ਗੈਜੇਟ ਡੈਸਕ– ਪਿਛਲੇ ਕੁਝ ਸਾਲਾਂ ’ਚ ਭਾਰਤ ’ਚ ਨਵੇਂ-ਨਵੇਂ ਸਟਾਰਟਅਪਸ ਸ਼ੁਰੂ ਹੋਏ ਹਨ। ਇਨ੍ਹਾਂ ’ਚੋਂ ਇਕ ‘ਕੂ’ (Koo) ਐਪ ਵੀ ਹੈ ਜੋ ਕਿ ਟਵਿਟਰ ਦੀ ਤਰ੍ਹਾਂ ਇਕ ਮਾਈਕ੍ਰੋ-ਬਲਾਗਿੰਗ ਪਲੇਟਫਾਰਮ ਹੈ। ‘ਕੂ’ ਐਪ ਨੂੰ ਮਾਰਚ 2020 ’ਚ ਭਾਰਤ ’ਚ ਪਹਿਲੇ ਬਹੂਭਾਸ਼ੀ ਮਾਈਕ੍ਰੋ-ਬਲਾਗਿੰਗ ਪਲੇਟਫਾਰਮ ਦੇ ਰੂਪ ’ਚ ਪੇਸ਼ ਕੀਤਾ ਗਿਆ ਹੈ। ਸਿਰਫ ਕਨੰੜ ਭਾਸ਼ਾ ਤੋਂ ਸ਼ੁਰੂ ਹੋਇਆ ਇਹ ਐਪ ਹੁਣ 10 ਭਾਸ਼ਾਵਾਂ ’ਚ ਉਪਲੱਬਧ ਹੈ। ਸਾਲ 2021 ’ਚ ਇਸ ਦੇਸੀ ਐਪ ਦੀ ਸਫਲਤਾ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ‘ਕੂ’ ਐਪ ਦੇ ਯੂਜ਼ਰਸ ਦੀ ਗਿਣਤੀ ਦੋ ਕਰੋੜ ਦੇ ਅੰਕੜੇ ਨੂੰ ਪਾਰ ਕਰ ਚੁੱਕੀ ਹੈ।
ਦਸੰਬਰ 2021 ਦੇ ਅੱਧ ਤਕ ‘ਕੂ’ ਐਪ ਨੇ 2 ਕਰੋੜ ਡਾਊਨਲੋਡ ਦਾ ਅੰਕੜਾ ਛੂਹਣ ਦੇ ਨਾਲ ਮਹੱਤਵਪੂਰਨ ਮੀਲ ਦਾ ਪੱਥਰ ਹਾਸਿਲ ਕਰ ਲਿਆ ਹੈ। ਇਸ ਵਿਚ ਸਭ ਤੋਂ ਜ਼ਿਆਦਾ ਜ਼ਰੂਰੀ ਗੱਲ ਇਹ ਰਹੀ ਕਿ ਇਸ ਦੇਸੀ ਮੰਚ ਨੇ ਇਸ ਵਿਚੋਂ ਆਖਰੀ ਇਕ ਚੌਥਾਈ ਯਾਨੀ 50 ਲੱਖ ਤੋਂ ਜ਼ਿਆਦਾ ਯੂਜ਼ਰਸ ਸਿਰਫ ਦੋ ਮਹੀਨਿਆਂ ਦੇ ਅੰਦਰ ਜੋੜੇ ਹਨ। ਇਸਤੋਂ ਪਹਿਲਾਂ ਅਕਤੂਬਰ 2021 ’ਚ ‘ਕੂ’ ਐਪ ਦੇ ਕੁੱਲ ਡਾਊਨਲੋਡ 1.50 ਕਰੋੜ ਨੂੰ ਪਾਵਰ ਗਏ ਸਨ।
10 ਭਾਸ਼ਾਵਾਂ ’ਚ ਉਪਲੱਬਧ ਹੈ ‘ਕੂ’ ਐਪ
ਮਾਰਚ 2020 ’ਚ ਕਨੰੜ ਦੀ ਲਾਂਚਿੰਗ ਦੇ ਨਾਲ ‘ਕੂ’ ਐਪ ਹੁਣ ਹਿੰਦੀ, ਮਰਾਠੀ, ਗੁਜਰਾਤੀ, ਤਮਿਲ, ਤੇਲੁਗੂ, ਪੰਜਾਬੀ, ਬੰਗਾਲੀ, ਅਸਮੀਆ ਅਤੇ ਅੰਗਰੇਜੀ ਸਮੇਤ 10 ਭਾਸ਼ਾਵਾਂ ’ਚ ਉਪਲੱਬਧ ਹੋ ਚੁੱਕਾ ਹੈ। ਇਸ ਪਲੇਟਫਾਰਮ ’ਤੇ ਮੌਜੂਦ ਯੂਜ਼ਰਸ ’ਚ ਮਸ਼ਹੂਰ ਹਸਤੀਆਂ ਵੀ ਸ਼ਾਮਲ ਹਨ, ਜੋ ਅੰਗਰੇਜੀ ਅਨੁਵਾਦ ਦੀ ਲੋੜ ਦੇ ਬਿਨਾਂ ਖੁਦ ਨੂੰ ਜ਼ਾਹਿਰ ਕਰਦੇ ਹਨ ਅਤੇ ਆਪਣੀ ਪਸੰਦ ਦੀਆਂ ਭਾਸ਼ਾਵਾਂ ’ਚ ਸੁਤੰਤਰ ਰੂਪ ਨਾਲ ਆਪਣੇ ਵਿਚਾਰ ਸਾਂਝੇ ਕਰਦੇ ਹਨ। ‘ਕੂ’ ਐਪ ’ਤੇ ਯੂਜ਼ਰਸ ਨੂੰ ਰੀਅਲ ਟਾਈਮ ’ਚ ਕਈ ਭਾਸ਼ਾਵਾਂ ’ਚ ਅਨੁਵਾਦ ਦਾ ਵੀ ਆਪਸ਼ਨ ਮਿਲਦਾ ਹੈ। ‘ਕੂ’ ਐਪ ਜਲਦ ਹੀ ਸਾਰੀਆਂ 22 ਅਧਿਕਾਰਤ ਭਾਰਤੀ ਭਾਸ਼ਾਵਾਂ ’ਚ ਆਉਣ ਵਾਲਾ ਹੈ।
ਜੀਓ ਨੇ ਪੇਸ਼ ਕੀਤਾ ‘ਹੈਪੀ ਨਿਊ ਈਅਰ’ ਆਫਰ, ਅਨਲਿਮਟਿਡ ਕਾਲਿੰਗ ਨਾਲ ਰੋਜ਼ ਮਿਲੇਗਾ 1.5GB ਡਾਟਾ
NEXT STORY 
