ਇੰਟਰਨੈਸ਼ਨਲ ਡੈਸਕ- ਨਿਊਜ਼ੀਲੈਂਡ ਤੋਂ ਇਕ ਸਨਸਨੀਖੇਜ਼ ਖ਼ਬਰ ਸਾਹਮਣੇ ਆ ਰਹੀ ਹੈ, ਜਿੱਥੇ ਪ੍ਰਸ਼ਾਸਨ ਨੇ ਦੇਸ਼ 'ਚ ਜੰਗਲੀ ਬਿੱਲੀਆਂ ਦੇ ਵਧ ਰਹੇ ਆਤੰਕ ਨੂੰ ਖ਼ਤਮ ਕਰਨ ਲਈ ਇੱਕ ਵੱਡਾ ਕਦਮ ਚੁੱਕਿਆ ਹੈ। ਇਨ੍ਹਾਂ ਜੰਗਲੀ ਬਿੱਲੀਆਂ ਨੂੰ ਫੇਰਲ ਕੈਟਸ ਕਿਹਾ ਜਾਂਦਾ ਹੈ, ਜਿਨ੍ਹਾਂ ਨੂੰ ਸਰਕਾਰ ਨੇ 'ਸਭ ਤੋਂ ਵੱਡਾ ਜਨਤਕ ਦੁਸ਼ਮਣ' ਐਲਾਨ ਦਿੱਤਾ ਹੈ। ਸਰਕਾਰ ਨੇ 'Predator Free 2050' ਯੋਜਨਾ ਬਣਾਈ ਹੈ, ਜਿਸ ਤਹਿਤ ਅਗਲੇ 25 ਸਾਲਾਂ ਵਿੱਚ ਇਨ੍ਹਾਂ ਸ਼ਿਕਾਰੀ ਬਿੱਲੀਆਂ ਨੂੰ ਦੇਸ਼ ਤੋਂ ਪੂਰੀ ਤਰ੍ਹਾਂ ਖਤਮ ਕਰਨ ਦਾ ਟੀਚਾ ਮਿੱਥਿਆ ਗਿਆ ਹੈ।
ਇਹ ਬਿੱਲੀਆਂ ਘਰੇਲੂ ਬਿੱਲੀਆਂ ਤੋਂ ਵੱਖਰੀਆਂ ਹੁੰਦੀਆਂ ਹਨ ਅਤੇ ਇਨਸਾਨਾਂ ਦੇ ਸੰਪਰਕ ਨੂੰ ਬਰਦਾਸ਼ਤ ਨਹੀਂ ਕਰਦੀਆਂ। ਇਹ ਨਿਊਜ਼ੀਲੈਂਡ ਦੀਆਂ ਅਨੋਖੀਆਂ ਚਿੜੀਆਂ, ਛੋਟੇ ਪੰਛੀਆਂ ਅਤੇ ਦੁਰਲੱਭ ਪ੍ਰਜਾਤੀਆਂ ਨੂੰ ਖਾ ਰਹੀਆਂ ਹਨ, ਜਿਸ ਕਾਰਨ ਕਈ ਦੇਸੀ ਪ੍ਰਜਾਤੀਆਂ ਲਗਭਗ ਖਤਮ ਹੋ ਚੁੱਕੀਆਂ ਹਨ। ਇਸ ਸਮੇਂ ਦੇਸ਼ ਵਿੱਚ ਲਗਭਗ 25 ਲੱਖ ਜੰਗਲੀ ਬਿੱਲੀਆਂ ਮੌਜੂਦ ਹਨ। ਇਹ ਬਿੱਲੀਆਂ ਘਰੇਲੂ ਬਿੱਲੀਆਂ ਨਾਲੋਂ ਥੋੜ੍ਹੀਆਂ ਵੱਡੀਆਂ ਅਤੇ ਲਗਭਗ 7 ਕਿਲੋ ਵਜ਼ਨ ਦੀਆਂ ਹੁੰਦੀਆਂ ਹਨ, ਜਿਸ ਕਾਰਨ ਛੋਟੇ ਜਾਨਵਰਾਂ ਦਾ ਇਨ੍ਹਾਂ ਤੋਂ ਬਚਣਾ ਮੁਸ਼ਕਲ ਹੋ ਜਾਂਦਾ ਹੈ।
ਸੰਭਾਲ ਮੰਤਰੀ ਤਮਾ ਪੋਟਾਕਾ ਨੇ ਇਨ੍ਹਾਂ ਬਿੱਲੀਆਂ ਨੂੰ 'ਸਟੋਨ ਕੋਲਡ ਕਿਲਰ' ਕਿਹਾ ਹੈ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਇਸ ਯੋਜਨਾ ਦਾ ਉਦੇਸ਼ ਸਿਰਫ਼ ਜੰਗਲੀ ਬਿੱਲੀਆਂ ਨੂੰ ਖਤਮ ਕਰਨਾ ਹੈ ਅਤੇ ਘਰੇਲੂ ਬਿੱਲੀਆਂ ਨੂੰ ਕੋਈ ਖ਼ਤਰਾ ਨਹੀਂ ਹੈ। ਪੋਟਾਕਾ ਨੇ ਇਹ ਵੀ ਕਿਹਾ ਕਿ ਇਹ ਬਿੱਲੀਆਂ ਸਿਰਫ਼ ਪ੍ਰਜਾਤੀਆਂ ਨੂੰ ਹੀ ਨੁਕਸਾਨ ਨਹੀਂ ਪਹੁੰਚਾਉਂਦੀਆਂ, ਸਗੋਂ ਇਹ ਟੌਕਸੋਪਲਾਜ਼ਮੋਸਿਸ ਵਰਗੀਆਂ ਬਿਮਾਰੀਆਂ ਵੀ ਫੈਲਾਉਂਦੀਆਂ ਹਨ, ਜੋ ਇਨਸਾਨਾਂ ਅਤੇ ਦੁਧਾਰੂ ਪਸ਼ੂਆਂ ਦੋਵਾਂ ਲਈ ਖ਼ਤਰਾ ਹਨ। ਇਹ ਯੋਜਨਾ ਨਿਊਜ਼ੀਲੈਂਡ ਦੀ ਅਨੋਖੀ ਜਲਵਾਯੂ ਅਤੇ ਜੈਵ ਵਿਭਿੰਨਤਾ ਨੂੰ ਸੰਭਾਲਣ ਲਈ ਇੱਕ ਜ਼ਰੂਰੀ ਕਦਮ ਦੱਸਿਆ ਗਿਆ ਹੈ।
US ; Birthday ਪਾਰਟੀ 'ਚ ਚੱਲ ਗਈਆਂ ਤਾੜ-ਤਾੜ ਗੋਲ਼ੀਆਂ ! 4 ਲੋਕਾਂ ਦੀ ਮੌਤ, ਕਈ ਹੋਰ ਜ਼ਖ਼ਮੀ
NEXT STORY 
