ਇਸਲਾਮਾਬਾਦ- ਬਲੋਚਿਸਤਾਨ ਦੇ ਹਰਨਾਈ ਜ਼ਿਲੇ ਦੇ ਸ਼ਾਹਰਾਗ ਖੇਤਰ ’ਚ ਅਣਪਛਾਤੇ ਹਥਿਆਰਬੰਦ ਵਿਅਕਤੀਆਂ ਨੇ ਲੋਕਾਂ ਦੇ ਇਕ ਸਮੂਹ ’ਤੇ ਗੋਲੀਬਾਰੀ ਕੀਤੀ, ਜਿਸ ਵਿਚ ਘੱਟੋ-ਘੱਟ 5 ਵਿਅਕਤੀ ਮਾਰੇ ਗਏ ਅਤੇ 3 ਹੋਰ ਜ਼ਖਮੀ ਹੋ ਗਏ।
ਸਰਹੱਦ ਪਾਰਲੇ ਸੂਤਰਾਂ ਅਨੁਸਾਰ ਹਮਲਾਵਰਾਂ ਨੇ ਸ਼ੇਖ ਮੂਸਾ ਬਾਬਾ ਚੌਕ ਨੇੜੇ ਇਕ ਚੈੱਕ ਪੋਸਟ ਬਣਾਈ ਸੀ ਅਤੇ ਯਾਤਰੀਆਂ ਦੇ ਕੰਪਿਊਟਰਾਈਜ਼ਡ ਰਾਸ਼ਟਰੀ ਪਛਾਣ ਪੱਤਰਾਂ ਦੀ ਜਾਂਚ ਕਰ ਰਹੇ ਸਨ। ਜਦੋਂ ਕੁਝ ਸਥਾਨਕ ਲੋਕਾਂ ਨੇ ਚੈਕਿੰਗ ਦਾ ਵਿਰੋਧ ਕੀਤਾ ਤਾਂ ਅਣਪਛਾਤੇ ਹਥਿਆਰਬੰਦਾਂ ਨੇ ਭੀੜ ’ਤੇ ਗੋਲੀਬਾਰੀ ਕੀਤੀ। 4 ਲੋਕਾਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਇਕ ਗੰਭੀਰ ਜ਼ਖਮੀ ਵਿਅਕਤੀ ਦੀ ਇਲਾਜ ਲਈ ਕਵੇਟਾ ਲਿਜਾਂਦੇ ਸਮੇਂ ਮੌਤ ਹੋ ਗਈ। ਮ੍ਰਿਤਕਾਂ ਦੀ ਪਛਾਣ ਜ਼ਮਾਨ ਸ਼ਾਹ, ਜ਼ਿਆ-ਉੱਲ-ਹੱਕ, ਅਬਦੁਲ ਕਾਹਿਰ, ਜਮੀਅਤ ਉਲੇਮਾ-ਏ-ਇਸਲਾਮ ਦੇ ਨੇਤਾ ਮੌਲਵੀ ਜ਼ਾਹਿਦ ਸ਼ਾਹ ਅਤੇ ਇਕਰਾਮੁੱਲਾ ਸ਼ਾਹ ਵਜੋਂ ਹੋਈ ਹੈ। ਜ਼ਖਮੀਆਂ ਦੀ ਪਛਾਣ ਨਾਸਿਰ ਸ਼ਾਹ, ਮੁੱਲਾ ਸਮਦ ਅਤੇ ਸਾਕਿਬ ਸ਼ਾਹ ਵਜੋਂ ਹੋਈ ਹੈ।
ਅਮਰੀਕਾ-ਈਰਾਨ ਵਿਚਾਲੇ ਸਮਝੌਤੇ ਦੀ ਤਿਆਰੀ! ਰਾਸ਼ਟਰਪਤੀ ਟਰੰਪ ਦੀ ਮਨਜ਼ੂਰੀ ਦਾ ਇੰਤਜ਼ਾਰ
NEXT STORY 
