ਵਾਸ਼ਿੰਗਟਨ (ਬਿਊਰੋ): ਅਮਰੀਕਾ ਦੇ ਪੈੱਨਸਿਲਵੇਨੀਆ ਵਿਚ ਸ਼ਰਮ ਨਾਲ ਸਿਰ ਝੁਕਾ ਲੈਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ।ਇੱਥੇ ਇਕ ਪਿਤਾ ਨੇ ਆਪਣੀ 10 ਮਹੀਨੇ ਦੀ ਬੇਟੀ ਦਾ ਬਲਾਤਕਾਰ ਕੀਤਾ। ਬਲਾਤਕਾਰ ਦੇ ਬਾਅਦ ਜਦੋਂ ਬੱਚੀ ਨੇ ਹਿੱਲਣਾ ਬੰਦ ਕਰ ਦਿੱਤਾ ਤਾਂ ਇਸ ਸ਼ਖਸ ਨੇ ਗੂਗਲ 'ਤੇ ਸਰਚ ਕੀਤਾ ਕਿ ਇਹ ਕਿਵੇਂ ਪਤਾ ਲੱਗ ਸਕਦਾ ਹੈ ਕਿ ਬੱਚੀ ਜ਼ਿੰਦਾ ਹੈ ਜਾਂ ਨਹੀਂ। ਇਸ ਬੱਚੀ ਦੀ ਬਲਾਤਕਾਰ ਦੇ 2 ਘੰਟੇ ਬਾਅਦ ਹਸਪਤਾਲ ਵਿਚ ਗੰਭੀਰ ਅੰਦਰੂਨੀ ਜ਼ਖਮਾਂ ਕਾਰਨ ਮੌਤ ਹੋ ਗਈ।
ਡੋਲੀ ਮੇਲ ਦੀ ਖਬਰ ਦੇ ਮੁਤਾਬਕ, 29 ਸਾਲਾ ਸਟੀਵਨ ਆਸਟਿਨ ਨੂੰ ਆਪਣੀ ਹੀ 10 ਮਹੀਨੇ ਦੀ ਬੇਟੀ ਜ਼ਾਰਾ ਸਕ੍ਰੈਗ ਦੇ ਬਲਾਤਕਾਰ ਦੇ ਦੋਸ਼ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਆਸਟਿਨ ਇਕ ਫੁੱਟਬਾਲ ਕੋਚ ਹਨ ਅਤੇ ਉਸ 'ਤੇ ਜਿਨਸੀ ਹਮਲੇ, ਬੱਚੀ ਦਾ ਬਲਾਤਕਾਰ ਅਤੇ ਕਈ ਹੋਰ ਗੰਭੀਰ ਧਾਰਾਵਾਂ ਵਿਚ ਮਾਮਲਾ ਦਰਜ ਕੀਤਾ ਗਿਆ ਹੈ। ਮੋਂਟਗਮਰੀ ਕਾਊਂਟੀ ਜ਼ਿਲ੍ਹਾ ਅਟਾਰਨੀ ਦੇ ਦਫਤਰ ਦੇ ਮੁਤਾਬਕ, ਬੀਤੇ ਸ਼ਨੀਵਾਰ ਦੀ ਸਵੇਰ ਆਸਟਿਨ ਨੇ ਪੁਲਸ ਨੂੰ ਫੋਨ ਕਰਕੇ ਕਿਹਾ ਕਿ ਅਚਾਨਕ ਉਸ ਦੀ ਬੇਟੀ ਨੇ ਸਾਹ ਲੈਣਾ ਬੰਦ ਕਰ ਦਿੱਤਾ ਹੈ। ਬੱਚੀ ਨੂੰ ਹਸਪਤਾਲ ਲਿਜਾਇਆ ਗਿਆ ਪਰ ਉਸ ਦੀ ਜਾਨ ਨਹੀਂ ਬਚਾਈ ਜਾ ਸਕੀ ਪਰ ਡਾਕਟਰਾਂ ਨੇ ਤੁਰੰਤ ਪੂਰੇ ਮਾਮਲੇ ਦੀ ਜਾਣਕਾਰੀ ਪੁਲਸ ਨੂੰ ਦਿੱਤੀ।
ਇੰਝ ਖੁੱਲ੍ਹਿਆ ਰਾਜ਼
ਪੁਲਸ ਦੇ ਮੁਤਾਬਕ, ਆਸਟਿਨ ਦੀ ਬ੍ਰਾਊਜ਼ਰ ਸਰਚ ਹਿਸਟਰੀ ਨਾਲ ਪੂਰਾ ਮਾਮਲਾ ਸਾਫ ਹੋ ਗਿਆ। ਆਸਟਿਨ ਨੇ ਪੁਲਸ ਨੂੰ ਫੋਨ ਕਰਨ ਤੋਂ ਇਕ ਘੰਟਾ ਪਹਿਲਾਂ ਕਈ ਵਾਰ ਗੂਗਲ 'ਤੇ ਸਰਚ ਕੀਤਾ ਸੀ ਕਿ ਉਹ ਕਿਵੇਂ ਚੈੱਕ ਕਰੇ ਕਿ ਬੱਚੀ ਦੀ ਮੌਤ ਹੋਈ ਹੈ ਜਾਂ ਉਹ ਜ਼ਿੰਦਾ ਹੈ। ਉਸ ਨੇ ਆਪਣੇ ਦੋਸਤਾਂ ਨੂੰ ਵੀ ਇਸ ਬਾਰੇ ਮੈਸੇਜ ਕਰ ਕੇ ਮਦਦ ਮੰਗੀ ਸੀ। ਬੱਚੀ ਦੇ ਡਾਇਪਰ ਦੀ ਜਾਂਚ ਨਾਲ ਵੀ ਆਸਟਿਨ ਦਾ ਰਾਜ਼ ਖੁੱਲ੍ਹ ਗਿਆ। ਬੱਚੀ ਦੇ ਡਾਇਪਰ 'ਤੇ ਖੂਨ ਅਤੇ ਆਸਟਿਨ ਦੇ ਸੀਮੇਨ ਦੇ ਅੰਸ਼ ਪਾਏ ਗਏ ਹਨ। ਬੱਚੀ ਦੇ ਪੋਸਟਮਾਰਟਮ ਵਿਚ ਸਾਹਮਣੇ ਆਇਆ ਹੈ ਕਿ ਉਸ਼ ਦੇ ਨਾਲ ਬਲਾਤਕਾਰ ਕੀਤਾ ਗਿਆ, ਜਿਸ ਨਾਲ ਉਸ ਦੇ ਅੰਦਰੂਨੀ ਅੰਗਾਂ ਨੂੰ ਗੰਭੀਰ ਨੁਕਸਾਨ ਪਹੁੰਚਿਆ ਸੀ। ਜ਼ਾਰਾ ਦੇ ਦਾਦਾ-ਦਾਦੀ ਨੇ ਕਿਹਾ ਕਿ ਉਨ੍ਹਾਂ ਨੇ ਕਦੇ ਸੋਚਿਆ ਨਹੀਂ ਸੀ ਕਿ ਉਸ ਦਾ ਜੈਵਿਕ ਪਿਤਾ ਉਸ 'ਤੇ ਹਮਲਾ ਕਰੇਗਾ।
ਬਲੂਚ ਲੋਕਾਂ 'ਤੇ ਪਾਕਿਸਤਾਨ ਦੇ ਤਸ਼ੱਦਦ ਖ਼ਿਲਾਫ਼ ਕੈਨੇਡਾ 'ਚ ਵਿਰੋਧ ਪ੍ਰਦਰਸ਼ਨ
NEXT STORY 
