ਗੈਜੇਟ ਡੈਸਕ- ਤਮਾਮ ਲੀਕਸ ਤੋਂ ਬਾਅਦ ਆਖਿਰਕਾਰ OnePlus 11 5G ਨੂੰ ਅਧਿਕਾਰਤ ਤੌਰ 'ਤੇ ਚੀਨ 'ਚ ਲਾਂਚ ਕਰ ਦਿੱਤਾ ਗਿਆ ਹੈ। OnePlus 11 5G ਨੰ ਕੁਆਲਕਾਮ ਸਨੈਪਡ੍ਰੈਗਨ 8 Gen 2 ਪ੍ਰੋਸੈਸਰ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ ਜੋ ਕਿ ਇਸ ਸਮੇਂ ਬਾਜ਼ਾਰ 'ਚ ਐਂਡਰਾਇਡ ਲਈ ਸਭ ਤੋਂ ਪਾਵਰਫੁਲ ਪ੍ਰੋਸੈਸਰ ਹੈ। OnePlus 11 ਦੀ ਭਾਰਤ 'ਚ ਲਾਂਚਿੰਗ 7 ਜਨਵਰੀ ਨੂੰ ਹੋਣ ਵਾਲੀ ਹੈ। OnePlus 11 5G ਤੋਂ ਇਲਾਵਾ ਵਨਪਲੱਸ ਨੇ OnePlus Buds Pro 2 ਨੂੰ ਵੀ ਲਾਂਚ ਕੀਤਾ ਹੈ।
OnePlus 11 5G ਦੀ ਕੀਮਤ
OnePlus 11 5G ਦੀ ਸ਼ੁਰੂਆਤੀ ਕੀਮਤ ਯਾਨੀ 12 ਜੀ.ਬੀ. ਰੈਮ+256 ਜੀ.ਬੀ. ਸਟੋਰੇਜ ਵਾਲੇ ਮਾਡਲ ਦੀ ਕੀਮਤ 3,99 ਯੁਆਨ (ਕਰੀਬ 48,098 ਰੁਪਏ) ਹੈ। ਉਥੇ ਹੀ Buds Pro 2 ਦੀ ਕੀਮਤ 899 ਯੁਆਨ (ਕਰੀਬ 10,812 ਰੁਪਏ) ਹੈ।
OnePlus 11 5G ਦੇ ਫੀਚਰਜ਼
OnePlus 11 5G ਦੇ ਨਾਲ ਸਟੇਨਲੈੱਸ ਸਟੀਲ ਕੈਮਰਾ ਮਾਡਿਊਲ ਦਿੱਤਾ ਗਿਆ ਹੈ। ਪਹਿਲੀ ਵਾਰ ਵਨਪਲੱਸ ਦੇ ਕਿਸੇ ਫੋਨ 'ਚ ਇਸ ਤਰ੍ਹਾਂ ਦਾ ਕੈਮਰਾ ਸੈੱਟਅਪ ਹੈ, ਹਾਲਾਂਕਿ ਇਸਦਾ ਡਿਜ਼ਾਈਨ ਕਾਫੀ ਹੱਦ ਤਕ Vivo X80 Pro ਨਾਲ ਮਿਲਦਾ ਹੈ। OnePlus 11 5G 'ਚ 6.7 ਇੰਚ ਦੀ 2ਕੇ ਰੈਜ਼ੋਲਿਊਸ਼ਨ ਵਾਲੀ ਡਿਸਪਲੇਅ ਹੈ। ਡਿਸਪਲੇਅ ਦਾ ਪੈਨਲ ਐਮੋਲੇਡ LTPO 3.0 ਹੈ। ਫੋਨ 'ਚ ਸਨੈਪਡ੍ਰੈਗਨ 8 Gen 2 ਪ੍ਰੋਸੈਸਰ ਹੈ। ਫੋਨ 'ਚ 16 ਜੀ.ਬੀ. ਤਕ ਰੈਮ ਅਤੇ 256 ਜੀ.ਬੀ. ਤਕ ਦੀ ਸਟੋਰੇਜ ਹੈ।
ਫੋਟੋਗ੍ਰਾਫੀ ਲਈ ਫੋਨ 'ਚ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਹੈ ਜਿਸ ਵਿਚ ਪ੍ਰਾਈਮਰੀ ਲੈੱਨਜ਼ 50 ਮੈਗਾਪਿਕਸਲ ਦਾ Sony IMX890 ਸੈਂਸਰ ਹੈ। ਦੂਜਾ ਲੈੱਨਜ਼ 32 ਮੈਗਾਪਿਕਸਲ ਦਾ Sony IMX709 ਟੈਲੀਫੋਟੋ ਪੋਟਰੇਟ ਲੈੱਨਜ਼ ਅਤੇ ਤੀਜਾ ਲੈੱਨਜ਼ 48 ਮੈਗਾਪਿਕਸਲ ਦਾ Sony IMX581 ਅਲਟਰਾ ਵਾਈਡ ਐਂਗਲ ਹੈ। ਫੋਨ ਦੇ ਨਾਲ Hasselblad ਦੀ ਬ੍ਰਾਂਡਿੰਗ ਵੀ ਹੈ। ਫੋਨ 'ਚ ਐਂਡਰਾਇਡ 13 ਦੇ ਨਾਲ ColorOS 13 ਮਿਲੇਗਾ।
OnePlus 11 5G ਦੇ ਨਾਲ ਵਾਇਰਲੈੱਸ ਚਾਰਜਿੰਗ ਦਾ ਸਪੋਰਟ ਨਹੀਂ ਹੈ। ਵਾਟਰ ਰੈਸਿਸਟੈਂਟ ਲਈ ਇਸਨੂੰ IP68 ਦੀ ਰੇਟਿੰਗ ਮਿਲੀ ਹੈ। ਫੋਨ 'ਚ 5000mAh ਦੀ ਬੈਟਰੀ ਹੈ ਜਿਸਦੇ ਨਾਲ 100 ਵਾਟ ਵਾਇਰ ਚਾਰਜਿੰਗ ਦਾ ਸਪੋਰਟ ਹੈ।
TVS ਜਲਦ ਲਾਂਚ ਕਰ ਸਕਦੀ ਹੈ ਨਵੀਂ ਕਰੂਜ਼ਰ ਬਾਈਕ Zeppelin R, ਜਾਣੋ ਪੂਰੀ ਡਿਟੇਲ
NEXT STORY 
