ਗੈਜੇਟ ਡੈਸਕ - ਘਰੇਲੂ ਬ੍ਰਾਂਡ ਲਾਵਾ ਆਪਣੀ ਵਿਰਾਟ ਸੀਰੀਜ਼ 'ਚ ਇਕ ਹੋਰ ਕਿਫਾਇਤੀ ਫੋਨ ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਭਾਰਤੀ ਕੰਪਨੀ ਦਾ ਇਹ ਸਮਾਰਟਫੋਨ ਕਰਵਡ AMOLED ਡਿਸਪਲੇਅ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ ਫੋਨ ਦੇ ਲਗਭਗ ਸਾਰੇ ਫੀਚਰਜ਼ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆ ਚੁੱਕੇ ਹਨ। ਰਿਪੋਰਟਾਂ ਦੇ ਅਨੁਸਾਰ, ਕੰਪਨੀ ਇਸ ਮਹੀਨੇ ਇਕ ਕਰਵਡ ਡਿਸਪਲੇਅ ਵਾਲਾ ਇਹ ਬਜਟ-ਅਨੁਕੂਲ ਫੋਨ ਲਾਂਚ ਕਰਨ ਲਈ ਤਿਆਰ ਹੈ। ਕੰਪਨੀ ਨੇ ਹਾਲ ਹੀ 'ਚ Virat V1 Pro 5G ਫੋਨ ਲਾਂਚ ਕੀਤਾ ਹੈ।
ਇਹ ਲਾਵਾ ਫੋਨ ਅਗਲੇ ਹਫ਼ਤੇ ਭਾਰਤੀ ਬਾਜ਼ਾਰ 'ਚ ਲਾਂਚ ਹੋਣ ਦੀ ਉਮੀਦ ਹੈ। ਇਹ ਇਸ ਸਾਲ ਲਾਂਚ ਹੋਣ ਵਾਲਾ ਵਿਰਾਟ ਸੀਰੀਜ਼ ਦਾ ਚੌਥਾ ਸਮਾਰਟਫੋਨ ਹੋਵੇਗਾ। ਇਸ ਤੋਂ ਪਹਿਲਾਂ, ਕੰਪਨੀ ਨੇ Lava Virat V1, Lava Virat V1 5G ਅਤੇ Lava Virat V1 Pro 5G ਲਾਂਚ ਕੀਤੇ ਸਨ। ਇਸਨੂੰ ਲਾਵਾ ਵਿਰਾਟ ਕਰਵ 5G ਦੇ ਰੂਪ 'ਚ ਲਾਂਚ ਕੀਤਾ ਜਾਵੇਗਾ। ਕੰਪਨੀ ਨੇ ਇਸ ਸਮਾਰਟਫੋਨ ਲਈ ਇਕ ਸਮਰਪਿਤ ਮਾਈਕ੍ਰੋਸਾਈਟ ਲਾਈਵ ਕੀਤੀ ਹੈ। ਇਹ ਫੋਨ 21 ਸਤੰਬਰ ਨੂੰ ਫਲਿੱਪਕਾਰਟ 'ਤੇ ਲਾਂਚ ਕੀਤਾ ਜਾਵੇਗਾ।
ਲੀਕ ਹੋਈਆਂ ਰਿਪੋਰਟਾਂ ਦੇ ਅਨੁਸਾਰ, ਇਹ ਫੋਨ ਦੋ ਰੰਗਾਂ ਦੇ ਵਿਕਲਪਾਂ 'ਚ ਪੇਸ਼ ਕੀਤਾ ਜਾ ਸਕਦਾ ਹੈ: ਹੈਰੀਟੇਜ ਇੰਡੀਗੋ ਅਤੇ ਮਕਰਾਨਾ ਆਈਵਰੀ। ਇਹ ਮੀਡੀਆਟੈੱਕ ਡਾਇਮੈਂਸਿਟੀ 7000 ਸੀਰੀਜ਼ ਚਿੱਪਸੈੱਟ ਦੁਆਰਾ ਸੰਚਾਲਿਤ ਹੋ ਸਕਦਾ ਹੈ। ਕੰਪਨੀ ਨੇ ਆਪਣੀ ਮਾਈਕ੍ਰੋਸਾਈਟ 'ਤੇ ਫੋਨ ਦੇ ਡਿਜ਼ਾਈਨ ਦਾ ਖੁਲਾਸਾ ਕੀਤਾ ਹੈ। ਇਸ ਫੋਨ 'ਚ ਫਰੰਟ 'ਤੇ 6.67-ਇੰਚ 3D ਕਰਵਡ AMOLED ਡਿਸਪਲੇਅ ਹੋਵੇਗਾ। ਫੋਨ ਦੀ ਡਿਸਪਲੇਅ 120Hz ਰਿਫਰੈਸ਼ ਰੇਟ ਅਤੇ 1,100 nits ਤੱਕ ਦੀ ਪੀਕ ਬ੍ਰਾਈਟਨੈੱਸ ਦਾ ਸਮਰਥਨ ਕਰ ਸਕਦੀ ਹੈ।
ਇਸ ਫੋਨ ਦੇ ਪਿਛਲੇ ਪਾਸੇ ਇਕ ਮਿੰਨੀ ਡਿਸਪਲੇਅ ਵੀ ਦਿੱਤੀ ਜਾਵੇਗੀ, ਜੋ ਕੈਮਰੇ ਦੇ ਹੇਠਾਂ ਰੱਖੀ ਜਾਵੇਗੀ। ਇਹ ਡਿਸਪਲੇਅ ਸੂਚਨਾਵਾਂ, ਬੈਟਰੀ ਅਤੇ ਹੋਰ ਬਹੁਤ ਕੁਝ ਬਾਰੇ ਵੇਰਵੇ ਪ੍ਰਦਰਸ਼ਿਤ ਕਰੇਗਾ। ਪਿਛਲੇ ਪਾਸੇ ਗੂਗਲ ਪਿਕਸਲ ਫੋਲਡ ਵਰਗਾ ਇਕ ਵਰਗਾਕਾਰ-ਡਿਜ਼ਾਈਨ ਕੀਤਾ ਕੈਮਰਾ ਮੋਡੀਊਲ ਹੋਵੇਗਾ। ਇਹ ਸਮਾਰਟਫੋਨ ਐਂਡਰਾਇਡ 16 ਓਪਰੇਟਿੰਗ ਸਿਸਟਮ ਦੇ ਨਾਲ ਆਵੇਗਾ। ਇਹ ਫੋਨ ਦੋ ਸਾਲਾਂ ਦੇ ਓਐਸ ਅਤੇ ਤਿੰਨ ਸੁਰੱਖਿਆ ਅਪਡੇਟਾਂ ਦੇ ਨਾਲ ਆਵੇਗਾ।
ਲਾਵਾ ਵਿਰਾਟ ਕਰਵ 'ਚ 50MP ਦਾ ਮੁੱਖ ਕੈਮਰਾ ਅਤੇ ਪਿਛਲੇ ਪਾਸੇ ਇਕ ਸੈਕੰਡਰੀ ਕੈਮਰਾ ਹੋਵੇਗਾ। ਫੋਨ ਦਾ ਕੈਮਰਾ 10x ਡਿਜੀਟਲ ਜ਼ੂਮ ਨੂੰ ਸਪੋਰਟ ਕਰੇਗਾ। ਇਸ ਫੋਨ 'ਚ 45W ਵਾਇਰਡ ਫਾਸਟ ਚਾਰਜਿੰਗ ਦੇ ਨਾਲ ਇੱਕ ਸ਼ਕਤੀਸ਼ਾਲੀ 6000mAh ਬੈਟਰੀ ਹੋਣ ਦੀ ਉਮੀਦ ਹੈ। ਫੋਨ ○ਚ ਮੀਡੀਆਟੈੱਕ ਡਾਇਮੈਂਸਿਟੀ 7100 ਚਿੱਪਸੈੱਟ ਅਤੇ 6GB ਰੈਮ ਦੇ ਨਾਲ 128GB ਤੱਕ ਸਟੋਰੇਜ ਹੋ ਸਕਦੀ ਹੈ।
ਜਲਦ ਸ਼ੁਰੂ ਹੋਵੇਗੀ ਨਵੇਂ iPhones ਦੀ ਸੇਲ ! ਪੁਰਾਣੇ ਅਤੇ Refurbished ਆਈਫੋਨਾਂ ਦੀ ਵੀ ਵਧੇਗੀ ਡਿਮਾਂਡ
NEXT STORY 
