ਹੈਲਥ ਡੈਸਕ- ਕਈ ਵਾਰ ਅਚਾਨਕ ਲੋਕਾਂ ਨੂੰ ਅਜਿਹਾ ਮਹਿਸੂਸ ਹੁੰਦਾ ਹੈ ਕਿ ਹੱਥ-ਪੈਰਾਂ 'ਚ ਝਨਝਨਾਹਟ, ਸੁੰਨਪਨ ਜਾਂ ਕੀੜੀਆਂ ਰੇਂਗ ਰਹੀਆਂ ਹੋਣ। ਬਹੁਤ ਵਾਰ ਇਸ ਨੂੰ ਥਕਾਵਟ ਜਾਂ ਗਲਤ ਪੋਜ਼ੀਸ਼ਨ ਦਾ ਨਤੀਜਾ ਸਮਝ ਕੇ ਨਜ਼ਰਅੰਦਾਜ਼ ਕਰ ਦਿੱਤਾ ਜਾਂਦਾ ਹੈ। ਪਰ ਜੇ ਇਹ ਸਮੱਸਿਆ ਵਾਰ-ਵਾਰ ਹੋਵੇ, ਤਾਂ ਇਹ ਸਰੀਰ 'ਚ ਕੁਝ ਜ਼ਰੂਰੀ ਵਿਟਾਮਿਨ ਅਤੇ ਖਣਿਜ ਦੀ ਕਮੀ ਦੀ ਨਿਸ਼ਾਨੀ ਹੋ ਸਕਦੀ ਹੈ।
ਵਿਟਾਮਿਨ B12 ਦੀ ਕਮੀ ਨਾਲ ਹੁੰਦੀ ਹੈ ਝਨਝਨਾਹਟ
ਮਾਹਿਰਾਂ ਅਨੁਸਾਰ, ਹੱਥ-ਪੈਰਾਂ 'ਚ ਝਨਝਨਾਹਟ ਦੀ ਸਭ ਤੋਂ ਆਮ ਕਾਰਣ ਵਿਟਾਮਿਨ B12 ਦੀ ਕਮੀ ਮੰਨੀ ਜਾਂਦੀ ਹੈ। ਇਹ ਵਿਟਾਮਿਨ ਨਰਵ ਸੈੱਲਾਂ ਅਤੇ ਰੈਡ ਬਲੱਡ ਸੈੱਲਾਂ ਦੀ ਬਣਤਰ 'ਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦਾ ਹੈ। ਇਸਦੀ ਕਮੀ ਨਾਲ ਨਰਵ ਡੈਮੇਜ ਸ਼ੁਰੂ ਹੋ ਸਕਦੀ ਹੈ, ਜਿਸ ਨਾਲ:
- ਸੂਈ ਚੁੱਭਣ ਵਰਗਾ ਮਹਿਸੂਸ
- ਹੱਥ-ਪੈਰ ਸੁੰਨ ਹੋਣਾ
- ਕਮਜ਼ੋਰੀ ਆਉਣਾ
ਇਸ ਦੇ ਨਾਲ ਹੀ ਕੈਲਸ਼ੀਅਮ ਦੀ ਕਮੀ ਵੀ ਮਾਸਪੇਸ਼ੀਆਂ ਅਤੇ ਹੱਡੀਆਂ ਨੂੰ ਕਮਜ਼ੋਰ ਕਰਕੇ ਨਰਵਾਂ 'ਤੇ ਅਸਰ ਪਾ ਸਕਦੀ ਹੈ, ਜਿਸ ਨਾਲ ਝਨਝਨਾਹਟ ਹੋਣ ਲੱਗਦੀ ਹੈ।
ਵਿਟਾਮਿਨ B12 ਕਿੱਥੋਂ ਮਿਲਦਾ ਹੈ?
- ਵਿਟਾਮਿਨ B12 ਮੁੱਖ ਤੌਰ ‘ਤੇ ਐਨਿਮਲ-ਬੇਸਡ ਫੂਡਜ਼ 'ਚ ਪਾਇਆ ਜਾਂਦਾ ਹੈ, ਜਿਵੇਂ ਕਿ:
- ਮੱਛੀ
- ਆਂਡਾ
- ਚਿਕਨ
- ਦੁੱਧ ਅਤੇ ਹੋਰ ਡੇਅਰੀ ਉਤਪਾਦ
ਇਸ ਦੇ ਨਾਲ ਹੀ ਮਾਰਕੀਟ 'ਚ ਮਿਲਣ ਵਾਲੇ B12 ਫੋਰਟੀਫਾਈਡ ਫੂਡਸ (ਸੀਰੀਅਲ, ਜੂਸ ਆਦਿ) ਵੀ ਕੰਮ ਆ ਸਕਦੇ ਹਨ। ਗੰਭੀਰ ਕਮੀ ਦੀ ਸਥਿਤੀ 'ਚ ਡਾਕਟਰੀ ਸਲਾਹ ਨਾਲ ਸਪਲੀਮੈਂਟ ਲੈਣਾ ਲਾਭਦਾਇਕ ਹੈ।
ਵਿਟਾਮਿਨ B12 ਦੀ ਕਮੀ ਦੇ ਲੱਛਣ
- ਹੱਥ-ਪੈਰਾਂ 'ਚ ਝਨਝਨਾਹਟ ਜਾਂ ਸੁੰਨਪਨ
- ਮੂੰਹ 'ਚ ਛਾਲੇ
- ਨਜ਼ਰ ਦਾ ਕਮਜ਼ੋਰ ਹੋਣਾ
- ਡਾਇਰੀਆ
- ਚਿੜਚਿੜਾਪਨ ਅਤੇ ਕਨਫਿਊਜ਼ਨ
- ਡਿਪ੍ਰੈਸ਼ਨ ਵਰਗਾ ਮਹਿਸੂਸ
- ਬੇਵਜ੍ਹਾ ਥਕਾਵਟ ਅਤੇ ਭਾਰ ਘਟਣਾ
ਜੇ ਇਹ ਲੱਛਣ ਲੰਬੇ ਸਮੇਂ ਤੱਕ ਰਹਿਣ, ਤਾਂ ਡਾਕਟਰ ਨਾਲ ਸੰਪਰਕ ਕਰਨਾ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਸਮੇਂ ‘ਤੇ ਕਮੀ ਨਾ ਪੂਰੀ ਕਰਨ ਨਾਲ ਨਰਵ ਡੈਮੇਜ ਸਥਾਈ ਹੋ ਸਕਦੀ ਹੈ।
ਜੋੜਾਂ ਦੇ ਦਰਦ ਤੋਂ ਰਾਹਤ ਲਈ Diet 'ਚ ਸ਼ਾਮਲ ਕਰੋ ਇਹ ਚੀਜ਼ਾਂ
NEXT STORY 
