ਆਟੋ ਡੈਸਕ– ਮਹਿੰਦਰਾ ਭਾਰਤੀ ਬਾਜ਼ਾਰ ’ਚ ਆਪਣੇ ਨਵੇਂ ਇਲੈਕਟ੍ਰਿਕ ਕਵਾਡ੍ਰਿਸਾਈਕਲ ਮਹਿੰਦਰਾ ਐਟਮ ਨੂੰ ਜਲਦ ਲਾਂਚ ਕਰਨ ਵਾਲੀ ਹੈ। ਇਸ ਕਵਾਡ੍ਰਿਸਾਈਕਲ ਨੂੰ ਭਾਰਤੀ ਸੜਕਾਂ ’ਤੇ ਟੈਸਟਿੰਗ ਦੌਰਾਨ ਵੇਖਿਆ ਗਿਆ ਹੈ ਅਤੇ ਉਸ ਦੀਆਂ ਕੁਝ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। ਇਨ੍ਹਾਂ ਤਸਵੀਰਾਂ ਤੋਂ ਪਤਾ ਚਲਦਾ ਹੈ ਕਿ ਇਹ ਐਟਮ ਕਵਾਡ੍ਰਿਸਾਈਕਲ ਦਾ ਲਗਭਗ ਪ੍ਰੋਡਕਸ਼ਨ ਰੈਡੀ ਮਾਡਲ ਹੈ। ਇਸ ਦੇ ਕੈਬਿਨ ’ਚ ਇਕ ਵਾਧੂ ਵ੍ਹੀਲ ਮਾਊਂਟ ਵੇਖਿਆ ਗਿਆ ਹੈ। ਇਸ ਤੋਂ ਇਲਾਵਾ ਇਸ ਦੇ ਇੰਟੀਰੀਅਰ ਦਾ ਵੀ ਖੁਲਾਸਾ ਹੋਇਆ ਹੈ। ਇਸ ਦੇ ਇੰਟੀਰੀਅਰ ’ਚ ਏਅਰ-ਕਾਨ ਵੈਂਟਸ, ਇਕ ਫਲੈਟ-ਬਾਟਮ ਟਾਈਪ ਸਟੀਅਰਿੰਗ ਵ੍ਹੀਲ, 12-ਵੋਲਟ ਸਾਕੇਟ ਦੇ ਨਾਲ ਡੈਸ਼ਬੋਰਡ ਵਿਖਾਈ ਦੇ ਰਿਹਾ ਹੈ। ਇਸ ਵਿਚ ਇਕ ਰੋਟਰੀ ਗਿਅਰ ਡਾਇਲ ਅਤੇ ਡੈਸ਼ਬੋਰਡ ’ਤੇ ਇਕ ਗੋਲਾਕਾਰ ਇੰਸਟਰੂਮੈਂਟ ਕੰਸੋਲ ਵੀ ਮੌਜੂਦ ਹੈ।
ਦੱਸ ਦੇਈਏ ਕਿ ਇਸ ਵਿਚ ਕੋਈ ਵੱਡੇ ਆਕਾਰ ਦੀ ਟੱਚਸਕਰੀਨ ਨਹੀਂ ਲੱਗੀ ਜਿਸ ਨੂੰ ਆਟੋ ਐਕਸਪੋ ’ਚ ਵਿਖਾਏ ਗਏ ਮਾਡਲ ’ਚ ਕੰਪਨੀ ਨੇ ਸ਼ੋਅ ਕੀਤਾ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਕਵਾਡ੍ਰਿਸਾਈਕਲ ’ਚ ਟੱਚਸਕਰੀਨ ਇੰਫੋਟੇਨਮੈਂਟ ਸਿਸਟਮ ਨੂੰ ਇਸ ਨੂੰ ਲਾਂਚ ਕਰਦੇ ਹੋਏ ਅਸੈਸਰੀ ਦੇ ਤੌਰ ’ਤੇ ਲਿਆਇਆ ਜਾ ਸਕਦਾ ਹੈ।
ਇਸ ਕਵਾਡ੍ਰਿਸਾਈਕਲ ਦੀ ਟਾਪ ਸਪੀਡ 70 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਹੋਵੇਗੀ। ਮਹਿੰਦਰਾ ਐਟਮ ਇਲੈਕਟ੍ਰਿਕ ਕਵਾਡ੍ਰਿਸਾਈਕਲ ਦੇਸ਼ ’ਚ ਬਜਾਜ ਦੀ ਅਪਕਮਿੰਗ ਇਲੈਕਟ੍ਰਿਕ Qute ਨੂੰ ਟੱਕਰ ਦੇਵੇਗਾ। ਕੀਮਤ ਦੀ ਗੱਲ ਕਰੀਏ ਤਾਂ ਇਸ ਦੀ ਕੀਮਤ 3 ਤੋਂ 5 ਲੱਖ ਰੁਪਏ ਦੇ ਵਿਚਕਾਰ ਤੈਅ ਕੀਤੀ ਜਾ ਸਕਦੀ ਹੈ। 
ਖ਼ਾਸ ਤੌਰ ’ਤੇ ਜਨਾਨੀਆਂ ਲਈ ਲਾਂਚ ਹੋਇਆ ਇਹ ਸਮਾਰਟਫੋਨ, ਕੀਮਤ 7 ਹਜ਼ਾਰ ਰੁਪਏ ਤੋਂ ਵੀ ਘੱਟ
NEXT STORY 
