ਜਲੰਧਰ—ਬਦਲਦੇ ਹੋਏ ਮੌਸਮ ਦਾ ਅਸਰ ਨਾ ਕੇਵਲ ਸਿਹਤ 'ਤੇ ਪੈਂਦਾ ਹੈ ਬਲਕਿ ਬੁੱਲ੍ਹਾਂ 'ਤੇ ਵੀ ਇਸ ਦਾ ਅਸਰ ਸਾਫ ਦਿਖਾਈ ਦਿੰਦਾ ਹੈ। ਮੌਸਮ 'ਚ ਆ ਰਹੇ ਬਦਲਾਅ ਦੌਰਾਨ ਜੇਕਰ ਬੁੱਲ੍ਹਾਂ ਦੀ ਦੇਖਭਾਲ ਨਾ ਕੀਤੀ ਜਾਵੇ ਤਾਂ ਉਹ ਫੱਟਣ ਅਤੇ ਕਾਲੇ ਪੈਣ ਲੱਗ ਜਾਂਦੇ ਹਨ। ਬੁੱਲ੍ਹਾਂ ਨੂੰ ਸਕਰੱਬ ਕਰਨ ਲਈ ਬਾਜ਼ਾਰ 'ਚ ਕਈ ਤਰ੍ਹਾਂ ਦੇ ਸਕਰੱਬ ਉਪਲੱਬਧ ਹਨ, ਪਰ ਤੁਸੀਂ ਵੀ ਬੁੱਲ੍ਹਾਂ ਦਾ ਸਕਰੱਬ ਬਣਾ ਸਕਦੇ ਹੋ, ਜਿਸ ਨਾਲ ਤੁਹਾਡੇ ਬੁੱਲ੍ਹ ਨਰਮ ਅਤੇ ਸੋਹਣੇ ਨਜ਼ਰ ਆਉਣਗੇ।
ਨਾਰੀਅਲ ਤੇ ਸ਼ਹਿਦ
ਇਕ ਚਮਚ ਨਾਰੀਅਲ ਦੇ ਤੇਲ 'ਚ ਸ਼ਹਿਦ, 2 ਚਮਚ ਭੂਰੀ ਖੰਡ, ਅੱਧਾ ਚਮਚ ਕੋਸਾ ਪਾਣੀ ਮਿਕਸ ਕਰਕੇ ਸਕਰੱਬ ਤਿਆਰ ਕਰ ਲਓ। ਇਸ ਨੂੰ 2 ਤੋਂ 3 ਮਿੰਟ ਤੱਕ ਸਰਕੁਲਰ ਮੋਸ਼ਨ 'ਚ ਬੁੱਲ੍ਹਾਂ 'ਤੇ ਲਗਾ ਕੇ ਕੋਸੇ ਪਾਣੀ ਨਾਲ ਧੋ ਲਓ। ਨਾਰੀਅਲ ਤੇਲ 'ਚ ਐਂਟੀ ਆਕਸੀਡੇਂਟ ਫੈਟੀ ਐਸਿਡ ਪਾਇਆ ਜਾਂਦਾ ਹੈ,ਜੋ ਕਿ ਚਮੜੀ ਨੂੰ ਪੋਸ਼ਣ ਦਿੰਦਾ ਹੈ। ਭੂਰੀ ਖੰਡ ਨੈਚੂਰਲ ਐਕਸਫੋਲਿਏਟਰ ਦਾ ਕੰਮ ਕਰਦੀ ਹੈ, ਜਿਸ ਨਾਲ ਚਮੜੀ ਦੀਆਂ ਮ੍ਰਿਤ ਕੋਸ਼ਿਕਾਵਾਂ ਅਤੇ ਖਰਾਬ ਖੁਸ਼ਕ ਚਮੜੀ ਪੂਰੀ ਤਰ੍ਹਾਂ ਨਿਕਲ ਜਾਂਦੀ ਹੈ। ਸ਼ਹਿਦ ਨਾਲ ਬੁੱਲ੍ਹਾਂ ਨੂੰ ਕਾਫੀ ਨਮੀ ਮਿਲਦੀ ਹੈ।
ਮਿੰਟ ਸਕਰੱਬ
2 ਚਮਚ ਜੈਤੂਨ ਜਾਂ ਨਾਰੀਅਲ ਦੇ ਤੇਲ 'ਚ 2 ਚਮਚ ਖੰਡ, 8 ਤੋਂ 10 ਬੂੰਦ ਪੂਦੀਨੇ ਦਾ ਤੇਲ ਅਤੇ ਅੱਧਾ ਚਮਚ ਅੰਗੂਰ ਦੇ ਬੀਜ ਦੇ ਤੇਲ ਮਿਕਸ ਕਰਕੇ ਸਕਰੱਬ ਤਿਆਰ ਕਰ ਲਓ। ਪੂਦੀਨੇ ਦਾ ਤੇਲ ਬੁੱਲ੍ਹਾਂ ਦਾ ਰਕਤ ਸੰਚਾਰ ਵਧਾ ਕੇ ਉਨ੍ਹਾਂ ਨੂੰ ਆਕਰਸ਼ਿਤ ਬਣਾਉਣ 'ਚ ਮਦਦ ਕਰਦੇ ਹਨ, ਉੱਥੇ ਅੰਗੂਰ ਦਾ ਤੇਲ ਹਲਕਾ ਹੋਣ ਦੇ ਨਾਲ ਇਸ 'ਚ ਐਂਟੀ ਆਕਸੀਡੇਂਟ ਗੁਣ ਪਾਏ ਜਾਂਦੇ ਹਨ, ਜੋ ਕਿ ਬੁੱਲ੍ਹਾਂ ਨੂੰ ਮਾਸਚਰਾਇਜ਼ ਕਰਦੇ ਹਨ।
ਭੂਰੀ ਖੰਡ ਅਤੇ ਸ਼ਹਿਦ
ਚਮਚ ਸ਼ਹਿਦ ਅਤੇ ਭੂਰੀ ਖੰਡ 'ਚ 5 ਤੋਂ 6 ਬੂੰਦ ਲੈਵੇਂਡਰ ਦੇ ਤੇਲ ਮਿਕਸ ਕਰਕੇ ਬੁੱਲ੍ਹਾਂ 'ਚ ਸਕਰੱਬ ਕਰੋ। ਇਸ ਨਾਲ ਤੁਹਾਡੇ ਬੁੱਲ੍ਹਾਂ ਦੀ ਰੰਗਤ 'ਚ ਨਿਖਾਰ ਆਉਣ ਦੇ ਨਾਲ ਉਹ ਫੱਟਣ ਤੋਂ ਵੀ ਬਚਣਗੇ। ਜੇਕਰ ਬੁੱਲ੍ਹ ਸਨਬਨ ਹੋ ਚੁੱਕੇ ਹਨ ਤਾਂ ਉਹ ਵੀ ਠੀਕ ਹੋ ਜਾਵੇਗਾ।
ਚਾਕਲੇਟ ਸਕਰੱਬ
ਇਕ ਚਮਚ ਕੋਕੋ ਪਾਉਡਰ, 2 ਚਮਚ ਭੂਰੀ ਖੰਡ, ਜੈਤੂਨ ਦਾ ਤੇਲ, 3/4 ਚਮਚ ਸ਼ਹਿਦ ਮਿਕਸ ਕਰਕੇ ਹਲਕੇ ਹੱਥਾਂ ਨਾਲ ਬੁੱਲ੍ਹਾਂ 'ਤੇ ਸਕਰੱਬ ਕਰੋ। ਇਸ ਨਾਲ ਬੁੱਲ੍ਹ ਮੁਲਾਇਮ ਹੋਣ ਦੇ ਨਾਲ ਟੈਨਿੰਗ ਫਰੀ ਵੀ ਹੋਣਗੇ।
ਦਾਲਚੀਨੀ
ਅੱਧਾ ਚਮਚ ਦਾਲਚੀਨੀ ਪਾਊਡਰ, ਸ਼ਹਿਦ, ਜੈਤੂਨ ਦਾ ਤੇਲ ਮਿਕਸ ਕਰਕੇ ਹਲਕੇ ਹੱਥਾਂ ਨਾਲ ਬੁੱਲਾਂ 'ਤੇ ਲਗਾਓ। ਇਸ ਨਾਲ ਬੁੱਲ੍ਹਾਂ ਦੀ ਸਾਰੀ ਡੈੱਡ ਸਕਿਨ ਨਿਕਲ ਜਾਵੇਗੀ। ਇਸ ਦੇ ਨਾਲ ਹੀ ਬੁੱਲ੍ਹ ਮੋਟੇ ਨਜ਼ਰ ਆਉਣਗੇ।
ਕੇਸਰ ਦੇ ਪਾਣੀ ਨਾਲ ਮਹਿਲਾਵਾਂ 'ਚ ਦੂਰ ਹੋਵੇਗੀ ਪੀਰੀਅਡਸ ਦੀ ਸਮੱਸਿਆ
NEXT STORY 
