ਇਸਲਾਮਾਬਾਦ—ਪਾਕਿਸਤਾਨ 'ਚ ਪਰਿਚਾਲਨ ਕਰ ਰਹੇ ਲਗਭਗ ਸਾਰੇ ਬੈਂਕਾਂ ਦੇ ਡਾਟਾ ਹੈਕ ਕੀਤੇ ਜਾਣ ਦਾ ਇਕ ਵੱਡਾ ਮਾਮਲਾ ਸਾਹਮਣੇ ਆਇਆ ਹੈ। ਮੀਡੀਆ 'ਚ ਪ੍ਰਕਾਸ਼ਿਤ ਇਕ ਰਿਪੋਰਟ 'ਚ ਸਾਈਬਰ ਅਪਰਾਧ ਵਿਭਾਗ ਦੇ ਇਕ ਸੀਨੀਅਰ ਅਧਿਕਾਰੀ ਦੇ ਹਵਾਲੇ ਤੋਂ ਇਹ ਗੱਲ ਕਹੀ ਗਈ ਹੈ। ਜਿਓ ਨਿਊਜ ਦੀ ਇਕ ਖਬਰ ਮੁਤਾਬਕ ਲਗਭਗ 10 ਬੈਂਕਾਂ ਵਲੋਂ ਸਾਰੇ ਅੰਤਰਰਾਸ਼ਟਰੀ ਲੈਣ-ਦੇਣ 'ਤੇ ਰੋਕ ਲਗਾਏ ਜਾਣ ਦੇ ਲਗਭਗ 10 ਦਿਨ ਬਾਅਦ ਇਹ ਮਾਮਲਾ ਸਾਹਮਣੇ ਆਇਆ ਹੈ। ਕ੍ਰੇਡਿਟ ਅਤੇ ਡੇਬਿਟ ਕਾਰਡ ਨਾਲ ਜੁੜੇ ਡਾਟਾ 'ਚ ਸੇਂਧਮਾਰੀ ਨੂੰ ਲੈ ਕੇ ਚਿੰਤਾ ਜਤਾਏ ਜਾਣ ਦੇ ਬਾਅਦ ਬੈਂਕਾਂ ਨੇ ਇਹ ਕਦਮ ਚੁੱਕਿਆ ਸੀ। ਫੈਡਰਲ ਇੰਵੈਸਟੀਗੇਸ਼ਨ ਏਜੰਸੀ (ਐੱਫ.ਆਈ.ਏ.) ਦੇ ਸਾਈਬਰ ਅਪਰਾਧ ਸ਼ਾਖਾ ਦੇ ਨਿਦੇਸ਼ਕ ਕੈਪਟਨ ਮੁਹੰਮਦ ਸ਼ੋਇਬ ਨੇ ਚੌਂਕਾਉਣ ਵਾਲੇ ਖੁਲਾਸੇ ਕਰਦੇ ਹੋਏ ਕਿਹਾ ਕਿ ਸਾਨੂੰ ਹਾਲ ਹੀ 'ਚ ਪ੍ਰਾਪਤ ਰਿਪੋਰਟ ਮੁਤਾਬਕ ਲਗਭਗ ਸਾਰੇ ਬੈਂਕਾਂ ਦੇ ਡਾਟਾ ਕਥਿਤ ਤੌਰ 'ਤੇ ਹੈਕ ਕਰ ਲਿਆ ਗਿਆ। ਉਨ੍ਹਾਂ ਨੇ ਕਿਹਾ ਕਿ ਐੱਫ.ਆਈ.ਏ. ਨੇ ਸਾਰੇ ਬੈਂਕਾਂ ਨੂੰ ਇਸ ਪੱਤਰ ਲਿਖਿਆ ਹੈ ਅਤੇ ਬੈਂਕਾਂ ਦੇ ਪ੍ਰਮੁੱਖਾਂ ਅਤੇ ਸੁਰੱਖਿਆ ਪ੍ਰਬੰਧਨਾਂ ਦੀ ਇਕ ਬੈਠਕ ਬੁਲਾਈ ਜਾ ਰਹੀ ਹੈ।
ਪੂਰੇ ਬੂਥ 'ਚ ਹੀ ਵੋਟਿੰਗ ਮਸ਼ੀਨਾਂ ਲਿਆਉਣਾ ਭੁੱਲ ਗਏ ਕਰਮਚਾਰੀ, ਲੋਕ ਪਹੁੰਚੇ ਤਾਂ ਖਾਲੀ ਮਿਲੇ ਮੇਜ
NEXT STORY