ਦਮਿਸ਼ਕ (ਯੂ. ਐੱਨ. ਆਈ.) : ਕੁਰਦ ਦੀ ਅਗਵਾਈ ਵਾਲੀ ਸੀਰੀਅਨ ਡੈਮੋਕ੍ਰੇਟਿਕ ਫੋਰਸਿਜ਼ (ਐੱਸ. ਡੀ. ਐੱਫ.) ਦੇ ਲੜਾਕਿਆਂ ਨੇ ਉੱਤਰੀ ਸੀਰੀਆ ਦੇ ਅਲੇਪੋ ਸੂਬੇ ਵਿਚ ਤਿਸ਼ਰੀਨ ਡੈਮ ਨੇੜੇ ਤੁਰਕੀ ਸਮਰਥਿਤ ਮਿਲੀਸ਼ੀਆ ਦੇ ਵਾਹਨਾਂ ਅਤੇ ਬਖਤਰਬੰਦ ਉਪਕਰਣਾਂ ਨੂੰ ਡਰੋਨ ਨਾਲ ਨਿਸ਼ਾਨਾ ਬਣਾਇਆ, ਜਿਸ ਵਿਚ ਮਿਲੀਸ਼ੀਆ ਦੇ ਅੱਠ ਮੈਂਬਰ ਮਾਰੇ ਗਏ।
ਸੀਰੀਅਨ ਆਬਜ਼ਰਵੇਟਰੀ ਫਾਰ ਹਿਊਮਨ ਰਾਈਟਸ ਅਨੁਸਾਰ, ਐੱਸਡੀਐੱਫ ਅਤੇ ਤੁਰਕੀ ਸਮਰਥਿਤ ਸੀਰੀਅਨ ਨੈਸ਼ਨਲ ਆਰਮੀ ਵਿਚਕਾਰ ਐਤਵਾਰ ਨੂੰ ਝੜਪਾਂ ਵਿੱਚ 8 SDF ਲੜਾਕੇ ਵੀ ਜ਼ਖਮੀ ਹੋਏ ਸਨ। SDF ਨੇ ਹਾਲਾਂਕਿ ਦਾਅਵਾ ਕੀਤਾ ਕਿ ਝੜਪਾਂ ਵਿਚ ਕਈ ਤੁਰਕੀ ਸਮਰਥਿਤ ਲੜਾਕੇ ਮਾਰੇ ਗਏ ਅਤੇ ਟੈਂਕਾਂ ਸਮੇਤ ਕਈ ਫੌਜੀ ਵਾਹਨ ਤਬਾਹ ਹੋ ਗਏ। ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ 12 ਦਸੰਬਰ ਨੂੰ ਸੰਘਰਸ਼ ਸ਼ੁਰੂ ਹੋਣ ਤੋਂ ਬਾਅਦ ਸੀਰੀਅਨ ਆਬਜ਼ਰਵੇਟਰੀ ਫਾਰ ਹਿਊਮਨ ਰਾਈਟਸ ਨੇ ਦੋਹਾਂ ਪੱਖਾਂ ਦੇ ਕਰੀਬ 440 ਲੋਕਾਂ ਦੇ ਮਾਰੇ ਜਾਣ ਦੀ ਪੁਸ਼ਟੀ ਕੀਤੀ ਹੈ। ਇਸ ਵਿਚ 44 ਨਾਗਰਿਕ, ਤੁਰਕੀ ਸਮਰਥਿਤ ਸਮੂਹਾਂ ਦੇ 321 ਲੜਾਕੇ ਅਤੇ SDF ਅਤੇ ਸਹਿਯੋਗੀਆਂ ਦੇ 75 ਲੜਾਕੂ ਸ਼ਾਮਲ ਹਨ।
ਇਹ ਵੀ ਪੜ੍ਹੋ : ਆਸਟ੍ਰੇਲੀਆ 'ਚ ਆਉਣ ਵਾਲਾ ਹੈ ਭਿਆਨਕ ਤੂਫ਼ਾਨ 'ਸ਼ੌਨ', ਐਮਰਜੈਂਸੀ ਚਿਤਾਵਨੀ ਜਾਰੀ
ਤੁਰਕੀ ਸੀਰੀਅਨ ਕੁਰਦਿਸ਼ ਪੀਪਲਜ਼ ਪ੍ਰੋਟੈਕਸ਼ਨ ਯੂਨਿਟਸ (ਵਾਈਪੀਜੀ) ਨੂੰ ਗੈਰ-ਕਾਨੂੰਨੀ ਕੁਰਦਿਸਤਾਨ ਵਰਕਰਜ਼ ਪਾਰਟੀ (ਪੀਕੇਕੇ) ਦੀ ਇੱਕ ਸ਼ਾਖਾ ਵਜੋਂ ਦੇਖਦਾ ਹੈ, ਜੋ ਕਿ ਐੱਸਡੀਐੱਫ ਦਾ ਮੁੱਖ ਧੜਾ ਹੈ। ਪੀਕੇਕੇ ਨੂੰ ਤੁਰਕੀ, ਅਮਰੀਕਾ ਅਤੇ ਯੂਰਪੀਅਨ ਯੂਨੀਅਨ ਦੁਆਰਾ ਇਕ ਅੱਤਵਾਦੀ ਸੰਗਠਨ ਵਜੋਂ ਸੂਚੀਬੱਧ ਕੀਤਾ ਗਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਭਾਰਤੀ ਭਾਈਚਾਰੇ ਨੇ Trump ਨੂੰ ਦਿੱਤੀ ਵਧਾਈ, ਦੋਵਾਂ ਦੇਸ਼ਾਂ ਵਿਚਾਲੇ ਮਜ਼ਬੂਤ ਸਬੰਧਾਂ ਦੀ ਜਤਾਈ ਉਮੀਦ
NEXT STORY 
