ਗੈਜੇਟ ਡੈਸਕ - ਗੂਗਲ ਨੇ ਕੈਲੀਫੋਰਨੀਆ 'ਚ ਆਯੋਜਿਤ ਆਪਣੇ ਮੁੱਖ ਪ੍ਰੋਗਰਾਮ ਦੌਰਾਨ ਯੂਟਿਊਬ ਲਈ ਇਕ ਨਵਾਂ AI ਆਧਾਰਿਤ ਫੀਚਰ 'Ask YouTube' ਪੇਸ਼ ਕੀਤਾ ਹੈ। ਇਹ ਫੀਚਰ ਯੂਜ਼ਰਸ ਦੇ ਵੀਡੀਓ ਦੇਖਣ ਅਤੇ ਸਰਚ ਕਰਨ ਦੇ ਤਰੀਕੇ ਨੂੰ ਪੂਰੀ ਤਰ੍ਹਾਂ ਬਦਲ ਦੇਵੇਗਾ।
ਕੀ ਹੈ 'Ask YouTube' ਫੀਚਰ?
ਹੁਣ ਤੁਹਾਨੂੰ ਯੂਟਿਊਬ 'ਤੇ ਵੀਡੀਓ ਲੱਭਣ ਲਈ ਸਿਰਫ਼ ਕੀਵਰਡ ਟਾਈਪ ਕਰਨ ਦੀ ਲੋੜ ਨਹੀਂ ਪਵੇਗੀ। ਇਸ ਨਵੇਂ ਫੀਚਰ ਦੀ ਮਦਦ ਨਾਲ ਤੁਸੀਂ ਕੁਦਰਤੀ ਭਾਸ਼ਾ ਅਤੇ ਵਾਇਸ ਪ੍ਰੋਂਪਟ ਦੀ ਵਰਤੋਂ ਕਰਕੇ ਵੀਡੀਓ ਸਰਚ ਕਰ ਸਕੋਗੇ। ਇਹ ਫੀਚਰ ਗੂਗਲ ਸਰਚ ਦੇ AI ਮੋਡ ਵਾਂਗ ਹੀ ਕੰਮ ਕਰਦਾ ਹੈ, ਪਰ ਇਹ ਖਾਸ ਤੌਰ 'ਤੇ ਯੂਟਿਊਬ ਦੇ ਵੀਡੀਓ ਕੰਟੈਂਟ ਲਈ ਤਿਆਰ ਕੀਤਾ ਗਿਆ ਹੈ।
ਇਸ ਦੇ ਖਾਸ ਫੀਚਰਜ਼ :-
ਗੱਲਬਾਤ ਰਾਹੀਂ ਸਰਚ
- ਯੂਜ਼ਰਸ ਹੁਣ ਛੋਟੇ ਸ਼ਬਦਾਂ ਦੀ ਬਜਾਏ ਪੂਰੇ ਸਵਾਲ ਪੁੱਛ ਸਕਦੇ ਹਨ ਅਤੇ ਨਤੀਜਿਆਂ ਨੂੰ ਬਿਹਤਰ ਬਣਾਉਣ ਲਈ ਫਾਲੋ-ਅਪ ਸਵਾਲ ਵੀ ਕਰ ਸਕਦੇ ਹਨ।
ਹਰ ਤਰ੍ਹਾਂ ਦੇ ਵੀਡੀਓ ਲਈ ਮਦਦਗਾਰ
- ਇਹ ਫੀਚਰ ਯੂਟਿਊਬ ਸ਼ਾਰਟਸ ਅਤੇ ਲੰਬੀਆਂ ਵੀਡੀਓਜ਼, ਦੋਵਾਂ ਤੋਂ ਸੁਝਾਅ ਲੈ ਸਕਦਾ ਹੈ। ਭਾਵੇਂ ਤੁਸੀਂ ਕੋਈ ਟਿਊਟੋਰੀਅਲ ਲੱਭ ਰਹੇ ਹੋ ਜਾਂ ਮਨੋਰੰਜਨ ਲਈ ਵੀਡੀਓ, ਇਹ AI ਤੁਹਾਡੀ ਮਦਦ ਕਰੇਗਾ।
Gemini Omni ਸਪੋਰਟ
- ਗੂਗਲ ਨੇ ਯੂਟਿਊਬ ਸ਼ਾਰਟਸ ਰੀਮਿਕਸ ਅਤੇ ਯੂਟਿਊਬ ਕ੍ਰਿਏਟ ਐਪ ਲਈ 'Gemini Omni' ਸਪੋਰਟ ਦਾ ਵੀ ਐਲਾਨ ਕੀਤਾ ਹੈ, ਜੋ ਟੈਕਸਟ ਜਾਂ ਚਿੱਤਰਾਂ ਰਾਹੀਂ ਵੀਡੀਓਜ਼ ਨੂੰ ਬਦਲਣ 'ਚ ਮਦਦ ਕਰੇਗਾ।
ਕਿਸ ਨੂੰ ਮਿਲੇਗੀ ਇਹ ਸਹੂਲਤ?
ਫਿਲਹਾਲ ਇਹ ਫੀਚਰ ਅਮਰੀਕਾ 'ਚ 18 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ YouTube Premium ਸਬਸਕ੍ਰਾਈਬਰਸ ਲਈ 'youtube.com/new' ਰਾਹੀਂ ਰੋਲਆਊਟ ਕੀਤਾ ਜਾ ਰਿਹਾ ਹੈ। ਕੰਪਨੀ ਨੇ ਭਰੋਸਾ ਦਿੱਤਾ ਹੈ ਕਿ ਜਲਦੀ ਹੀ ਇਸ ਨੂੰ ਵਿਸ਼ਵ ਪੱਧਰ 'ਤੇ ਹੋਰ ਯੂਜ਼ਰਸ ਲਈ ਵੀ ਉਪਲਬਧ ਕਰਵਾਇਆ ਜਾਵੇਗਾ।
Google I/O 2026: ਹੁਣ AI ਹੋਵੇਗਾ ਤੁਹਾਡਾ ਅਸਲੀ ਡਿਜੀਟਲ ਸਾਥੀ! ਸੁੰਦਰ ਪਿਚਾਈ ਨੇ ਦੱਸਿਆ ਮੈਗਾ AI ਪਲਾਨ
NEXT STORY 
