ਜਲੰਧਰ- ਮਾਰੂਤੀ ਸੁਜ਼ੂਕੀ ਛੇਤੀ ਹੀ ਆਪਣੀ ਨਵੀਂ ਕਾਰ ਇਗਨਿਸ ਨੂੰ ਭਾਰਤੀ ਬਾਜ਼ਾਰ 'ਚ ਲਾਂਚ ਕਰਨ ਜਾ ਰਹੀ ਹੈ। ਮਾਰੂਤੀ ਸੁਜ਼ੂਕੀ ਇਗਨਿਸ ਨੂੰ 13 ਜਨਵਰੀ ਨੂੰ ਲਾਂਚ ਕੀਤਾ ਜਾਵੇਗਾ। ਕਾਰ ਦੀ ਬੁਕਿੰਗ ਸ਼ੁਰੂ ਹੋ ਚੁੱਕੀ ਹੈ ਅਤੇ ਇਸ ਨੂੰ 11,000 ਰੁਪਏ 'ਚ ਬੁੱਕ ਕੀਤਾ ਜਾ ਸਕਦਾ ਹੈ। ਕੰਪਨੀ ਦੀ ਇਸ ਨਵੀਂ ਕਾਰ ਦਾ ਭਾਰਤੀ ਬਜ਼ਾਰ 'ਚ ਇੰਤਜ਼ਾਰ ਕਾਫੀ ਲੰਬੇ ਸਮੇ ਤੋਂ ਕੀਤਾ ਜਾ ਰਿਹਾ ਸੀ। ਇਸ ਕਾਰ ਨਾਲ ਜੁੜੀਆਂ ਕੁੱਝ ਜਰੂਰੀ ਗੱਲਾਂ ਦੱਸਦੇ ਹਾਂ।
ਮਾਰੂਤੀ ਸੁਜ਼ੂਕੀ ਇਗਨਿਸ ਨੂੰ ਮਾਰੂਤੀ ਸੁਜ਼ੂਕੀ ਵੈਗਨਆਰ ਦਾ ਅਗਲਾ ਮਾਡਲ ਦੱਸਿਆ ਜਾ ਰਿਹਾ ਹੈ। ਕਾਰ ਦੀ ਗਰਾਉਂਡ ਕਲਿਅਰੇਂਸ ਵੀ ਹਾਈ ਹੈ । ਮਾਰੂਤੀ ਸੁਜ਼ੂਕੀ ਇਗਨਿਸ ਨੂੰ ਨਿਯੂ- ਜੈਨਰੇਸ਼ਨ ਪਲੇਟਫਾਰਮ 'ਤੇ ਤਿਆਰ ਕੀਤਾ ਗਿਆ ਹੈ ਜੋ ਹੱਲਕਾ ਹੋਣ ਦੇ ਨਾਲ-ਨਾਲ ਮਜਬੂਤ ਵੀ ਹੈ। ਕਾਰ ਨੇ ਕਰੈਸ਼ ਟੈਸਟ 'ਚ ਵੀ ਬਿਹਤਰੀਨ ਪਰਫਾਰਮ ਕੀਤਾ ਹੈ। ਇਗਨਿਸ 'ਚ ਐੱਲ. ਈ. ਡੀ ਪ੍ਰੋਜੈਕਟਰ ਹੈੱਡਲੈਂਪ, ਹਾਈ ਸ਼ੋਲਡਰ ਲੀਕ, ਵ੍ਹੀਲ ਕਲੈਡਿੰਗ, 15- ਇੰਚ ਗਲਾਸ ਬਲੈਕ ਅਲੌਏ ਵ੍ਹੀਲ ਅਤੇ ਡਿਊਲ ਟੋਨ ਰੂਫ ਜਿਹੇ ਫੀਚਰਸ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ ਕਾਰ 'ਚ ਬੰਪਰ 'ਤੇ ਬਲੈਕ ਇੰਸਰਟ, ਟੇਲਗੇਟ ਮਾਉਂਟੇਡ ਸਪਵਾਇਲਰ ਅਤੇ ਰਿਅਰ ਵਿੰਡਸਕ੍ਰੀਨ ਵਾਇਪਰ ਲਗਾਇਆ ਗਿਆ ਹੈ।
ਕਾਰ 'ਚ ਇਕ ਵੱਡੀ ਸਕ੍ਰੀਨ ਵਾਲਾ ਇੰਫੋਟੇਨਮੇਂਟ ਸਿਸਟਮ ਅਤੇ ਇੱਕ ਆਕਰਸ਼ਕ ਸਪੀਡੋਮੀਟਰ ਲਗਾ ਹੈ। ਕਾਰ 'ਚ ਏ. ਸੀ ਕੰਟਰੋਲ, ਐਪਲ ਕਾਰਪਲੇ ਅਤੇ ਐਂਡ੍ਰਾਇਡ ਆਟੋ ਸਪੋਰਟ ਜਿਹੇ ਫੀਚਰਸ ਵੀ ਦਿੱਤੇ ਗਏ ਹਨ। ਕਾਰ 'ਚ ਸੀਟ ਬੈਲਟ ਪ੍ਰੀਟੇਂਸ਼ਨਰਸ, ਏ. ਬੀ. ਐੱਸ ਅਤੇ ਡਿਊਲ ਏਅਰਬੈਗ ਜਿਵੇਂ ਸੈਫਟੀ ਫੀਚਰਸ ਨੂੰ ਸਟੈਂਡਰਡ ਫੀਚਰ 'ਚ ਸ਼ਾਮਿਲ ਕੀਤਾ ਜਾਵੇਗਾ।।
ਮਾਰੂਤੀ ਸੁਜ਼ੂਕੀ ਇਗਨਿਸ ਪੈਟਰੋਲ ਅਤੇ ਡੀਜ਼ਲ ਇੰਜਣ ਆਪਸ਼ਨ ਦੇ ਨਾਲ ਆਵੇਗੀ। ਕਾਰ 'ਚ 1.2-ਲਿਟਰ ਦੇ-ਸੀਰੀਜ ਪੈਟਰੋਲ ਇੰਜਣ ਅਤੇ 1.3-ਲਿਟਰ ਐੱਮ. ਜੇ. ਡੀ ਡੀਜ਼ਲ ਇੰਜਣ ਲਗਾ ਹੋਵੇਗਾ। ਇਨ੍ਹਾਂ ਦੋਨਾਂ ਇੰਜਣ ਦੇ ਨਾਲ ਆਟੋ ਗਿਅਰ ਸ਼ਿਫਟ ਆਪਸ਼ਨ ਦੇ ਤੌਰ 'ਤੇ ਦਿੱਤਾ ਜਾਵੇਗਾ। ਅਨੁਮਾਨ ਦੇ ਮੁਤਾਬਕ ਕਾਰ ਦੀ ਕੀਮਤ 5 ਲੱਖ ਰੁਪਏ ਤੋਂ ਲੈ ਕੇ 7 ਲੱਖ ਰੁਪਏ ਦੇ ਵਿਚਕਾਰ ਰੱਖੀ ਜਾ ਸਕਦੀ ਹੈ।
5000mAh ਦੀ ਦਮਦਾਰ ਬੈਟਰੀ ਤੇ 13MP ਫਰੰਟ ਕੈਮਰੇ ਨਾਲ ਲਾਂਚ ਹੋਇਆ Zenfone 3 zoom
NEXT STORY 
