ਗੈਜੇਟ ਡੈਸਕ– ਵਨਪਲੱਸ ਦਾ ਨਵਾਂ ਫੋਨ OnePlus Nord 2T 5G ਭਾਰਤ ’ਚ ਲਾਂਚਿੰਗ ਲਈ ਤਿਆਰ ਹੈ। ਇਸ ਮਹੀਨੇ ਦੇ ਅਖੀਰ ਤਕ OnePlus Nord 2T 5G ਨੂੰ ਭਾਰਤ ’ਚ ਲਾਂਚ ਕੀਤਾ ਜਾਵੇਗਾ। ਲਾਂਚਿੰਗ ਤੋਂ ਪਹਿਲਾਂ ਹੀ OnePlus Nord 2T 5G ਦੇ ਫੀਚਰਜ਼ ਅਤੇ ਸੰਭਾਵਿਤ ਕੀਮਤ ਲੀਕ ਹੋ ਗਈ ਹੈ। ਇਕ ਟਿਪਸਟਰ ਨੇ ਫੋਨ ਦੇ ਫੀਚਰਜ਼ ਬਾਰੇ ਜਾਣਕਾਰੀ ਦਿੱਤੀ ਹੈ। ਦੱਸ ਦੇਈਏ ਕਿ OnePlus Nord 2T 5G ਭਾਰਤ ਤੋਂ ਪਹਿਲਾਂ ਕਈ ਹੋਰ ਬਾਜ਼ਾਰਾਂ ’ਚ ਲਾਂਚ ਹੋ ਚੁੱਕਾ ਹੈ।
OnePlus Nord 2T 5G ਦੀ ਕੀਮਤ
ਟਿਪਸਟਰ ਪਾਰਸ ਗੁਗਲਾਨੀ ਮੁਤਾਬਕ, OnePlus Nord 2T 5G ਦੀ ਭਾਰਤ ’ਚ ਕੀਮਤ 30,000 ਰੁਪਏ ਤੋਂ ਘੱਟ ਹੋਵੇਗੀ ਅਤੇ ਇਸ ਦੀ ਵਿਕਰੀ ਐਮਾਜ਼ੋਨ ਇੰਡੀਆ ’ਤੇ ਹੋਵੇਗੀ ਅਤੇ ਉਂਝ ਵੀ ਵਨਪਲੱਸ ਦੇ ਫੋਨ ਦੀ ਵਿਕਰੀ ਐਮਾਜ਼ੋਨ ’ਤੇ ਹੀ ਹੁੰਦੀ ਹੈ। ਦੱਸ ਦੇਈਏ ਕਿ OnePlus Nord 2T 5G ਨੂੰ ਗਲੋਬਲ ਬਾਜ਼ਾਰ ’ਚ 399 ਯੂਰੋ (ਕਰੀਬ 33,400 ਰੁਪਏ ਦੀ ਸ਼ੁਰੂਆਤੀ ਕੀਮਤ ’ਚ ਲਾਂਚ ਕੀਤਾ ਗਿਆ ਹੈ।
OnePlus Nord 2T 5G ਦੇ ਫੀਚਰਜ਼
ਫੋਨ ’ਚ ਐਂਡਰਾਇਡ 12 ਆਧਾਰਿਤ OxygenOS 12.1 ਹੈ। ਇਸਤੋਂ ਇਲਾਵਾ 6.43 ਇੰਚ ਦੀ ਫੁਲ ਐੱਚ.ਡੀ. ਪਲੱਸ ਡਿਸਪਲੇਅ ਹੈ। ਡਿਸਪਲੇਅ ਦਾ ਰਿਫ੍ਰੈਸ਼ ਰੇਟ 90Hz ਹੈ ਅਤੇ ਇਸਦੇ ਨਾਲ HDR10+ ਦਾ ਸਪੋਰਟ ਹੈ। ਡਿਸਪਲੇਅ ’ਤੇ ਗੋਰਿਲਾ ਗਲਾਸ 5 ਹੈ। ਫੋਨ ’ਚ ਮੀਡੀਆਟੈੱਕ ਡਾਈਮੈਂਸਿਟੀ 1300 ਪ੍ਰੋਸੈਸਰ ਦੇ ਨਾਲ 12 ਜੀ.ਬੀ. ਤਕ ਰੈਮ+256 ਜੀ.ਬੀ. ਦੀ ਸਟੋਰੇਜ ਹੈ।
ਫੋਨ ’ਚ ਤਿੰਨ ਰੀਅਰ ਕੈਮਰੇ ਹਨ ਜਿਨ੍ਹਾਂ ’ਚ ਪ੍ਰਾਈਮਰੀ ਲੈੱਨਜ਼ 50 ਮੈਗਾਪਿਕਸਲ ਦਾ Sony IMX766 ਸੈਂਸਰ ਹੈ ਜਿਸਦੇ ਨਾਲ ਆਪਟਿਕਲ ਇਮੇਜ ਸਟੇਬਿਲਾਈਜੇਸ਼ਨ ਹੈ। ਦੂਜਾ ਲੈੱਨਜ਼ 8 ਮੈਗਾਪਿਕਸਲ ਦਾ Sony IMX355 ਅਲਟਰਾ ਵਾਈਡ ਸੈਂਸਰ ਹੈ। ਤੀਜਾ ਲੈੱਨਜ਼ 2 ਮੈਗਾਪਿਕਸਲ ਦਾ ਮੋਨੋਕ੍ਰੋਮ ਹੈ। ਸੈਲਫੀ ਲਈ 32 ਮੈਗਾਪਿਕਸਲ ਦਾ Sony IMX615 ਸੈਂਸਰ ਹੈ। ਫੋਨ ’ਚ 4500mAh ਦੀ ਬੈਟਰੀ ਹੈ ਜਿਸਦੇ ਨਾਲ 80W ਸੁਪਰਵੂਕ ਫਾਸਟ ਚਾਰਜਿੰਗ ਦਾ ਸਪੋਰਟ ਹੈ। ਕੁਨੈਕਟੀਵਿਟੀ ਲਈ ਫੋਨ ’ਚ ਵਾਈ-ਫਾਈ 6, ਬਲੂਟੁੱਥ v5.2 ਅਤੇ NFC ਦੇ ਨਾਲ ਇਨ-ਡਿਸਪਲੇਅ ਫਿੰਗਰਪ੍ਰਿੰਟ ਸੈਂਸਰ ਹੈ।
WhatsApp ’ਤੇ ਮਿਲ ਰਿਹੈ 105 ਰੁਪਏ ਦਾ ਕੈਸ਼ਬੈਕ, ਇਹ ਹੈ ਲੈਣ ਦਾ ਤਰੀਕਾ
NEXT STORY 
