ਵੈੱਬ ਡੈਸਕ- ਵੱਡੀ ਕਾਰਵਾਈ ਕਰਦੇ ਹੋਏ YouTube ਨੇ ਆਪਣੇ ਪਲੇਟਫਾਰਮ ਤੋਂ 9.5 ਮਿਲੀਅਨ ਤੋਂ ਵੱਧ ਵੀਡੀਓ ਹਟਾ ਦਿੱਤੇ ਹਨ। ਗੂਗਲ ਦੇ ਵੀਡੀਓ ਸਟ੍ਰੀਮਿੰਗ ਪਲੇਟਫਾਰਮ ਨੇ ਇਨ੍ਹਾਂ ਵੀਡੀਓ ਨੂੰ ਕੰਟੈਂਟ ਵਾਈਲੇਸ਼ਨ ਕਾਰਨ ਹਟਾ ਦਿੱਤਾ ਹੈ। ਕੰਪਨੀ ਵੱਲੋਂ ਜਾਰੀ ਰਿਪੋਰਟ ਅਨੁਸਾਰ ਇਹ ਵੀਡੀਓ ਪਿਛਲੇ ਸਾਲ ਅਕਤੂਬਰ ਤੋਂ ਦਸੰਬਰ 2024 ਦੇ ਵਿਚਕਾਰ ਯੂਟਿਊਬ 'ਤੇ ਅਪਲੋਡ ਕੀਤੇ ਗਏ ਸਨ। ਯੂਟਿਊਬ ਤੋਂ ਡਿਲੀਟ ਕੀਤੇ ਗਏ ਵੀਡੀਓਜ਼ ਵਿੱਚੋਂ ਜ਼ਿਆਦਾਤਰ ਭਾਰਤੀ ਸਿਰਜਣਹਾਰਾਂ ਦੁਆਰਾ ਅਪਲੋਡ ਕੀਤੇ ਗਏ ਸਨ।
ਇਹ ਵੀ ਪੜ੍ਹੋ- ਲੋੜ ਤੋਂ ਜ਼ਿਆਦਾ ਪ੍ਰੋਟੀਨ ਲੈਣ ਨਾਲ ਹੋ ਸਕਦੀ ਹੈ ਇਹ ਗੰਭੀਰ ਬਿਮਾਰੀ
ਭਾਰਤ ਵਿੱਚ ਸਭ ਤੋਂ ਵਧ 3 ਮਿਲੀਅਨ ਵੀਡੀਓ ਹੋਏ ਡਿਲੀਟ
ਯੂਟਿਊਬ ਨੇ ਕਿਹਾ ਕਿ ਇਹ ਵੀਡੀਓ ਉਨ੍ਹਾਂ ਦੀ ਸਮੱਗਰੀ ਨੀਤੀ ਦੇ ਵਿਰੁੱਧ ਸਨ। ਡਿਲੀਟ ਕੀਤੇ ਗਏ ਵੀਡੀਓਜ਼ ਦੀ ਸਭ ਤੋਂ ਵੱਧ ਗਿਣਤੀ ਯਾਨੀ 30 ਲੱਖ ਵੀਡੀਓ ਭਾਰਤੀ ਕ੍ਰਿਏਟਰਸ ਦੁਆਰਾ ਅਪਲੋਡ ਕੀਤੇ ਗਏ ਸਨ। ਵੀਡੀਓ ਸ਼ੇਅਰਿੰਗ ਪਲੇਟਫਾਰਮ ਦੁਆਰਾ ਹਟਾਏ ਗਏ ਜ਼ਿਆਦਾਤਰ ਵੀਡੀਓਜ਼ ਵਿੱਚ ਨਫ਼ਰਤ ਭਰੇ ਭਾਸ਼ਣ, ਅਫਵਾਹਾਂ, ਪਰੇਸ਼ਾਨੀ ਸ਼ਾਮਲ ਸੀ, ਜੋ ਕਿ ਕੰਪਨੀ ਦੀ ਸਮੱਗਰੀ ਨੀਤੀ ਦੇ ਵਿਰੁੱਧ ਸਨ।
ਇਹ ਵੀ ਪੜ੍ਹੋ- T20 ਵਿਸ਼ਵ ਕੱਪ ਤੋਂ ਪਹਿਲੇ ਟੀਮ ਨੇ ਲਿਆ ਵੱਡਾ ਫੈਸਲਾ, ਸਾਬਕਾ ਖਿਡਾਰੀ ਨੂੰ ਬਣਾਇਆ ਹੈੱਡ ਕੋਚ
ਆਪਣੇ ਪਲੇਟਫਾਰਮ ਨੂੰ ਪਾਰਦਰਸ਼ੀ ਰੱਖਣ ਲਈ YouTube ਨੇ ਇੱਕ AI-ਅਧਾਰਤ ਖੋਜ ਪ੍ਰਣਾਲੀ ਦੀ ਵਰਤੋਂ ਕੀਤੀ ਹੈ, ਜੋ ਪਲੇਟਫਾਰਮ 'ਤੇ ਅਜਿਹੇ ਵੀਡੀਓਜ਼ ਦੀ ਪਛਾਣ ਕਰਦੀ ਹੈ ਅਤੇ ਉਨ੍ਹਾਂ 'ਤੇ ਕਾਰਵਾਈ ਕਰਦੀ ਹੈ। ਯੂਟਿਊਬ ਤੋਂ ਹਟਾਏ ਗਏ 50 ਲੱਖ ਵੀਡੀਓਜ਼ ਵਿੱਚੋਂ ਜ਼ਿਆਦਾਤਰ ਵਿੱਚ ਬੱਚੇ ਸਨ, ਜੋ ਕਿ ਕੰਪਨੀ ਦੇ ਕੰਟੈਂਟ ਪਾਲਿਸੀ ਦੇ ਵਿਰੁੱਧ ਹੈ। ਇਨ੍ਹਾਂ ਵੀਡੀਓਜ਼ ਵਿੱਚ ਖਤਰਨਾਕ ਸਟੰਟ, ਬੱਚਿਆਂ ਨਾਲ ਛੇੜਛਾੜ ਆਦਿ ਦਿਖਾਇਆ ਗਿਆ ਸੀ।
ਇਹ ਵੀ ਪੜ੍ਹੋ- ਪੂਰੇ 1 ਸਾਲ ਲਈ ਰੀਚਾਰਜ ਪਲਾਨ ਦੀ ਟੈਨਸ਼ਨ ਖਤਮ, 2000 ਰੁਪਏ ਤੋਂ ਘੱਟ 'ਚ ਮਿਲੇਗੀ 365 ਦਿਨ ਦੀ ਵੈਲੇਡਿਟੀ
48 ਲੱਖ ਚੈਨਲ ਵੀ ਹਟਾਏ ਗਏ
ਯੂਟਿਊਬ ਨੇ ਨਾ ਸਿਰਫ਼ ਆਪਣੇ ਪਲੇਟਫਾਰਮ ਤੋਂ ਵੀਡੀਓ ਹਟਾਇਆ ਹੈ, ਸਗੋਂ ਕੰਪਨੀ ਨੇ 4.8 ਮਿਲੀਅਨ ਤੋਂ ਵੱਧ ਚੈਨਲ ਯਾਨੀ 48 ਲੱਖ ਚੈਨਲ ਵੀ ਹਟਾ ਦਿੱਤੇ ਹਨ। ਇਨ੍ਹਾਂ ਚੈਨਲਾਂ ਰਾਹੀਂ ਸਪੈਮ ਜਾਂ ਧੋਖਾਧੜੀ ਵਾਲੇ ਵੀਡੀਓ ਅਪਲੋਡ ਕੀਤੇ ਜਾ ਰਹੇ ਸਨ। ਜੇਕਰ ਯੂਟਿਊਬ ਤੋਂ ਕੋਈ ਚੈਨਲ ਹਟਾ ਦਿੱਤਾ ਜਾਂਦਾ ਹੈ ਤਾਂ ਉਸ ਚੈਨਲ 'ਤੇ ਅਪਲੋਡ ਕੀਤੇ ਸਾਰੇ ਵੀਡੀਓ ਵੀ ਆਪਣੇ ਆਪ ਡਿਲੀਟ ਹੋ ਜਾਂਦੇ ਹਨ। ਚੈਨਲ 'ਤੇ ਕੀਤੀ ਗਈ ਕਾਰਵਾਈ ਕਾਰਨ ਲਗਭਗ 5.4 ਮਿਲੀਅਨ ਯਾਨੀ 54 ਲੱਖ ਵੀਡੀਓ ਹਟਾ ਦਿੱਤੇ ਗਏ।
ਗੂਗਲ ਦੇ ਪਲੇਟਫਾਰਮ ਨੇ ਕਿਹਾ ਕਿ ਇਹ ਕਾਰਵਾਈ ਸਮੇਂ-ਸਮੇਂ 'ਤੇ ਯੂਟਿਊਬ ਨੂੰ ਯੂਜ਼ਰਸ ਲਈ ਇੱਕ ਪਾਰਦਰਸ਼ੀ ਅਤੇ ਸੁਰੱਖਿਅਤ ਵੀਡੀਓ ਪਲੇਟਫਾਰਮ ਬਣਾਉਣ ਲਈ ਕੀਤੀ ਜਾਂਦੀ ਹੈ। ਕੰਪਨੀ ਯੂਜ਼ਰਸ ਦੁਆਰਾ ਰਿਪੋਰਟ ਕੀਤੇ ਜਾਣ ਤੋਂ ਬਾਅਦ ਵੀਡੀਓਜ਼ ਦਾ ਵਿਸ਼ਲੇਸ਼ਣ ਕਰਦੀ ਹੈ, ਨਾਲ ਹੀ AI-ਅਧਾਰਿਤ ਖੋਜ ਟੂਲਸ ਵੀ ਵਰਤਦੀ ਹੈ। ਇਸ ਤੋਂ ਬਾਅਦ ਇਸਨੂੰ ਪਲੇਟਫਾਰਮ ਤੋਂ ਹਟਾ ਦਿੱਤਾ ਜਾਂਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
YouTube ਕ੍ਰਿਏਟਰਾਂ ਲਈ ਜ਼ਰੂਰੀ ਖ਼ਬਰ, ਕੀਤਾ ਇਹ ਕੰਮ ਤਾਂ ਬੈਨ ਹੋ ਜਾਵੇਗਾ ਅਕਾਊਂਟ!
NEXT STORY 
