ਕੋਪਨਹੇਗਨ (ਏਜੰਸੀ): ਡੈਨਮਾਰਕ ਵਿਚ ਬਰਡ ਫਲੂ ਦੇ ਫੈਲਣ ਤੋਂ ਬਾਅਦ 30,000 ਮੁਰਗੀਆਂ ਦੇ ਝੁੰਡ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਜਾਵੇਗਾ। ਡੈਨਿਸ਼ ਵੈਟਰਨਰੀ ਐਂਡ ਫੂਡ ਐਡਮਨਿਸਟ੍ਰੇਸ਼ਨ (ਡੀਵੀਐਫਏ) ਨੇ ਇਹ ਜਾਣਕਾਰੀ ਦਿੱਤੀ। ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਅਨੁਸਾਰ ਰਾਜਧਾਨੀ ਕੋਪੇਨਹੇਗਨ ਤੋਂ ਲਗਭਗ 188 ਕਿਲੋਮੀਟਰ ਦੱਖਣ-ਪੱਛਮ ਵਿਚ ਅਗਸਤਨਬਰਗ ਵਿਚ ਇਕ ਫਾਰਮ ਵਿਚ ਮੁਰਗੀਆਂ ਦੇ ਇਕ ਵੱਡੇ ਝੁੰਡ ਵਿਚ ਵਾਇਰਸ ਦਾ ਪਤਾ ਲਗਾਇਆ ਗਿਆ ਸੀ। ਨੈਸ਼ਨਲ ਐਮਰਜੈਂਸੀ ਮੈਨੇਜਮੈਂਟ ਏਜੰਸੀ ਦੇ ਸਹਿਯੋਗ ਨਾਲ ਡੀਵੀਐਫਏ ਅਗਲੇ ਕੁਝ ਦਿਨਾਂ ਵਿੱਚ ਪੂਰੇ ਝੁੰਡ ਨੂੰ ਮਾਰ ਦੇਣ ਦੀ ਉਮੀਦ ਕਰਦਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਕੱਛੂਕੰਮੇ ਵਰਗੇ 'ਖੋਲ' ਨਾਲ ਪੈਦਾ ਹੋਇਆ ਮਾਸੂਮ, ਮਾਪੇ ਰਹਿ ਗਏ ਹੈਰਾਨ! (ਤਸਵੀਰਾਂ)
ਡੀਵੀਐਫਏ ਦੇ ਵੈਟਰਨਰੀ ਡਾਇਰੈਕਟਰ ਸਿਗਨੇ ਹਵਿਡਟ-ਨੀਲਸਨ ਨੇ ਕਿਹਾ ਕਿ "ਬਰਡ ਫਲੂ ਦਾ ਖ਼ਤਰਾ ਘੱਟ ਗਿਆ ਹੈ, ਪਰ ਇਹ ਬਿਮਾਰੀ ਅਜੇ ਵੀ ਝੁੰਡ ਨੂੰ ਪ੍ਰਭਾਵਤ ਕਰ ਸਕਦੀ ਹੈ। ਸਿਹਤ ਨਿਯਮਾਂ ਦੇ ਅਨੁਸਾਰ DVFA ਨੇ ਪ੍ਰਭਾਵਿਤ ਮੁਰਗੀਆਂ ਦੇ ਝੁੰਡ ਦੇ ਆਲੇ ਦੁਆਲੇ ਇੱਕ ਪਾਬੰਦੀ ਜ਼ੋਨ ਸਥਾਪਤ ਕੀਤਾ ਹੈ। 10 ਕਿਲੋਮੀਟਰ ਦੇ ਘੇਰੇ ਵਿੱਚ DVFA ਤੋਂ ਵਿਸ਼ੇਸ਼ ਇਜਾਜ਼ਤ ਤੋਂ ਬਿਨਾਂ ਆਂਡੇ ਜਾਂ ਪੋਲਟਰੀ ਨੂੰ ਲਿਜਾਣ ਦੀ ਮਨਾਹੀ ਹੈ ਅਤੇ ਜ਼ੋਨ ਦੇ ਅੰਦਰ ਸਾਰੇ ਪੋਲਟਰੀ ਮਾਲਕਾਂ ਨੂੰ ਆਪਣੇ ਪੰਛੀਆਂ ਦੇ ਝੁੰਡਾਂ ਨੂੰ ਰਜਿਸਟਰ ਕਰਨ ਦੀ ਲੋੜ ਹੈ। DVFA ਦੇ ਅਨੁਸਾਰ 2023 ਦੀ ਸ਼ੁਰੂਆਤ ਤੋਂ ਬਾਅਦ ਡੈਨਮਾਰਕ ਵਿੱਚ ਬਰਡ ਫਲੂ ਦਾ ਇਹ ਚੌਥਾ ਪ੍ਰਕੋਪ ਹੈ।ਇੱਕ ਵੱਡਾ ਚਿਕਨ ਫਾਰਮ, ਇੱਕ ਟਰਕੀ ਫਾਰਮ ਅਤੇ ਮੁਰਗੀਆਂ ਦਾ ਇੱਕ ਛੋਟਾ ਝੁੰਡ ਜਨਵਰੀ, ਫਰਵਰੀ ਅਤੇ ਮਾਰਚ ਵਿੱਚ ਪ੍ਰਭਾਵਿਤ ਹੋਇਆ ਸੀ। ਤਿੰਨ ਪ੍ਰਕੋਪ ਦੇ ਨਤੀਜੇ ਵਜੋਂ ਲਗਭਗ 65,000 ਪੰਛੀਆਂ ਨੂੰ ਮਾਰਿਆ ਗਿਆ। ਵੈਟਰਨਰੀ ਡਾਇਰੈਕਟਰ ਨੇ ਕਿਹਾ ਕਿ "ਜੇ ਲਾਗ ਦਾ ਦਬਾਅ ਅਤੇ ਜੋਖਮ ਕਾਫ਼ੀ ਵੱਧ ਜਾਂਦਾ ਹੈ ਤਾਂ ਅਸੀਂ ਉਦਯੋਗ ਲਈ ਪਾਬੰਦੀਆਂ ਨੂੰ ਦੁਬਾਰਾ ਸਖਤ ਕਰਨ ਲਈ ਤਿਆਰ ਹਾਂ।”
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕਾਂਗੋ 'ਚ ਘੱਟੋ-ਘੱਟ 60 ਲੋਕਾਂ ਦੀਆਂ ਮਿਲੀਆਂ ਲਾਸ਼ਾਂ
NEXT STORY 
