ਹੈਲਥ ਡੈਸਕ - ਫੈਟੀ ਲਿਵਰ ਇਕ ਆਮ ਸਮੱਸਿਆ ਬਣਦੀ ਜਾ ਰਹੀ ਹੈ, ਜੋ ਕਿ ਸਿਰਫ਼ ਸ਼ਰਾਬ ਪੀਣ ਕਾਰਨ ਹੀ ਨਹੀਂ ਸਗੋਂ ਗਲਤ ਖਾਣ-ਪੀਣ ਅਤੇ ਅਣਹੈਲਦੀ ਜੀਵਨਸ਼ੈਲੀ ਕਾਰਨ ਵੀ ਹੋ ਸਕਦੀ ਹੈ। ਜੰਕ ਫੂਡ, ਵਧੇਰੇ ਚਿੰਨੀ, ਬੈਠਣ ਵਾਲੀ ਜ਼ਿੰਦਗੀ ਤੇ ਕੁਝ ਦਵਾਈਆਂ ਵੀ ਲਿਵਰ ’ਚ ਚਰਬੀ ਇਕੱਠੀ ਕਰ ਸਕਦੀਆਂ ਹਨ। ਇਹ ਸਮੱਸਿਆ ਸਮੇਂ ਸਿਰ ਧਿਆਨ ਨਾ ਦੇਣ ’ਤੇ ਲਿਵਰ ਦੀਆਂ ਹੋਰ ਗੰਭੀਰ ਬਿਮਾਰੀਆਂ ਦਾ ਰੂਪ ਵੀ ਧਾਰਣ ਕਰ ਸਕਦੀ ਹੈ। ਆਓ ਜਾਣਦੇ ਹਾਂ ਕਿ ਕਿਹੜੀਆਂ ਆਦਤਾਂ ਫੈਟੀ ਲਿਵਰ ਦੇ ਖਤਰੇ ਨੂੰ ਵਧਾ ਸਕਦੀਆਂ ਹਨ ਅਤੇ ਇਸ ਤੋਂ ਬਚਣ ਲਈ ਕੀ ਕਰਨਾ ਚਾਹੀਦਾ ਹੈ।
ਜ਼ਿਆਦਾ ਤੇਲ-ਘੀ ਵਾਲਾ ਖਾਣਾ
- ਜੇਕਰ ਤੁਸੀਂ ਹਮੇਸ਼ਾ ਜ਼ਿਆਦਾ ਤਲਿਆ-ਭੁੰਨਿਆ ਜਾਂ ਤਿੱਖਾ ਭੋਜਨ ਖਾਂਦੇ ਹੋ, ਤਾਂ ਇਹ ਲਿਵਰ ’ਚ ਚਰਬੀ ਇਕੱਠੀ ਕਰ ਸਕਦਾ ਹੈ।
- ਫਾਸਟ ਫੂਡ ਅਤੇ ਜੰਕ ਫੂਡ ਵੀ ਲਿਵਰ ਦੀ ਸਿਹਤ ਲਈ ਖਤਰਨਾਕ ਹੁੰਦੇ ਹਨ।
ਵਧੇਰੇ ਮਿਠਾਸ ਅਤੇ ਰਿਫਾਈਨਡ ਕਾਰਬੋਹਾਈਡਰੇਟ
- ਵਧੇਰੇ ਖੰਡ (ਚਾਹੇ ਗੋਲੀਆਂ, ਮਿਠਾਈ ਜਾਂ ਕੋਲਡ ਡ੍ਰਿੰਕਸ ਦੇ ਰੂਪ ’ਚ) ਲਿਵਰ ’ਚ ਚਰਬੀ ਇਕੱਠੀ ਕਰਦੀ ਹੈ।
- ਵ੍ਹਾਈਟ ਬ੍ਰੈਡ, ਪਾਸਤਾ ਅਤੇ ਵ੍ਹਾਈਟ ਰਾਈਸ ਵੀ ਲਿਵਰ ’ਤੇ ਬੁਰਾ ਪ੍ਰਭਾਵ ਪਾਉਂਦੇ ਹਨ।
ਵਧੇਰੇ ਵਜ਼ਨ ਅਤੇ ਮੋਟਾਪਾ
- ਜੇਕਰ ਤੁਸੀਂ ਸ਼ਰੀਰਕ ਸਰਗਰਮੀਆਂ ਘੱਟ ਕਰਦੇ ਹੋ ਅਤੇ ਤੁਹਾਡਾ ਵਜ਼ਨ ਵਧ ਰਿਹਾ ਹੈ, ਤਾਂ ਇਹ ਫੈਟੀ ਲਿਵਰ ਦਾ ਮੁੱਖ ਕਾਰਨ ਬਣ ਸਕਦਾ ਹੈ।
- ਰੋਜ਼ਾਨਾ ਇੱਕਟਾ ਹੋਣ ਵਾਲੀ ਚਰਬੀ ਲਿਵਰ ਦੀ ਕਾਰਗੁਜ਼ਾਰੀ ਨੂ ਬਿਗਾੜ ਸਕਦੀ ਹੈ।
ਸ਼ੂਗਰ ਅਤੇ ਮੈਟਾਬੋਲਿਕ ਸਿੰਡਰੋਮ
- ਜੇਕਰ ਕਿਸੇ ਨੂੰ ਡਾਇਬਟੀਜ਼, ਹਾਈ ਬੀ.ਪੀ. ਜਾਂ ਇੰਸੁਲਿਨ ਰਜਿਸਟੈਂਸ ਹੈ, ਤਾਂ ਉਨ੍ਹਾਂ ’ਚ ਵੀ ਫੈਟੀ ਲਿਵਰ ਹੋਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ।
ਵਧੇਰੇ ਦਵਾਈਆਂ ਲੈਣਾ
- ਕੁਝ ਦਵਾਈਆਂ, ਜਿਵੇਂ ਕਿ ਪੇਨਕਿਲਰ, ਐਂਟੀਬਾਇਓਟਿਕਸ ਅਤੇ ਸਟੇਰਾਇਡਸ, ਲੰਬੇ ਸਮੇਂ ਤੱਕ ਲੈਣ ਨਾਲ ਲਿਵਰ ’ਤੇ ਵੱਧ ਬੋਝ ਪੈਂਦਾ ਹੈ।
ਸ਼ਰਾਬ ਤੋਂ ਇਲਾਵਾ ਹੋਰ ਤੱਤ
- ਵਧੇਰੇ ਸੋਡਾ, ਕੋਲਡ ਡ੍ਰਿੰਕ, ਐਨਰਜੀ ਡ੍ਰਿੰਕ ਜਾਂ ਪ੍ਰੀਜ਼ਰਵੇਟਿਵ ਵਾਲੀਆਂ ਚੀਜ਼ਾਂ ਲਿਵਰ ’ਚ ਚਰਬੀ ਵਧਾ ਸਕਦੀਆਂ ਹਨ।
- ਸੌਫਟ ਡ੍ਰਿੰਕ ’ਚ ਮੌਜੂਦ ਫਰਕਟੋਜ਼ ਲਿਵਰ ਨੂੰ ਖ਼ਰਾਬ ਕਰ ਸਕਦਾ ਹੈ।
'ਜ਼ਹਿਰ' ਦੇ ਬਰਾਬਰ ਹੈ ਵਧ ਮਾਤਰਾ 'ਚ ਖਾਧੀ ਗਈ ਲਾਲ ਮਿਰਚ ! ਹੋ ਸਕਦੇ ਨੇ ਗੰਭੀਰ ਨੁਕਸਾਨ
NEXT STORY 
