ਬ੍ਰਿਸਬੇਨ (ਸੁਰਿੰਦਰਪਾਲ ਸਿੰਘ ਖੁਰਦ): ਆਸਟ੍ਰੇਲੀਆ ਵਿਖੇ ਸੂਬਾ ਕੁਈਨਜ਼ਲੈਂਡ ਦੀ ਪ੍ਰੀਮੀਅਰ ਅਨਾਸਤਾਸ਼ੀਆ ਪਲਾਸਕਜ਼ੁਕ ਨੇ ਸੂਬੇ ‘ਚ ਕੋਰੋਨਾ ਦੇ 10 ਨਵੇਂ ਕੇਸ, ਜਿਨ੍ਹਾਂ ਵਿਚੋਂ 4 ਕੇਸ ਕਮਿਊਨਿਟੀ ਟ੍ਰਾਂਸਮਿਸ਼ਨ ਦੇ ਨਵੇਂ ਮਾਮਲੇ ਦਰਜ ਹੋਣ ਤੋਂ ਬਾਅਦ ‘ਗ੍ਰੇਟਰ ਬ੍ਰਿਸਬੇਨ’ ‘ਚ ਤਿੰਨ ਦਿਨਾਂ ਦੀ ਤਾਲਾਬੰਦੀ ਦਾ ਐਲਾਨ ਕੀਤਾ ਹੈ। ਤਾਲਾਬੰਦੀ ਅੱਜ ਸੋਮਵਾਰ ਸ਼ਾਮ ਪੰਜ ਵਜ਼ੇ ਤੋਂ ਬਾਅਦ ਇਪਸਵਿਚ, ਲੋਗਨ, ਰੈਡਲੈਂਡਜ਼, ਮੋਰਟਨ ਬੇਅ ਅਤੇ ਬ੍ਰਿਸਬੇਨ ਕੌਂਸਲ ਖੇਤਰਾਂ ‘ਚ ਲਾਗੂ ਹੋ ਜਾਵੇਗੀ।
ਸਕੂਲ ਮੰਗਲਵਾਰ ਤੋਂ ਬੰਦ ਹੋ ਜਾਣਗੇ ਅਤੇ ਗ੍ਰੇਟਰ ਬ੍ਰਿਸਬੇਨ ਦੇ ਲੋਕ ਸਿਰਫ ਕਰਿਆਨੇ ਦੀ ਖਰੀਦਾਰੀ, ਕਸਰਤ, ਕੰਮ ਅਤੇ ਡਾਕਟਰੀ ਦੇਖਭਾਲ ਵਰਗੇ ਜ਼ਰੂਰੀ ਕਾਰਨਾਂ ਕਰਕੇ ਆਪਣੇ ਘਰ ਛੱਡ ਸਕਣਗੇ ਤੇ ਮਾਸਕ ਲਾਜ਼ਮੀ ਹੋਵੇਗਾ। ਘਰਾਂ ਵਿਚ ਸਿਰਫ ਦੋ ਸੈਲਾਨੀਆਂ ਦੀ ਆਗਿਆ ਹੋਵੇਗੀ ਅਤੇ ਗ੍ਰੇਟਰ ਬ੍ਰਿਸਬੇਨ ਤੋਂ ਬਾਹਰ, ਇਕੱਠ 30 ਤੱਕ ਸੀਮਤ ਰਹੇਗਾ। ਪ੍ਰੀਮੀਅਰ ਅਨੁਸਾਰ 6 ਕੇਸ ਵਿਦੇਸ਼ ਤੋਂ ਅਤੇ 4 ਕਮਿਊਨਿਟੀ ਟਰਾਂਸਮਿਸ਼ਨ ਦੇ ਸਨ। ਇਨ੍ਹਾਂ ਵਿੱਚੋਂ ਦੋ ਮਾਮਲੇ ਸਟੈਫੋਰਡ ਇਲਾਕੇ ਦੇ 26 ਸਾਲਾ ਵਿਆਕਤੀ ਨਾਲ ਜੁੜੇ ਹੋਏ ਸਨ, ਜਿਸ ਨੂੰ ਵੀਰਵਾਰ ਰਾਤ ਨੂੰ ਯੂਕੇ ਦੇ ਸੰਕ੍ਰਮਣ ਦੇ ਪਾਜ਼ੇਟਿਵ ਟੈਸਟ ਕੀਤਾ ਸੀ।
ਪਲਾਸਕਜ਼ੁਕ ਨੇ ਕਿਹਾ,"ਫਿਲਹਾਲ ਦੋ ਕੇਸਾਂ ਦਾ ਅਣਜਾਣ ਮੂਲ ਹੈ। ਪਿਛਲੇ ਲੋਕਾਂ ਦੀ ਜਾਂਚ-ਪੜਤਾਲ ਕੀਤੀ ਜਾ ਰਹੀ ਹੈ ਪਰ ਸਾਨੂੰ ਵਿਸ਼ਵਾਸ ਹੈ ਕਿ ਉਨ੍ਹਾਂ ਵਿਚੋਂ ਇਕ ਪੀ. ਏ ਹਸਪਤਾਲ ਦੀ ਇਕ ਨਰਸ ਹੈ। ਉਨ੍ਹਾਂ ਕਿਹਾ ਕਿ ਮੈਨੂੰ ਕੁਈਨਜ਼ਲੈਂਡ ਸੂਬੇ ਦੀ ਸਿਹਤ ਦੀ ਚਿੰਤਾ ਹੈ।” ਸਾਨੂੰ ਲੰਬੇ ਸਮੇਂ ਤੋਂ ਤਾਲਾਬੰਦੀ ਤੋਂ ਬਚਣ ਲਈ ਤੁਰੰਤ ਤਾਲਾਬੰਦੀ ਦੀ ਲੋੜ ਹੈ। ਇਸ ਨਾਲ ਲੋਕਾਂ ਦੀਆਂ ਜ਼ਿੰਦਗੀਆਂ ਵਿਚ ਕੁਝ ਵਿਘਨ ਪਵੇਗਾ ਪਰ ਅਸੀਂ ਅਜਿਹਾ ਪਹਿਲਾਂ ਵੀ ਸਫਲਤਾ ਨਾਲ ਕਰ ਚੁੱਕੇ ਹਾਂ। ਗੌਰਤਲਬ ਹੈ ਕਿ ਹੁਣ ਤੱਕ ਸੂਬਾ ਕੁਈਨਜ਼ਲੈਂਡ ‘ਚ ਕੋਵਿਡ ਦੇ 1,446 ਕੇਸ ਦਰਜ ਹੋਏ ਸਨ ਅਤੇ 6 ਦੀ ਮੌਤ ਹੋਈ ਹੈ। ਤਕਰੀਬਨ 2,136,035 ਟੈਸਟ ਕਰਵਾਏ ਜਾ ਚੁੱਕੇ ਹਨ ਅਤੇ 71 ਐਕਟਿਵ (ਕਿਰਿਆਸ਼ੀਲ) ਕੇਸ ਹਨ।
ਨੋਟ- ‘ਗ੍ਰੇਟਰ ਬ੍ਰਿਸਬੇਨ’ ‘ਚ ਤਿੰਨ ਦਿਨਾਂ ਦੀ ਤਾਲਾਬੰਦੀ ਦਾ ਐਲਾਨ, ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਚੀਨ ਦੇ 'ਬੈਲਟ ਐਂਡ ਰੋਡ' ਪ੍ਰਾਜੈਕਟ ਨੂੰ ਝਟਕਾ ਦੇਣ ਲਈ ਬਾਈਡੇਨ ਨੇ ਦਿੱਤਾ ਇਹ ਸੁਝਾਅ
NEXT STORY 
