ਗੈਜੇਟ ਡੈਸਕ - ਭਾਰਤ ਦਾ UPI ਭੁਗਤਾਨ ਸਿਸਟਮ ਪੈਸੇ ਟ੍ਰਾਂਸਫਰ ਕਰਨ ਦਾ ਇਕ ਵਿਲੱਖਣ ਅਤੇ ਉੱਨਤ ਤਰੀਕਾ ਹੈ। ਅਜਿਹੇ ਸਿਸਟਮ ਦੁਨੀਆ ਭਰ 'ਚ ਤੇਜ਼ੀ ਨਾਲ ਪ੍ਰਸਿੱਧ ਹੋ ਰਹੇ ਹਨ। ਚੀਨੀ ਸੋਸ਼ਲ ਮੀਡੀਆ ਦਿੱਗਜ TikTok ਕਥਿਤ ਤੌਰ 'ਤੇ ਇਕ ਫੀਚਰ 'ਤੇ ਕੰਮ ਕਰ ਰਿਹਾ ਹੈ ਜੋ ਉਪਭੋਗਤਾਵਾਂ ਨੂੰ ਸਿੱਧੇ ਮੈਸੇਜ ਰਾਹੀਂ ਇਕ ਦੂਜੇ ਨੂੰ ਪੈਸੇ ਭੇਜਣ ਦੀ ਆਗਿਆ ਦੇਵੇਗਾ। ਜੇਕਰ ਇਹ ਫੀਚਰ ਰੋਲ ਆਊਟ ਕੀਤਾ ਜਾਂਦਾ ਹੈ, ਤਾਂ ਇਹ ਸੋਸ਼ਲ ਮੀਡੀਆ ਪਲੇਟਫਾਰਮ ਦੀ TikTok Pay ਸੇਵਾ ਦੀ ਵਰਤੋਂ ਕਰੇਗਾ, ਜੋ ਕਿ ਵਰਤਮਾਨ 'ਚ ਦੱਖਣ-ਪੂਰਬੀ ਏਸ਼ੀਆ 'ਚ TikTok Shop ਰਾਹੀਂ ਖਰੀਦਦਾਰੀ ਲਈ ਉਪਲਬਧ ਹੈ। ਆਓ ਇਸ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਹਾਸਲ ਕਰਦੇ ਹਾਂ।
ਇਸ ਫੀਚਰ ਦੇ ਸੰਕੇਤ ਅਮਰੀਕਾ 'ਚ TikTok ਦੇ ਮੌਜੂਦਾ iPhone ਐਪ ਦੇ ਕੋਡ 'ਚ ਮਿਲੇ ਹਨ। ਕੋਡ ਤੋਂ ਪਤਾ ਚੱਲਿਆ ਕਿ ਪ੍ਰਾਪਤਕਰਤਾ ਟੈਪ ਕਰਕੇ ਭੁਗਤਾਨ ਸਵੀਕਾਰ ਕਰਨ ਦੇ ਯੋਗ ਹੋਣਗੇ, ਜਦੋਂ ਕਿ ਭੇਜਣ ਵਾਲੇ Venmo ਵਾਂਗ, ਭੁਗਤਾਨਾਂ ਦੇ ਨਾਲ ਮੈਸੇਜ ਭੇਜ ਸਕਣਗੇ। ਬਲੂਮਬਰਗ ਦੀ ਇਕ ਰਿਪੋਰਟ ਦੇ ਅਨੁਸਾਰ, ਇਸ ਫੀਚਰ ਦੀ ਇਸ ਵੇਲੇ ਜਾਂਚ ਨਹੀਂ ਕੀਤੀ ਜਾ ਰਹੀ ਹੈ। ਇਸ ਤੋਂ ਇਹ ਸਪੱਸ਼ਟ ਹੁੰਦਾ ਹੈ ਕਿ ਇਹ ਅਜੇ ਵੀ ਵਿਕਾਸ ਦੇ ਸ਼ੁਰੂਆਤੀ ਪੜਾਵਾਂ 'ਚ ਹੈ। ਜਦੋਂ ਕਿ ਇਹ ਫੀਚਰ ਇਸ ਸਮੇਂ ਵਿਕਾਸ ਅਧੀਨ ਹੈ, ਇਹ ਸਪੱਸ਼ਟ ਨਹੀਂ ਹੈ ਕਿ ਕੀ TikTok ਵੱਡੇ ਪੱਧਰ 'ਤੇ P2P ਭੁਗਤਾਨ ਪੇਸ਼ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ।
ਇਹ ਧਿਆਨ ਦੇਣ ਯੋਗ ਹੈ ਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ TikTok ਨੇ ਵਿੱਤੀ ਸੇਵਾਵਾਂ 'ਚ ਨਵੇਂ ਫੀਚਰਜ਼ ਪੇਸ਼ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਇਸ ਸਾਲ ਦੇ ਸ਼ੁਰੂ 'ਚ ਰਾਇਟਰਜ਼ ਨੇ ਰਿਪੋਰਟ ਦਿੱਤੀ ਸੀ ਕਿ TikTok ਨੇ ਇਕ ਵਿੱਤੀ ਤਕਨਾਲੋਜੀ ਕੰਪਨੀ ਵਜੋਂ ਕੰਮ ਕਰਨ ਦੀ ਪ੍ਰਵਾਨਗੀ ਲਈ ਬ੍ਰਾਜ਼ੀਲ ਦੇ ਕੇਂਦਰੀ ਬੈਂਕ ਨੂੰ ਅਰਜ਼ੀ ਦਿੱਤੀ ਸੀ, ਜੋ ਕਰਜ਼ਾ ਅਤੇ ਭੁਗਤਾਨ ਸੇਵਾਵਾਂ ਦੀ ਪੇਸ਼ਕਸ਼ ਕਰਦੀ ਹੈ।
TikTok ਆਪਣੇ ਛੋਟੇ ਵੀਡੀਓਜ਼ ਲਈ ਦੁਨੀਆ ਭਰ 'ਚ ਪ੍ਰਸਿੱਧ ਹੈ। ਹਾਲਾਂਕਿ, ਕੰਪਨੀ ਹੌਲੀ-ਹੌਲੀ ਇਸ ਸ਼੍ਰੇਣੀ ਤੋਂ ਅੱਗੇ ਵਧਣ ਦੇ ਯਤਨ ਕਰ ਰਹੀ ਹੈ, ਜਿਸ 'ਚ ਮਜ਼ਬੂਤ ਖੋਜ, TikTok ਸ਼ਾਪ, ਸਥਾਨਕ ਖੋਜ ਨਕਸ਼ੇ, ਖੇਡਾਂ ਅਤੇ ਹੋਟਲ ਬੁਕਿੰਗ ਸ਼ਾਮਲ ਹਨ। ਪੀਅਰ-ਟੂ-ਪੀਅਰ ਪੇਮੈਂਟਸ ਸ਼ੁਰੂ ਕਰਕੇ, TikTok Venmo ਅਤੇ Zelle ਵਰਗੀਆਂ ਸੇਵਾਵਾਂ ਨਾਲ ਮੁਕਾਬਲਾ ਕਰ ਸਕਦਾ ਹੈ।
ਹਾਲਾਂਕਿ, TikTok ਇਕਲੌਤਾ ਸੋਸ਼ਲ ਮੀਡੀਆ ਪਲੇਟਫਾਰਮ ਨਹੀਂ ਹੈ ਜੋ ਪੈਸੇ ਟ੍ਰਾਂਸਫਰ ਦੀ ਪੇਸ਼ਕਸ਼ ਕਰਦਾ ਹੈ। ਮੈਟਾ ਦੀ ਮਲਕੀਅਤ ਵਾਲੇ WhatsApp ਦੀ ਇਕ ਅਜਿਹਾ ਫੀਚਰ WhatsApp Pay ਹੈ, ਜੋ ਉਪਭੋਗਤਾਵਾਂ ਨੂੰ ਆਪਣੇ ਚੈਟ ਦੇ ਅੰਦਰ ਪੈਸੇ ਭੇਜਣ ਅਤੇ ਪ੍ਰਾਪਤ ਕਰਨ ਦੀ ਆਗਿਆ ਦਿੰਦੀ ਹੈ। ਭਾਰਤ 'ਚ, ਇਹ ਫੀਚਰ BHIM UPI ਨਾਲ ਕੰਮ ਕਰਦੀ ਹੈ, ਜਿਸ ਰਾਹੀਂ ਪੈਸੇ ਬਿਨਾਂ ਕਿਸੇ ਵਾਧੂ ਖਰਚੇ ਦੇ ਇਕ ਬੈਂਕ ਖਾਤੇ ਤੋਂ ਦੂਜੇ ਬੈਂਕ ਖਾਤੇ 'ਚ ਆਸਾਨੀ ਨਾਲ ਟ੍ਰਾਂਸਫਰ ਕੀਤੇ ਜਾ ਸਕਦੇ ਹਨ।
7000mAh ਦੀ ਬੈਟਰੀ ਆਲੇ ਫੋਨ 'ਤੇ ਮਿਲ ਰਿਹਾ ਧਾਕੜ Discount ! 32MP ਦਾ ਹੋਵੇਗਾ ਕੈਮਰਾ
NEXT STORY 
