ਗੈਜੇਟ ਡੈਸਕ - ਏਅਰਟੈੱਲ ਨੇ ਹਾਲ ਹੀ ’ਚ ਕੁਇੱਕ ਕਾਮਰਸ ਬਲਿੰਕਿਟ ਨਾਲ ਹੱਥ ਮਿਲਾ ਕੇ ਬਲਿੰਕਿਟ ਰਾਹੀਂ 10 ਮਿੰਟਾਂ ਦੇ ਅੰਦਰ ਘਰ ਬੈਠੇ ਸਿਮ ਕਾਰਡ ਡਿਲੀਵਰ ਕਰਵਾਉਣ ਦਾ ਕੰਮ ਸ਼ੁਰੂ ਕੀਤਾ ਹੈ ਪਰ ਦੱਸ ਦਈਏ ਕਿ ਇਸ ਫੀਲਡ ’ਚ ਏਅਰਟੈੱਲ ਇਕੱਲਾ ਨਹੀਂ ਹੈ। ਹੁਣ BSNL ਦਾ 5G ਸਿਮ ਕਾਰਡ ਵੀ ਆਨਲਾਈਨ ਬੁਕਿੰਗ ਲਈ ਮੁਹੱਈਆ ਹੈ। ਜੀ ਹਾਂ ਬਿਲਕੁਲ। ਤੁਸੀਂ ਸਹੀ ਸੁਣਿਆ। BSNL ਨੇ ਵੀ ਆਪਣੀ ਇਹ ਸੇਵਾ ਸ਼ੁਰੂ ਕਰਵਾ ਦਿੱਤੀ ਹੈ ਜਿੱਥੇ ਤੁਸੀਂ ਘਰ ਬੈਠੇ ਕੁਝ ਮਿੰਟਾਂ ’ਚ 5ਜੀ ਸਿਮ ਆ ਘਰ ਮੰਗਵਾ ਸਕਦੇ ਹੋ।
ਦੱਸ ਦਈਏ ਕਿ ਜਦੋਂ ਤੁਸੀਂ BSNL ਦੀ ਸਿਮ ਆਰਡਰ ਕਰੋਗੇ ਤਾਂ ਤੁਹਾਨੂੰ 90 ਮਿੰਟਾਂ ਦੇ ਅੰਦਰ ਹੀ ਸਿਮ ਕਾਰਡ ਮੁਹੱਈਆ ਹੋਵੇਗਾ, ਇਸ ਦੇ ਨਾਲ ਹੀ ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਦੇਸ਼ ਭਰ ’ਚ ਆਪਣੇ 4G ਨੈੱਟਵਰਕ ਦਾ ਤੇਜ਼ੀ ਨਾਲ ਵਿਸਥਾਰ ਕਰ ਰਿਹਾ ਹੈ। ਇਸ ਦੌਰਾਨ ਕੇਂਦਰੀ ਮੰਤਰੀ ਜਯੋਤੀਰਾਦਿੱਤਿਆ ਸਿੰਧੀਆ ਨੇ ਕਿਹਾ ਕਿ ਮਾਰਚ 2025 ਤੱਕ 1 ਲੱਖ 4G ਟਾਵਰ ਲਗਾਏ ਜਾਣਗੇ, ਜਿਨ੍ਹਾਂ ’ਚੋਂ 80,000 ਟਾਵਰ ਇਸ ਸਾਲ ਅਕਤੂਬਰ ਤੱਕ ਲਗਾਏ ਜਾਣਗੇ। ਸਰਕਾਰ ਮੌਜੂਦਾ 4G ਬੁਨਿਆਦੀ ਢਾਂਚੇ ਦੀ ਵਰਤੋਂ ਕਰਕੇ 5G ਸੇਵਾਵਾਂ ਨੂੰ ਸਮਰੱਥ ਬਣਾਉਣ 'ਤੇ ਵੀ ਕੰਮ ਕਰ ਰਹੀ ਹੈ। ਇਸ ਦਾ ਮਤਲਬ ਹੈ ਕਿ BSNL ਯੂਜ਼ਰ ਜਲਦੀ ਹੀ ਇਕ ਛੋਟੇ ਜਿਹੇ ਅਪਗ੍ਰੇਡ ਨਾਲ ਤੇਜ਼ ਇੰਟਰਨੈਟ ਸਪੀਡ ਦਾ ਆਨੰਦ ਮਾਣ ਸਕਣਗੇ।
ਹਾਲਾਂਕਿ ਵਧਦੀ ਮੰਗ ਕਾਰਨ BSNL ਦੇ ਦਫਤਰਾਂ ’ਚ ਕਾਫੀ ਭੀੜ ਹੋ ਗਈ ਹੈ ਤੇ ਬਹੁਤ ਸਾਰੇ ਗਾਹਕ ਨਿੱਜੀ ਤੌਰ 'ਤੇ ਸਿਮ ਕਾਰਡ ਪ੍ਰਾਪਤ ਨਹੀਂ ਕਰ ਪਾ ਰਹੇ ਹਨ। ਇਸ ਲਈ ਉਨ੍ਹਾਂ ਨੇ ਇਸ ਸਮੱਸਿਆ ਨੂੰ ਹੱਲ ਕਰਨ ਲਈ BSNL ਨੇ ਇਕ ਆਨਲਾਈਨ ਸਿਮ ਆਰਡਰਿੰਗ ਸਿਸਟਮ ਪੇਸ਼ ਕੀਤਾ ਹੈ, ਜੋ ਤੇਜ਼ ਡਿਲੀਵਰੀ ਅਤੇ ਆਸਾਨ KYC ਦੀ ਪੇਸ਼ਕਸ਼ ਕਰਦਾ ਹੈ।
ਸਿਮ ਆਰਡਰ ਕਰਨ ਦਾ ਕੀ ਹੈ ਤਰੀਕਾ
ਪਹਿਲਾਂ ਤੁਸੀਂ https://Prune.co.in/ ਵੈੱਬਸਾਈਟ 'ਤੇ ਜਾਓ ਤੇ ਫਿਰ "ਸਿਮ ਕਾਰਡ ਖਰੀਦੋ" 'ਤੇ ਕਲਿੱਕ ਕਰੋ ਅਤੇ ਆਪਣਾ ਦੇਸ਼ (ਭਾਰਤ) ਚੁਣੋ। ਇਸ ਤੋਂ ਬਾਅਦ BSNL ਨੂੰ ਆਪਣੇ ਆਪਰੇਟਰ ਵਜੋਂ ਚੁਣੋ ਅਤੇ ਆਪਣੀ ਪਸੰਦੀਦਾ FRC (ਪਹਿਲਾ ਰੀਚਾਰਜ ਕੂਪਨ) ਯੋਜਨਾ ਚੁਣੋ ਤੇ ਫਿਰ ਇਸ ਤੋਂ ਬਾਅਦ ਵੇਰਵੇ ਦਰਜ ਕਰੋ ਤੇ OTP ਦੀ ਵਰਤੋਂ ਕਰਕੇ ਤਸਦੀਕ ਕਰੋ। ਫਿਰ ਆਪਣਾ ਪਤਾ ਲਿਖੋ ਅਤੇ ਸਕ੍ਰੀਨ 'ਤੇ ਦਿੱਤੇ ਗਏ ਨਿਰਦੇਸ਼ਾਂ ਦੀ ਪਾਲਣਾ ਕਰੋ ਤੇ ਇਸ ਤੋਂ ਬਾਅਦ ਤੁਹਾਡਾ ਸਿਮ 90 ਮਿੰਟਾਂ ’ਚ ਤੁਹਾਡੇ ਘਰ ਪਹੁੰਚ ਜਾਵੇਗਾ।
ਲਾਂਚ ਹੋਣ ਜਾ ਰਿਹਾ Oppo ਦਾ ਇਹ ਸ਼ਾਨਦਾਰ Smartphone! ਕੀਮਤ ਜਾਣ ਹੋ ਜਾਓਗੇ ਹੈਰਾਨ
NEXT STORY 
