ਗੈਜੇਟ ਡੈਸਕ– ਭਾਰਤ ਦੇ ਆਨਲਾਈਨ ਬਾਜ਼ਾਰ ’ਚ ਆਪਣੀ ਸਥਿਤੀ ਹੋਰ ਮਜਬੂਤ ਕਰਨ ਲਈ ਸੈਮਸੰਗ ਧਮਾਕੇਦਾਰ ਪੇਸ਼ਕਸ਼ ਲਿਆਈ ਹੈ। ਇਸ ਵਿਚ ਸੈਮਸੰਗ ਰੈਫਰਲ ਪ੍ਰੋਗਰਾਮ, ਸੈਮਸੰਗ ਸਟੂਡੈਂਟ ਪ੍ਰੋਗਰਾਮ ਅਤੇ ਸੈਮਸੰਗ ਸ਼ਾਪ ’ਤੇ 20,000 ਰੁਪਏ ਤਕ ਦੇ ਫਾਇਦੇ ਗਾਹਕਾਂ ਨੂੰ ਮਿਲਣਗੇ। ਕੰਪਨੀ ਇਨ੍ਹਾਂ ਆਫਰਸ ਰਾਹੀਂ ਜ਼ਿਆਦਾ ਤੋਂ ਜ਼ਿਆਦਾ ਗਾਹਕਾਂ ਨੂੰ ਆਪਣੇ ਆਨਲਾਈਨ ਸਟੋਰ ਤੋਂ ਖਰੀਦਾਰੀ ਕਰਨ ਲਈ ਲੁਭਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਕੰਪਨੀ ਆਪਣਾ 10 ਫੀਸਦੀ ਵਪਾਰ ਆਨਲਾਈਨ ਕਰਨਾ ਚਾਹੁੰਦੀ ਹੈ।
ਸੈਮਸੰਗ ਰੈਫਰਲ ਪ੍ਰੋਗਰਾਮ - 8 ਫੀਸਦੀ ਤਕ ਫਾਇਦਾ
ਇਹ ਪ੍ਰੋਗਰਾਮ ਉਨ੍ਹਾਂ ਗਾਹਕਾਂ ਲਈ ਹੈ ਜੋ ਪਹਿਲਾਂ ਤੋਂ ਹੀ ਸੈਮਸੰਗ ਡਿਵਾਈਸ ਦੀ ਵਰਤੋਂ ਕਰ ਰਹੇ ਹਨ। ਇਸ ਆਫਰ ਤਹਿਤ ਸੈਮਸੰਗ ਡਿਵਾਈਸ ਯੂਜ਼ਰਸ ਨੂੰ ਕਿਸੇ ਹੋਰ ਗਾਹਕਾਂ ਨੂੰ ਪ੍ਰੋਡਕਟਸ ਰੈਫਰ ਕਰਨੇ ਹੋਣਗੇ। ਇਸ ਨਾਲ ਉਨ੍ਹਾਂ ਨੂੰ ਸੈਮਸੰਗ ਦੇ ਆਨਲਾਈਨ ਸਟੋਰ ਤੋਂ ਖਰੀਦਾਰੀ ਕਰਨ ’ਤੇ 8 ਫੀਸਦੀ ਤਕ ਛੋਟ ਮਿਲੇਗੀ। ਇਹ ਆਫਰ ਸਮਾਰਟਫੋਨ, ਟੈਬਲੇਟ ਅਤੇ ਵਿਅਰੇਬਲਸ ਵਰਗੇ 15 ਪ੍ਰੋਡਕਟਸ ’ਤੇ ਯੋਗ ਹੈ।
ਸੈਮਸੰਗ ਸ਼ਾਪ ’ਤੇ 20,000 ਰੁਪਏ ਦਾ ਫਾਇਦਾ
ਸੈਮਸੰਗ ਆਪਣੇ ਐਪ ’ਤੇ 20,000 ਰੁਪਏ ਤਕ ਦੇ ਫਾਇਦੇ ਦੇ ਰਹੀ ਹੈ। ਇਹ ਆਫਰ ਅਗਸਤ ਮਹੀਨੇ ਤੋਂ ਸ਼ੁਰੂ ਹੋਵੇਗੀ। ਇਸ ਆਫਰ ਤਹਿਤ ਯੂਜ਼ਰ 10 ਸ਼ਾਪਿੰਗ ਵਾਊਚਰ ਅਨਲਾਕ ਕਰ ਸਕਣਗੇ। ਇਨ੍ਹਾਂ 10 ਵਾਊਚਰ ’ਚ ਯੂਜ਼ਰਸ ਨੂੰ 20,000 ਰੁਪਏ ਦੀ ਸ਼ਾਪਿੰਗ ਵੈਲਿਊ ਮਿਲੇਗੀ। ਇਸ ਲਈ ਤੁਹਾਨੂੰ ਸੈਮਸੰਗ ਸ਼ਾਪ ਐਪ ’ਤੇ ਆਪਣੇ ਕਾਨਟੈਕਟ ਡੀਟੇਲ ਨਾਲ ਰਜਿਸਟਰ ਕਰਨਾ ਹੋਵੇਗਾ। ਇਸ ਆਫਰ ਤਹਿਤ ਮਿਲਣ ਵਾਲੇ ਵਾਊਚਰ ਹਰ ਕੈਟਾਗਿਰੀ ਲਈ ਵੱਖ-ਵੱਖ ਹਨ। ਇਸ ਵਿਚ ਸਮਾਰਟਫੋਨ, ਟੀਵੀ, ਵਾਸ਼ਿੰਗ ਮਸ਼ੀਨ, ਫਰਿੱਜ, ਮਾਈਕ੍ਰੋਵੇਵ, ਟੈਬਲੇਟ, ਸਮਾਰਟ ਵਾਚ, ਵਾਇਰਲੈੱਸ ਆਡੀਓ ਵਰਗੇ ਪ੍ਰੋਡਕਟ ਸ਼ਾਮਲ ਹਨ। ਇਹ ਵਾਊਚਰ 365 ਦਿਨਾਂ ਲਈ ਯੋਗ ਹਨ।
Bugatti ਨੇ ਬੱਚਿਆਂ ਲਈ ਬਣਾਈ ਖ਼ਾਸ ਇਲੈਕਟ੍ਰਿਕ ਕਾਰ, ਕੀਮਤ ਕਰ ਦੇਵੇਗੀ ਹੈਰਾਨ
NEXT STORY 
