ਆਟੋ ਡੈਸਕ– ਫਰਾਂਸ ਦੀ ਕਾਰ ਕੰਪਨੀ ਰੈਨੋ ਨੇ ਆਟੋ ਐਕਸਪੋ 2020 ’ਚ ਆਪਣੀ ਟ੍ਰਾਈਬਰ ਦਾ ਆਟੋਮੈਟਿਕ ਮੈਨੁਅਲ ਟ੍ਰਾਂਸਮਿਸ਼ਨ ਮਾਡਲ ਪੇਸ਼ ਕੀਤਾ ਹੈ। ਏ.ਐੱਮ.ਟੀ. ’ਚ ਡਰਾਈਵਰ ਨੂੰ ਵਾਰ-ਵਾਰ ਗਿਅਰ ਨਹੀਂ ਬਦਲਣਾ ਪਵੇਗਾ ਸਗੋਂ ਇਹ ਆਪਣੇ ਆਪ ਬਦਲਦੇ ਰਹਿਣਗੇ। ਟ੍ਰਾਈਬਰ ਕੰਪਨੀ ਦੀ ਮਲਟੀਪਰਪਜ਼ ਕਾਰ ਹੈ।
- ਕੰਪਨੀ ਨੇ ਭਾਰਤੀ ਟ੍ਰਾਂਸਪੋਰਟ ਦੇ ਪ੍ਰਬੰਧ ਨਿਰਦੇਸ਼ਕ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਵੈਂਕਟਰਾਮ ਮਾਮੀਲਾਪੱਲੇ ਨੇ ਕਿਹਾ ਕਿ ਕੰਪਨੀ ਦੇਸ਼ ’ਚ ਤੇਜ਼ੀ ਨਾਲ ਵਧ ਰਹੇ ਇਲੈਕਟ੍ਰਿਕ ਵਾਹਨ ਬਾਜ਼ਾਰ ’ਚ ਐਂਟਰੀ ਕਰਨ ਦੀ ਦਿਸ਼ਾ ’ਚ ਕੰਮ ਕਰ ਰਹੀ ਹੈ। ਅਸੀਂ ਅਗਲੇ ਦੋ ਸਾਲ ’ਚ ਪਹਿਲੀ ਇਲੈਕਟ੍ਰਿਕ ਕਾਰ ਪੇਸ਼ ਕਰ ਸਕਦੇ ਹਾਂ।
- ਉਨ੍ਹਾਂ ਕਿਹਾ ਕਿ ਕੰਪਨੀ ਨੇ ਅੱਧੇ ਸਮੇਂ ’ਚ ਆਪਣੀ ਘਰੇਲੂ ਵਿਕਰੀ ਨੂੰ ਦੁਗਣਾ ਕਰਨ ਦਾ ਟੀਚਾ ਰੱਖਿਆ ਹੈ। ਸਾਲ 2019 ’ਚ ਰੈਨੋ ਇੰਡੀਆ ਦੀ ਵਿਕਰੀ 7.9 ਫੀਸਦੀ ਵਧ ਕੇ 88.869 ਕਾਰਾਂ ਦੀ ਰਹੀ ਹੈ।
ਘਰੇਲੂ ਬਾਜ਼ਾਰ ’ਚ ਸੁਸਤੀ ਦੇ ਬਾਵਜੂਦ ਕੰਪਨੀ ਨੇ ਵਿਕਰੀ ’ਚ ਵਾਧਾ ਕਰਨ ਲਈ 13,500 ਕਾਰਾਂ ਦਾ ਨਿਰਯਾਤ ਵੀ ਕੀਤਾ। ਕੰਪਨੀ ਦੀ ਟ੍ਰਾਈਬਰ ਦੀ ਗਿਣਤੀ ਉਸ ਦੀਆਂ ਵਿਕਣ ਵਾਲੀਆਂ ਕਾਰਾਂ ’ਚ ਸਭ ਤੋਂ ਜ਼ਿਆਦਾ ਰਹੀ। ਪਿਛਲੇ ਸਾਲ ਅਗਸਤ ’ਚ ਇਸ ਨੂੰ ਬਾਜ਼ਾਰ ’ਚ ਉਤਾਰਣ ਤੋਂ ਬਾਅਦ 28 ਹਜ਼ਾਰ ਤੋਂ ਜ਼ਿਆਦਾ ਟ੍ਰਾਈਬਰ ਕਾਰਾਂ ਕੰਪਨੀ ਨੇ ਵੇਚੀਆਂ ਹਨ।
ਸਮਾਰਟ ਟੀਵੀ ਤੋਂ ਬਾਅਦ ਸਮਾਰਟਵਾਚ ਲਿਆ ਰਹੀ ਨੋਕੀਆ
NEXT STORY 
