ਗੈਜੇਟ ਡੈਸਕ : ਐਪਲ ਨੇ ਨਵੀਂ ਸਮਾਰਟਵਾਚ ਐਪਲ ਵਾਚ ਸੀਰੀਜ਼ 8 ਲਾਂਚ ਕਰ ਦਿੱਤੀ ਹੈ। ਐਪਲ ਵਾਚ 8 ਸੀਰੀਜ਼ ਆਖਿਰਕਾਰ ਟੈਂਪਰੇਚਰ ਸੈਂਸਰ ਦੇ ਨਾਲ ਲਾਂਚ ਹੋ ਗਈ ਹੈ। ਐਪਲ ਵਾਚ 8 ਸੀਰੀਜ਼ ਦੇ ਨਾਲ Apple watch SE ਨੂੰ ਵੀ ਲਾਂਚ ਕੀਤਾ ਗਿਆ ਹੈ। ਐਪਲ ਨੇ ਇਸ ਸਾਲ ਐਪਲ ਵਾਚ ਅਲਟਰਾ ਨੂੰ ਇਕ ਨਵੇਂ ਉਤਪਾਦ ਵਜੋਂ ਲਾਂਚ ਕੀਤਾ ਹੈ, ਜਿਸ ਨੂੰ ਕੰਪਨੀ ਨੇ ਹੁਣ ਤੱਕ ਦੀ ਸਭ ਤੋਂ ਸ਼ਾਨਦਾਰ ਅਤੇ ਸ਼ਕਤੀਸ਼ਾਲੀ ਸਮਾਰਟਵਾਚ ਕਿਹਾ ਹੈ। ਐਪਲ ਵਾਚ 8 ਸੀਰੀਜ਼ 'ਚ 2 ਤਾਪਮਾਨ ਸੈਂਸਰ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ ਨਵੀਂ ਘੜੀ ਕਰੈਕ ਪਰੂਫ, ਵਾਟਰਪਰੂਫ ਅਤੇ ਡਸਟਪਰੂਫ ਹੈ। ਨਵੀਂ ਘੜੀ ਵਿੱਚ ਪੀਰੀਅਡ ਸਾਈਕਲ ਟ੍ਰੈਕਰ ਵੀ ਹੈ। ਇਸ ਲਈ ਨੋਟੀਫਿਕੇਸ਼ਨ ਵੀ ਦਿੱਤਾ ਜਾਵੇਗਾ। ਪੀਰੀਅਡ ਟ੍ਰੈਕਰ ਸਰੀਰ ਦੀ ਸਥਿਤੀ ਦੇ ਹਿਸਾਬ ਨਾਲ ਪੀਰੀਅਡ ਬਾਰੇ ਵੀ ਅਲਰਟ ਕਰੇਗਾ। ਐਪਲ ਦੇ ਦਾਅਵੇ ਮੁਤਾਬਕ ਇਹ ਡਾਟਾ ਪੂਰੀ ਤਰ੍ਹਾਂ ਐਂਡ-ਟੂ-ਐਂਡ ਐਨਕ੍ਰਿਪਟਡ ਹੋਵੇਗਾ। ਐਪਲ ਵਾਚ ਸੀਰੀਜ਼ 8 'ਚ ਸੁਰੱਖਿਆ ਵਿਸ਼ੇਸ਼ਤਾਵਾਂ ਦੇ ਤੌਰ 'ਤੇ ਫਾਲ ਡਿਟੈਕਸ਼ਨ, ਕਰੈਸ਼ ਡਿਟੈਕਸ਼ਨ ਅਤੇ ਐਮਰਜੈਂਸੀ ਅਲਰਟ ਵੀ ਮਿਲੇਗਾ। ਫਾਲ ਡਿਟੈਕਸ਼ਨ ਪਹਿਲਾਂ ਦੇ ਮੁਕਾਬਲੇ ਕਾਫੀ ਫਾਸਟ ਹੋਵੇਗਾ।
ਇਹ ਵੀ ਪੜ੍ਹੋ : ਸੁਖਬੀਰ ਦੇ ਕੇਜਰੀਵਾਲ 'ਤੇ ਇਲਜ਼ਾਮ- ਹਰਿਆਣਾ 'ਚ ਚੋਣ ਲਾਭ ਲੈਣ ਲਈ ਪੰਜਾਬ ਦੇ ਪਾਣੀਆਂ ਦਾ ਹੱਕ ਹਰਿਆਣਾ ਨੂੰ ਸੌਂਪਿਆ
ਐਪਲ ਵਾਚ ਸੀਰੀਜ਼ 8 ਦੀ ਸ਼ੁਰੂਆਤੀ ਕੀਮਤ 45,900 ਰੁਪਏ ਹੈ ਅਤੇ ਐਪਲ ਵਾਚ SE ਦੀ ਸ਼ੁਰੂਆਤੀ ਕੀਮਤ 29,900 ਰੁਪਏ ਹੈ। ਇਸ ਦੇ ਨਾਲ ਹੀ ਐਪਲ ਵਾਚ ਅਲਟਰਾ ਨੂੰ 89,900 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਲਾਂਚ ਕੀਤਾ ਗਿਆ ਹੈ। Apple Watch Series 8 ਅਤੇ Apple Watch SE ਨੂੰ 8 ਸਤੰਬਰ ਤੋਂ ਐਪਲ ਦੀ ਅਧਿਕਾਰਤ ਵੈੱਬਸਾਈਟ ਤੋਂ ਖਰੀਦਿਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਘੜੀ ਨੂੰ 16 ਸਤੰਬਰ ਤੋਂ ਆਫਲਾਈਨ ਐਪਲ ਸਟੋਰ ਤੋਂ ਖਰੀਦਿਆ ਜਾ ਸਕਦਾ ਹੈ।
Apple watch 8 ULTRA ਦੀਆਂ ਵਿਸ਼ੇਸ਼ਤਾਵਾਂ
Apple Watch 8 ULTRA ਵਿੱਚ ਬਿਹਤਰ ਸਪੀਕਰ ਅਤੇ ਬਿਹਤਰ ਬਿਲਡ ਕੁਆਲਿਟੀ ਹੈ। ਇਸ ਵਿੱਚ ਸਭ ਤੋਂ ਵੱਡੀ ਯਾਨੀ 36 ਘੰਟੇ ਦੀ ਬੈਟਰੀ ਲਾਈਫ ਅਤੇ ਪਾਵਰ ਸੇਵਿੰਗ ਮੋਡ ਵਿੱਚ 50 ਘੰਟੇ ਦੀ ਲਾਈਫ ਹੈ। ਇਸ ਦੇ ਲਈ ਇਕ ਵੱਖਰਾ ਵਾਚ ਫੇਸ ਡਿਜ਼ਾਈਨ ਕੀਤਾ ਗਿਆ ਹੈ। ਇਸ ਵਿਚ ਨਾਈਟ ਮੋਡ ਵੀ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਟਾਈਟੇਨੀਅਮ ਬਕਲ ਦਿੱਤਾ ਗਿਆ ਹੈ। ਅਲਟਰਾ ਵਾਚ ਤੁਹਾਨੂੰ ਇਹ ਵੀ ਦੱਸੇਗੀ ਕਿ ਤੁਸੀਂ ਕਿੰਨੇ ਡੂੰਘੇ ਪਾਣੀ ਵਿੱਚ ਹੋ। ਇਸ ਦੀ ਡਿਸਪਲੇ ਦੀ ਬ੍ਰਾਈਟਨੈੱਸ 2,000 nits ਹੈ ਅਤੇ ਇਸ ਦੀ ਕੀਮਤ $799 ਰੱਖੀ ਗਈ ਹੈ।
ਇਹ ਵੀ ਪੜ੍ਹੋ : ਸਾਬਕਾ ਮੰਤਰੀ ਸਾਧੂ ਸਿੰਘ ਧਰਮਸੋਤ ਜੇਲ੍ਹ 'ਚੋਂ ਆਏ ਬਾਹਰ, ਕਾਂਗਰਸੀ ਵਰਕਰਾਂ 'ਚ ਖੁਸ਼ੀ ਦੀ ਲਹਿਰ
Apple watch SE ਦੀਆਂ ਵਿਸ਼ੇਸ਼ਤਾਵਾਂ
ਨਵੀਂ Apple Watch SE ਨੂੰ ਪਹਿਲਾਂ ਨਾਲੋਂ ਬਿਹਤਰ ਬਣਾਇਆ ਗਿਆ ਹੈ। Apple Watch SE ਤਿੰਨ ਰੰਗਾਂ ਵਿੱਚ ਉਪਲਬਧ ਹੋਵੇਗੀ। ਐਪਲ ਵਾਚ SE ਵਿੱਚ ਐਮਰਜੈਂਸੀ ਅਲਰਟ ਉਪਲਬਧ ਹੋਵੇਗਾ। ਐਪਲ ਵਾਚ SE ਐਪਲ ਵਾਚ 3 ਤੋਂ 30 ਫੀਸਦੀ ਵੱਡੀ ਹੈ। Apple Watch SE ਵਿੱਚ ECG ਨਹੀਂ ਮਿਲੇਗੀ।
ਐਪਲ ਨੇ ਲਾਂਚ ਕੀਤੀ iPhone 14 Series, ਜਾਣੋ ਕੀਮਤ ਤੇ ਫੀਚਰਜ਼
NEXT STORY 
