ਬ੍ਰਾਸੀਲੀਆ (ਬਿਊਰੋ) ਇਹ ਕੁਦਰਤ ਕਈ ਰਹੱਸਾਂ ਨਾਲ ਭਰਪੂਰ ਹੈ, ਜਿਸ ਬਾਰੇ ਵਿਗਿਆਨੀ ਦਿਨ-ਰਾਤ ਅਧਿਐਨ ਕਰ ਰਹੇ ਹਨ। ਹੁਣ 3 ਸਾਲਾਂ ਦੀ ਯੋਜਨਾ, 4 ਮੁਹਿੰਮਾਂ, ਸੰਘਣੇ ਜੰਗਲਾਂ ਵਿੱਚ 2 ਹਫ਼ਤਿਆਂ ਦੀ ਖਤਰਨਾਕ ਯਾਤਰਾ ਤੋਂ ਬਾਅਦ ਵਿਗਿਆਨੀਆਂ ਦੀ ਇੱਕ ਟੀਮ ਆਖਰਕਾਰ ਐਮਾਜ਼ਾਨ ਦੇ ਜੰਗਲਾਂ ਵਿੱਚ ਸਭ ਤੋਂ ਉੱਚੇ ਰੁੱਖ ਤੱਕ ਪਹੁੰਚਣ ਵਿੱਚ ਸਫਲ ਹੋ ਗਈ। ਇਹ ਰੁੱਖ 25 ਮੰਜ਼ਿਲਾ ਇਮਾਰਤ ਜਿੰਨਾ ਉੱਚਾ ਹੈ। ਇਸ ਵਿਸ਼ਾਲ ਰੁੱਖ ਦੇ ਹੇਠਾਂ ਪਹੁੰਚ ਕੇ ਵਿਗਿਆਨੀਆਂ ਨੇ ਇਸ ਦੇ ਪੱਤੇ, ਮਿੱਟੀ ਅਤੇ ਹੋਰ ਨਮੂਨੇ ਇਕੱਠੇ ਕੀਤੇ, ਜਿਸ ਦੀ ਹੁਣ ਜਾਂਚ ਕੀਤੀ ਜਾਵੇਗੀ ਕਿ ਇਹ ਦਰਖਤ ਅਸਲ ਵਿੱਚ ਕਿੰਨਾ ਪੁਰਾਣਾ ਹੈ। ਇਸ ਦੇ ਘੱਟੋ-ਘੱਟ 400 ਤੋਂ 600 ਸਾਲ ਪੁਰਾਣਾ ਹੋਣ ਦਾ ਅੰਦਾਜ਼ਾ ਹੈ।
ਵਿਗਿਆਨੀ ਹੈਰਾਨ ਹਨ ਕਿ ਇਸ ਖੇਤਰ ਵਿੱਚ ਇੰਨੇ ਵੱਡੇ ਦਰੱਖਤ ਕਿਉਂ ਹਨ? ਇਸ ਦੇ ਨਾਲ ਹੀ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਉਹ ਕਿੰਨਾ ਕਾਰਬਨ ਜਮ੍ਹਾ ਕਰਦੇ ਹਨ। ਇਹ ਵਿਸ਼ਾਲ ਰੁੱਖ ਉੱਤਰੀ ਬ੍ਰਾਜ਼ੀਲ ਵਿੱਚ ਇਰਾਤਾਪੁਰ ਰਿਵਰ ਨੇਚਰ ਰਿਜ਼ਰਵ ਵਿੱਚ ਹੈ। ਐਂਜਲਿਮ ਵਰਮੇਲੋ (ਵਿਗਿਆਨਕ ਨਾਮ: ਡਿਨੀਜ਼ੀਆ ਐਕਸਲਸਾ) ਦਾ ਇਹ ਰੁੱਖ 88.5 ਮੀਟਰ (290 ਫੁੱਟ) ਉੱਚਾ ਹੈ ਅਤੇ ਇਸਦੀ ਮੋਟਾਈ ਲਗਭਗ 9.9 ਮੀਟਰ (32 ਫੁੱਟ) ਹੈ। ਇਹ ਐਮਾਜ਼ਾਨ ਵਿੱਚ ਪਾਇਆ ਗਿਆ ਹੁਣ ਤੱਕ ਦਾ ਸਭ ਤੋਂ ਵੱਡਾ ਰੁੱਖ ਹੈ। ਖੋਜੀਆਂ ਨੇ ਪਹਿਲੀ ਵਾਰ ਇੱਕ 3D ਮੈਪਿੰਗ ਪ੍ਰੋਜੈਕਟ ਦੇ ਹਿੱਸੇ ਵਜੋਂ 2019 ਵਿੱਚ ਸੈਟੇਲਾਈਟ ਚਿੱਤਰਾਂ ਵਿੱਚ ਇਸ ਵਿਸ਼ਾਲ ਰੁੱਖ ਨੂੰ ਦੇਖਿਆ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡੀਅਨ PM ਜਸਟਿਨ ਟਰੂਡੋ ਨੇ 200 ਫੁੱਟ ਉੱਚੇ ਟਾਵਰ ਤੋਂ ਮਾਰੀ ਛਾਲ (ਵੀਡੀਓ)
ਅਕਾਦਮਿਕਾਂ, ਵਾਤਾਵਰਣ ਵਿਗਿਆਨੀਆਂ ਅਤੇ ਸਥਾਨਕ ਗਾਈਡਾਂ ਦੀ ਇੱਕ ਟੀਮ ਨੇ ਫਿਰ ਰੁੱਖ ਤੱਕ ਪਹੁੰਚਣ ਦੀ ਕੋਸ਼ਿਸ਼ ਕਰਨ ਲਈ ਇੱਕ ਮੁਹਿੰਮ ਸ਼ੁਰੂ ਕੀਤੀ। ਪਰ ਉਹਨਾਂ ਨੂੰ ਮੁਸ਼ਕਲ ਇਲਾਕੇ ਵਿਚ 10 ਦਿਨ ਦੇ ਸਫ਼ਰ ਤੋਂ ਬਾਅਦ ਵਾਪਸ ਪਰਤਣਾ ਪਿਆ। ਇਸ ਤੋਂ ਬਾਅਦ ਖੋਜੀਆਂ ਨੇ ਕਿਸ਼ਤੀ ਰਾਹੀਂ 250 ਕਿਲੋਮੀਟਰ (155 ਮੀਲ) ਦਾ ਸਫ਼ਰ ਤੈਅ ਕੀਤਾ। ਇਸ ਦੇ ਨਾਲ ਹੀ ਉਸ ਰੁੱਖ ਤੱਕ ਪਹੁੰਚਣ ਲਈ ਪਹਾੜੀ ਜੰਗਲੀ ਖੇਤਰਾਂ ਵਿੱਚ 20 ਕਿਲੋਮੀਟਰ ਪੈਦਲ ਚੱਲੇ। ਇੱਕ ਆਦਮੀ ਜੋ ਰੁੱਖ 'ਤੇ ਚੜ੍ਹਿਆ ਸੀ, ਨੇ ਕਿਹਾ ਕਿ ਇਹ ਸਭ ਤੋਂ ਖੂਬਸੂਰਤ ਚੀਜ਼ਾਂ ਵਿੱਚੋਂ ਇੱਕ ਸੀ ਜੋ ਮੈਂ ਹੁਣ ਤੱਕ ਦੇਖੀ ਹੈ। ਤੁਸੀਂ ਇੱਕ ਜੰਗਲ ਦੇ ਵਿਚਕਾਰ ਪਹੁੰਚ ਜਾਂਦੇ ਹੋ ਜਿੱਥੇ ਮਨੁੱਖਾਂ ਨੇ ਪਹਿਲਾਂ ਕਦੇ ਪੈਰ ਨਹੀਂ ਰੱਖਿਆ।
ਵਿਗਿਆਨੀਆਂ ਦਾ ਮੰਨਣਾ ਹੈ ਕਿ ਇਸ ਖੇਤਰ ਦੇ ਵਿਸ਼ਾਲ ਰੁੱਖਾਂ ਦੇ ਭਾਰ ਦਾ ਅੱਧਾ ਹਿੱਸਾ ਵਾਯੂਮੰਡਲ ਵਿੱਚੋਂ ਕਾਰਬਨ ਸੋਖਦਾ ਹੈ। ਜੋ ਜਲਵਾਯੂ ਪਰਿਵਰਤਨ ਨੂੰ ਰੋਕਣ ਵਿੱਚ ਮਦਦ ਕਰਦਾ ਹੈ। ਇਸ ਦੇ ਬਾਵਜੂਦ ਇਨ੍ਹਾਂ ਰੁੱਖ ਦੀ ਹੋਂਦ ਖ਼ਤਰੇ ਵਿੱਚ ਹੈ। ਐਮਾਜ਼ਾਨ ਦੇ ਜੰਗਲਾਂ ਦੀ ਕਟਾਈ ਚਿੰਤਾਜਨਕ ਦਰ ਨਾਲ ਵਧ ਰਹੀ ਹੈ। ਪਿਛਲੇ ਤਿੰਨ ਸਾਲਾਂ ਵਿੱਚ ਬ੍ਰਾਜ਼ੀਲ ਦੇ ਐਮਾਜ਼ਾਨ ਵਿੱਚ ਔਸਤ ਸਾਲਾਨਾ ਜੰਗਲਾਂ ਦੀ ਕਟਾਈ ਪਿਛਲੇ ਦਹਾਕੇ ਦੇ ਮੁਕਾਬਲੇ 75 ਪ੍ਰਤੀਸ਼ਤ ਵੱਧ ਗਈ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਬੰਗਲਾਦੇਸ਼ 'ਚ ਮੁੜ ਹਿੰਦੂ ਮੰਦਰ 'ਤੇ ਹਮਲਾ, ਕੱਟੜਪੰਥੀਆਂ ਨੇ ਤੋੜੀ ਮਾਂ ਕਾਲੀ ਦੀ ਮੂਰਤੀ
NEXT STORY 
