ਲੰਡਨ (ਬਿਊਰੋ): ਪੱਛਮੀ ਲੰਡਨ ਦੇ ਇੱਕ ਹਸਪਤਾਲ ਨੇ ਸਟ੍ਰੋਕ ਪੀੜਤ ਇਕ 71 ਸਾਲਾ ਸਿੱਖ ਦੇ ਪਰਿਵਾਰ ਦੀ ਸਹਿਮਤੀ ਤੋਂ ਬਿਨਾਂ ਉਸਦੀ ਦਾੜ੍ਹੀ ਹਟਾ ਕੇ ਉਸ ਦੇ ਧਾਰਮਿਕ ਵਿਸ਼ਵਾਸਾਂ ਦੀ ਉਲੰਘਣਾ ਕੀਤੀ ਹੈ।ਬਜ਼ੁਰਗ ਸਿੱਖ ਸਟ੍ਰੋਕ ਨਾਲ ਪੀੜਤ ਹੋਣ ਤੋਂ ਬਾਅਦ ਬੋਲਣ ਵਿਚ ਅਸਮਰੱਥ ਸੀ। ਘਟਨਾ ਮਗਰੋਂ ਪਰਿਵਾਰ ਸੁਰੱਖਿਆ ਕਾਰਨਾਂ ਕਾਰਨ ਆਪਣਾ ਨਾਮ ਜ਼ਾਹਰ ਨਹੀਂ ਕਰਨਾ ਚਾਹੁੰਦਾ।
ਈਲਿੰਗ ਦੇ ਰਹਿਣ ਵਾਲੇ ਇਸ ਸਿੱਖ ਨੂੰ ਹਿਲਿੰਗਡਨ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ, ਜਿੱਥੇ ਉਸ ਦੀ ਇਜਾਜ਼ਤ ਲਏ ਬਿਨਾਂ ਜਾਂ ਉਸ ਦੇ ਪਰਿਵਾਰ ਦੀ ਸਹਿਮਤੀ ਲਏ ਬਿਨਾਂ ਉਸ ਦੀ ਦਾੜ੍ਹੀ ਕੱਟ ਦਿੱਤੀ ਗਈ। ਪਰਿਵਾਰ ਦਾ ਦਾਅਵਾ ਹੈ ਕਿ ਹਿਲਿੰਗਡਨ ਹਸਪਤਾਲ ਦੇ ਸਟਾਫ ਨੂੰ ਇਸ ਬਾਰੇ ਜਾਣਕਾਰੀ ਸੀ ਕਿ ਸਿੱਖ ਧਰਮ ਵਿੱਚ ਦਾੜ੍ਹੀ ਰੱਖਣ ਦਾ ਕਿੰਨਾ ਮਹੱਤਵ ਹੈ।ਪਰਿਵਾਰ ਦਾ ਮੰਨਣਾ ਹੈ ਕਿ ਵੀਡੀਓ ਕਾਲ ਦੌਰਾਨ ਸਟਾਫ ਨੇ ਪੀੜਤ ਦੇ ਚਿਹਰੇ 'ਤੇ ਮਾਸਕ ਪਵਾ ਕੇ ਉਸ ਦੀ ਠੋਡੀ ਨੂੰ ਢੱਕ ਕੇ ਆਪਣੀ ਗਲਤੀ ਨੂੰ ਲੁਕਾਉਣ ਦੀ ਕੋਸ਼ਿਸ਼ ਕੀਤੀ।
ਪਿਛਲੇ ਹਫ਼ਤੇ ਉਸ ਦੀ ਧੀ ਨੇ ਜਦੋਂ ਵੀਡੀਓ ਕਾਲ ਕੀਤੀ ਤਾਂ ਦੇਖਿਆ ਕਿ ਉਸ ਦੇ ਪਿਤਾ ਨੇ ਅਸਧਾਰਨ ਤੌਰ 'ਤੇ ਇੱਕ ਆਮ ਮਾਸਕ ਪਾਇਆ ਹੋਇਆ ਸੀ। ਉਸਨੂੰ ਦੱਸਿਆ ਗਿਆ ਸੀ ਕਿ ਇਹ ਕੋਵਿਡ ਦੇ ਕਾਰਨ ਸੀ।ਅਗਲੇ ਦਿਨ ਵਾਰਡ ਮੈਨੇਜਰ ਨੂੰ ਸ਼ਿਕਾਇਤ ਕੀਤੀ ਗਈ ਅਤੇ ਉਸ ਦੇ ਪੂਰੇ ਚਿਹਰੇ ਨੂੰ ਦਿਖਾਉਣ ਵਾਲੀ ਇੱਕ ਵੀਡੀਓ ਕਾਲ ਦੀ ਆਗਿਆ ਦਿੱਤੀ ਗਈ।ਉਸ ਦੇ ਪਰਿਵਾਰਕ ਮੈਂਬਰ ਇਹ ਦੇਖ ਕੇ ਹੈਰਾਨ ਰਹਿ ਗਏ ਕਿ ਉਨ੍ਹਾਂ ਦੇ ਪਿਤਾ ਦੀਆਂ ਮੁੱਛਾਂ ਅਤੇ ਦਾੜ੍ਹੀ ਨੂੰ ਸਟਾਫ ਦੁਆਰਾ ਕੱਟਿਆ ਗਿਆ ਸੀ ਅਤੇ ਉਨ੍ਹਾਂ ਨੇ ਉਸਦੇ ਚਿਹਰੇ ਦੇ ਵਾਲ ਕੱਟਣ ਲਈ ਕੋਈ ਕਲੀਨੀਕਲ ਤਰਕ ਨਹੀਂ ਦਿੱਤਾ।
ਪੜ੍ਹੋ ਇਹ ਅਹਿਮ ਖਬਰ- ਕੈਨੇਡਾ 'ਚ ਮੁੜ ਵਧਿਆ ਕੋਰੋਨਾ ਦਾ ਕਹਿਰ, ਕੇਸਾਂ ਦੀ ਗਿਣਤੀ 1.65 ਮਿਲੀਅਨ ਤੋਂ ਪਾਰ
ਉਸ ਦੀ ਧੀ ਮਨਪ੍ਰੀਤ ਨੇ ਮਾਈ ਲੰਡਨ ਨੂੰ ਦੱਸਿਆ,“ਮੈਂ ਇਹ ਦੇਖ ਕੇ ਟੁੱਟ ਗਈ ਅਤੇ ਰੋਣ ਲੱਗ ਪਈ।'' ਧੀ ਮੁਤਾਬਕ,“ਹਸਪਤਾਲ ਦੇ ਸਟਾਫ ਨੇ ਜਿਸ ਤਰੀਕੇ ਨਾਲ ਆਪਣੀ ਗਲਤੀ ਨੂੰ ਲੁਕੋਇਆ, ਇਸ ਨੇ ਹਾਲਾਤ ਨੂੰ ਹੋਰ ਵੀ ਬਦਤਰ ਬਣਾ ਦਿੱਤਾ। ਅਸੀਂ ਇੱਕ ਪਰਿਵਾਰ ਦੇ ਰੂਪ ਵਿੱਚ ਸਿਰਫ ਇੱਕ ਲਿਖਤੀ ਮੁਆਫੀ ਚਾਹੁੰਦੇ ਸੀ ਪਰ ਉਨ੍ਹਾਂ ਨੇ ਅਜਿਹਾ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਸਟਾਫ ਸੱਚਮੁੱਚ ਬੇਰਹਿਮ ਸੀ ਅਤੇ ਹੁਣ ਉਨ੍ਹਾਂ ਨੇ ਸਾਨੂੰ ਉਹਨਾਂ ਨਾਲ ਕੋਈ ਵੀ ਵੀਡੀਓ ਕਾਲ ਕਰਨ ਤੋਂ ਰੋਕ ਦਿੱਤਾ ਹੈ।'' ਧੀ ਨੇ ਅੱਗੇ ਕਿਹਾ, “ਅਸੀਂ ਐਨਐਚਐਸ ਤੋਂ ਨਾਖੁਸ਼ ਹਾਂ ਅਤੇ ਅਸੀਂ ਇਸ ਮਾਮਲੇ ਨੂੰ ਹੋਰ ਅੱਗੇ ਵਧਾਉਣਾ ਚਾਹੁੰਦੇ ਹਾਂ। ਮੈਂ ਕਿਸੇ ਹੋਰ ਨੂੰ ਵੀ ਅਜਿਹਾ ਕਰਨ ਲਈ ਉਤਸ਼ਾਹਿਤ ਕਰਾਂਗੀ ਜਿਸ ਨਾਲ ਅਜਿਹਾ ਹੋਇਆ ਹੈ। ਇਹ ਸਹੀ ਨਹੀਂ ਹੈ।”
ਸਿੰਘ ਦੀ ਧੀ ਹੁਣ ਸਿੱਖ ਫੈਡਰੇਸ਼ਨ (ਯੂਕੇ) ਤੱਕ ਪਹੁੰਚ ਕਰ ਚੁੱਕੀ ਹੈ, ਜਿਸ ਨੇ ਸਿਹਤ ਅਤੇ ਸਮਾਜਕ ਦੇਖਭਾਲ ਲਈ ਰਾਜ ਦੇ ਸਕੱਤਰ ਸਾਜਿਦ ਜਾਵਿਦ ਨੂੰ ਪੱਤਰ ਲਿਖਿਆ ਹੈ।ਸਿੱਖ ਫੈਡਰੇਸ਼ਨ (ਯੂਕੇ) ਨੇ ਹਿਲਿੰਗਡਨ ਹਸਪਤਾਲ ਐਨਐਚਐਸ ਫਾਊਂਡੇਸ਼ਨ ਟਰੱਸਟ ਦੀ ਮੁੱਖ ਕਾਰਜਕਾਰੀ ਪੈਟਰੀਸ਼ੀਆ ਰਾਈਟ ਨੂੰ ਵੀ ਪੱਤਰ ਲਿਖ ਕੇ ਜਵਾਬ ਮੰਗਿਆ ਹੈ ਅਤੇ ਘਟਨਾ ਦੀ ਪੂਰੀ ਜਾਂਚ ਦੀ ਮੰਗ ਕੀਤੀ ਹੈ।ਪਰਿਵਾਰ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਕਾਨੂੰਨ ਦੀ ਪਾਲਣਾ ਕਰਨ ਵਿੱਚ ਅਸਫਲ ਰਹਿਣ ਲਈ ਹਿਲਿੰਗਡਨ ਹਸਪਤਾਲ ਐਨਐਚਐਸ ਫਾਊਂਡੇਸ਼ਨ ਟਰੱਸਟ 'ਤੇ ਮੁਕੱਦਮਾ ਕਰ ਸਕਦਾ ਹੈ।
ਸਿੱਖ ਫੈਡਰੇਸ਼ਨ (ਯੂਕੇ) ਦੇ ਪ੍ਰਧਾਨ ਭਾਈ ਅਮਰੀਕ ਸਿੰਘ ਨੇ ਕਿਹਾ,“ਬਿਨਾਂ ਸਹਿਮਤੀ ਅਤੇ ਬਿਨਾਂ ਕਿਸੇ ਕਲੀਨਿਕਲ ਤਰਕ ਦੇ ਸਿੱਖ ਦੇ ਵਾਲ ਕੱਟੇ ਜਾਣ ਦੇ ਪ੍ਰਭਾਵ ਨੂੰ ਸ਼ਬਦਾਂ ਵਿੱਚ ਬਿਆਨ ਕਰਨਾ ਅਸੰਭਵ ਹੈ। ਇਹ ਮਰੀਜ਼ਾਂ ਦੇ ਮਨੁੱਖੀ ਅਧਿਕਾਰਾਂ ਦੀ ਘੋਰ ਉਲੰਘਣਾ ਹੈ ਜਿਸਦੇ ਲਈ ਸਜ਼ਾ ਮਿਲਣੀ ਚਾਹੀਦੀ ਹੈ।'' ਹਿਲਿੰਗਡਨ ਹਸਪਤਾਲ ਐਨਐਚਐਸ ਫਾਊਂਡੇਸ਼ਨ ਟਰੱਸਟ ਦੇ ਬੁਲਾਰੇ ਨੇ ਕਿਹਾ,“ਅਸੀਂ ਕਿਸੇ ਵੀ ਪ੍ਰੇਸ਼ਾਨੀ ਲਈ ਪਰਿਵਾਰ ਤੋਂ ਮੁਆਫੀ ਮੰਗਣਾ ਚਾਹਾਂਗੇ।'' ਮਰੀਜ਼ ਦੀ ਦੇਖਭਾਲ ਦੌਰਾਨ ਇਹ ਸਾਡੀ ਇੱਕ ਇਮਾਨਦਾਰ ਗਲਤੀ ਸੀ ਅਤੇ ਅਸੀਂ ਇਸ ਘਟਨਾ ਦੀ ਜਾਂਚ ਕੀਤੀ ਹੈ। ਅਸੀਂ ਪਰਿਵਾਰ ਨਾਲ ਲਗਾਤਾਰ ਸੰਪਰਕ ਵਿੱਚ ਹਾਂ ਅਤੇ ਸਾਡੀ ਮੁੱਖ ਕਾਰਜਕਾਰੀ, ਪੈਟਰੀਸ਼ੀਆ ਰਾਈਟ ਨੇ ਵੀ ਸਿੱਖ ਫੈਡਰੇਸ਼ਨ ਨਾਲ ਉਨ੍ਹਾਂ ਦੀਆਂ ਵਿਆਪਕ ਚਿੰਤਾਵਾਂ ਬਾਰੇ ਵਿਚਾਰ ਵਟਾਂਦਰੇ ਲਈ ਪਹੁੰਚ ਕੀਤੀ ਹੈ।
ਦੱਖਣੀ ਚੀਨ ਸਾਗਰ 'ਚ ਰਹੱਸਮਈ ਵਸਤੂ ਨਾਲ ਟਕਰਾਈ ਅਮਰੀਕੀ ਪਣਡੁੱਬੀ
NEXT STORY 
