ਨਵੀਂ ਦਿੱਲੀ - ਮਹਿੰਦਰਾ ਐਂਡ ਮਹਿੰਦਰਾ ਭਾਰਤੀ ਬਾਜ਼ਾਰ 'ਚ ਇਕ ਤੋਂ ਬਾਅਦ ਇਕ ਆਪਣੇ ਉਤਪਾਦ ਲਾਂਚ ਕਰ ਰਹੀ ਹੈ। ਕੰਪਨੀ ਆਉਣ ਵਾਲੇ ਸਾਲਾਂ 'ਚ 5 ਇਲੈਕਟ੍ਰਿਕ ਵਾਹਨ ਲਾਂਚ ਕਰ ਸਕਦੀ ਹੈ। ਭਾਰਤ ਵਿੱਚ EV ਬੁਨਿਆਦੀ ਢਾਂਚੇ ਦੀ ਘਾਟ ਨੂੰ ਦੇਖਦੇ ਹੋਏ, ਮਹਿੰਦਰਾ ਨੇ Jio-BP ਨਾਲ ਹੱਥ ਮਿਲਾਇਆ ਹੈ। ਜੀਓ-ਬੀਪੀ ਵਰਤਮਾਨ ਵਿੱਚ ਪੂਰੇ ਭਾਰਤ ਵਿੱਚ ਈਵੀ ਚਾਰਜਿੰਗ ਸਟੇਸ਼ਨ ਸਥਾਪਤ ਕਰ ਰਿਹਾ ਹੈ, ਜਿਸ ਨਾਲ ਮਹਿੰਦਰਾ ਈਵੀ ਉਪਭੋਗਤਾਵਾਂ ਨੂੰ ਫਾਇਦਾ ਹੋਵੇਗਾ।
ਸਮਝੌਤੇ ਤਹਿਤ, ਜੀਓ-ਬੀਪੀ ਦੇਸ਼ ਦੇ 16 ਸ਼ਹਿਰਾਂ ਵਿੱਚ ਮਹਿੰਦਰਾ ਐਂਡ ਮਹਿੰਦਰਾ ਡੀਲਰਸ਼ਿਪ ਨੈਟਵਰਕ ਅਤੇ ਵਰਕਸ਼ਾਪਾਂ ਵਿੱਚ ਡੀਸੀ ਫਾਸਟ ਚਾਰਜਰ ਸਥਾਪਤ ਕਰੇਗੀ। ਇਹ ਚਾਰਜਰ ਸਾਰਿਆਂ ਲਈ ਖੁੱਲ੍ਹੇ ਹੋਣਗੇ ਅਤੇ EV ਮੁੱਲ ਲੜੀ ਦੇ ਸਾਰੇ ਹਿੱਸੇਦਾਰਾਂ ਨੂੰ ਲਾਭ ਪਹੁੰਚਾਉਣਗੇ।
ਮਹਿੰਦਰਾ XUV400 ਇਲੈਕਟ੍ਰਿਕ ਕਾਰ
ਮਹਿੰਦਰਾ ਨੇ ਆਪਣੀ ਇਲੈਕਟ੍ਰਿਕ ਕਾਰ XUV400 ਨੂੰ ਭਾਰਤੀ ਬਾਜ਼ਾਰ 'ਚ ਪੇਸ਼ ਕਰ ਦਿੱਤਾ ਹੈ। ਕੰਪਨੀ ਇਸ ਕਾਰ ਨੂੰ ਅਗਲੇ ਸਾਲ ਲਾਂਚ ਕਰ ਸਕਦੀ ਹੈ। ਮਹਿੰਦਰਾ ਨੂੰ SUVs ਦੀ ਲਾਂਚਿੰਗ ਨਾਲ ਫਾਸਟ ਚਾਰਜਿੰਗ ਬੁਨਿਆਦੀ ਢਾਂਚੇ ਦਾ ਫਾਇਦਾ ਮਿਲੇਗਾ। ਆਪਣੇ ਗਾਹਕਾਂ ਨੂੰ ਸੁਵਿਧਾਜਨਕ ਫਾਸਟ ਚਾਰਜਿੰਗ ਨੈੱਟਵਰਕ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ, M&M ਨੇ ਜੀਓ-ਬੀਪੀ ਨਾਲ ਹੱਥ ਮਿਲਾਇਆ ਹੈ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਬਾਕਸ 'ਚ ਚਾਰਜਰ ਨਾ ਦੇਣਾ ਐਪਲ ਨੂੰ ਪਿਆ ਮਹਿੰਗਾ, ਲੱਗਾ 150 ਕਰੋੜ ਦਾ ਜੁਰਮਾਨਾ
NEXT STORY 
