਿੱਤਾ। ਹੁਣ ਇਸ ਲਈ ਫੀਸ ਲਗਾਉਣ ਨਾਲ ਯੂਜ਼ਰਸ ਨੂੰ ਲਗਦਾ ਹੈ ਕਿ ਇਹ ਉਨ੍ਹਾਂ ਦੇ ਨਾਲ ਵਾਦਾਖਿਲਾਫੀ ਹੈ। ਗੂਗਲ ਪਹਿਲਾਂ ਵੀ ਆਪਣੀਆਂ ਕਈ ਮੁਫ਼ਤ ਸੇਵਾਵਾਂ ’ਤੇ ਫੀਸ ਲਗਾ ਚੁੱਕੀ ਹੈ।
ਇਹ ਵੀ ਪੜ੍ਹੋ– ਕਾਂਗਰਸ ਦੇ ‘ਸਤਿਆਗ੍ਰਹਿ ਮਾਰਚ’ ਦੌਰਾਨ ਅਲਕਾ ਲਾਂਬਾ ਦਾ ਹੰਗਾਮਾ, ਪੁਲਸ ਨਾਲ ਉਲਝੀ, ਰੋਂਦੇ ਹੋਏ ਸੜਕ ’ਤੇ ਲੇਟੀ
ਨੋਟ : ਗੂਗਲ ਦੇ ਇਸ ਫ਼ੈਸਲੇ ਨੂੰ ਤੁਸੀਂ ਕਿਵੇਂ ਵੇਖਦੋ ਹੋ
ਬਾਲਟੀ ਕਰੇਗੀ ਵਾਸ਼ਿੰਗ ਮਸ਼ੀਨ ਦਾ ਕੰਮ, ਸਸਤੀ ਕੀਮਤ ’ਚ ਉਪਲੱਬਧ ਹੈ ਇਹ ਡਿਵਾਈਸ
NEXT STORY 
