ਲਾਹੌਰ: ਪਾਕਿਸਤਾਨ ਦੇ ਪੰਜਾਬ ਸੂਬੇ ਤੋਂ ਇੱਕ ਬੇਹੱਦ ਹੈਰਾਨੀਜਨਕ ਅਤੇ ਦਰਦਨਾਕ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਪ੍ਰਸ਼ਾਸਨ ਵੱਲੋਂ 9 ਸ਼ੇਰਾਂ ਅਤੇ 2 ਜਿਰਾਫਾਂ ਨੂੰ 'ਇੱਛਾ ਮੌਤ' (Euthanasia) ਦੇ ਦਿੱਤੀ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਜਾਨਵਰ ਅਜਿਹੀਆਂ ਖ਼ਤਰਨਾਕ ਅਤੇ ਲਾਇਲਾਜ ਬੀਮਾਰੀਆਂ ਨਾਲ ਜੂਝ ਰਹੇ ਸਨ, ਜਿਨ੍ਹਾਂ ਦਾ ਕੋਈ ਇਲਾਜ ਸੰਭਵ ਨਹੀਂ ਸੀ।
ਜਾਣਕਾਰੀ ਅਨੁਸਾਰ, ਇਹ ਜਾਨਵਰ ਪਾਕਿਸਤਾਨ ਦੇ ਵੱਖ-ਵੱਖ ਚਿੜੀਆਘਰਾਂ ਅਤੇ ਲਾਹੌਰ ਦੇ ਸਫਾਰੀ ਪਾਰਕ ਵਿੱਚ ਰੱਖੇ ਗਏ ਸਨ। ਪਾਕਿਸਤਾਨ ਪੰਜਾਬ ਦੀ ਸੀਨੀਅਰ ਮੰਤਰੀ ਮਰੀਅਮ ਔਰੰਗਜ਼ੇਬ ਨੇ ਦੱਸਿਆ ਕਿ ਇਹ ਜਾਨਵਰ ਵੰਸ਼ਾਨੁਗਤ (Hereditary) ਬੀਮਾਰੀਆਂ ਤੋਂ ਪੀੜਤ ਸਨ। ਵੈਟਰਨਰੀ ਡਾਕਟਰਾਂ ਅਤੇ ਵਾਈਲਡਲਾਈਫ ਮਾਹਿਰਾਂ ਦੀ ਇੱਕ ਕਮੇਟੀ ਨੇ ਇਨ੍ਹਾਂ ਦੇ ਕੇਸਾਂ ਦੀ ਜਾਂਚ ਕੀਤੀ ਅਤੇ ਪਾਇਆ ਕਿ ਜਾਨਵਰਾਂ ਦੀ ਤਕਲੀਫ ਬਹੁਤ ਜ਼ਿਆਦਾ ਵਧ ਚੁੱਕੀ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਹੋਰ ਪੀੜਾ ਤੋਂ ਬਚਾਉਣ ਲਈ ਇਹ ਸਖ਼ਤ ਕਦਮ ਚੁੱਕਿਆ ਗਿਆ।
ਕੁਝ ਸ਼ੇਰ ਹੋ ਚੁੱਕੇ ਸਨ ਅਪਾਹਜ
ਅਧਿਕਾਰੀਆਂ ਨੇ ਦੱਸਿਆ ਕਿ ਜਿਨ੍ਹਾਂ 9 ਸ਼ੇਰਾਂ ਨੂੰ ਮੌਤ ਦਿੱਤੀ ਗਈ ਹੈ, ਉਨ੍ਹਾਂ ਵਿੱਚੋਂ ਕਈ ਪਿਛਲੇ ਕਈ ਹਫ਼ਤਿਆਂ ਤੋਂ ਬੀਮਾਰ ਸਨ ਅਤੇ ਉਨ੍ਹਾਂ ਵਿੱਚ ਸਰੀਰਕ ਅਪਾਹਜਤਾ (Disability) ਵੀ ਵਿਕਸਿਤ ਹੋ ਗਈ ਸੀ। ਇਨ੍ਹਾਂ ਵਿੱਚੋਂ 7 ਸ਼ੇਰ ਸਫਾਰੀ ਪਾਰਕ ਦੇ ਸਨ, ਜਦਕਿ 2 ਹੋਰ ਚਿੜੀਆਘਰਾਂ ਤੋਂ ਲਿਆਂਦੇ ਗਏ ਸਨ। ਜਿਰਾਫਾਂ ਦੀ ਗੱਲ ਕਰੀਏ ਤਾਂ ਇਨ੍ਹਾਂ ਨੂੰ ਅਕਤੂਬਰ 2025 ਵਿੱਚ ਦੱਖਣੀ ਅਫਰੀਕਾ ਤੋਂ ਲਿਆਂਦਾ ਗਿਆ ਸੀ।
ਕੀ ਕਹਿੰਦਾ ਹੈ ਕਾਨੂੰਨ?
ਮੰਤਰੀ ਅਨੁਸਾਰ, ਲਾਇਲਾਜ ਬੀਮਾਰੀਆਂ ਨਾਲ ਜੂਝ ਰਹੇ ਜਾਨਵਰਾਂ ਨੂੰ ਹੋਰ ਤੜਫਣ ਤੋਂ ਬਚਾਉਣ ਲਈ 'ਇੱਛਾ ਮੌਤ' ਦੇਣਾ ਇੱਕ ਵਿਸ਼ਵਵਿਆਪੀ ਮਿਆਰੀ ਅਭਿਆਸ ਹੈ। ਪਾਕਿਸਤਾਨ ਦੇ ਵਾਈਲਡਲਾਈਫ ਕਾਨੂੰਨ ਵਿੱਚ ਵੀ ਇਸ ਦਾ ਪ੍ਰਬੰਧ ਕੀਤਾ ਗਿਆ ਹੈ, ਜਿਸ ਦੇ ਤਹਿਤ ਹੀ ਇਹ ਕਾਰਵਾਈ ਕੀਤੀ ਗਈ ਹੈ।
ਜਾਂਚ ਲਈ ਕਮੇਟੀ ਗਠਿਤ
ਇਸ ਘਟਨਾ ਤੋਂ ਬਾਅਦ ਪ੍ਰਸ਼ਾਸਨ ਪੂਰੀ ਤਰ੍ਹਾਂ ਚੌਕਸ ਹੋ ਗਿਆ ਹੈ ਤਾਂ ਜੋ ਪਾਰਕ ਵਿੱਚ ਹੋਰ ਜਾਨਵਰਾਂ ਦੀ ਮੌਤ ਨਾ ਹੋਵੇ। ਪੂਰੇ ਮਾਮਲੇ ਦੀ ਤਹਿ ਤੱਕ ਜਾਣ ਅਤੇ ਜਾਨਵਰਾਂ ਦੀ ਸਿਹਤ ਦੀ ਨਿਗਰਾਨੀ ਲਈ ਇੱਕ ਵਿਸ਼ੇਸ਼ ਜਾਂਚ ਕਮੇਟੀ ਬਣਾਈ ਗਈ ਹੈ।
ਸਾਬਕਾ ਬਲੋਚ ਮੁੱਖ ਮੰਤਰੀ ਬੋਲੇ- ਬਲੋਚਿਸਤਾਨ ਹੁਣ ਪਾਕਿ ਦਾ ਹਿੱਸਾ ਨਹੀਂ ਰਹੇਗਾ
NEXT STORY 
