ਮੈਲਬੌਰਨ (ਬਿਊਰੋ): ਆਸਟ੍ਰੇਲੀਆਈ ਰਾਜ ਵਿਕਟੋਰੀਆ ਵਿਚ ਲਗਾਤਾਰ 38ਵਾਂ ਦਿਨ ਚੱਲ ਰਿਹਾ ਹੈ ਜਦੋਂਕਿ ਕੋਰੋਨਾ ਦਾ ਕੋਈ ਵੀ ਨਵਾਂ ਸਥਾਨਕ ਮਾਮਲਾ ਦਰਜ ਨਹੀਂ ਹੋਇਆ। ਲਗਾਤਾਰ 5 ਮਹੀਨੇ ਅੰਤਰ-ਰਾਸ਼ਟਰੀ ਫਲਾਈਟਾਂ ਬੰਦ ਰਹਿਣ ਪਿੱਛੋਂ ਹੁਣ ਮੁੜ ਤੋਂ ਚਾਲੂ ਕਰ ਦਿੱਤੀਆਂ ਗਈਆਂ ਹਨ। ਇਸ ਦੇ ਨਾਲ ਹੀ ਅੰਤਰ-ਰਾਸ਼ਟਰੀ ਉਡਾਣਾਂ ਦੇ ਖੋਲ੍ਹਣ ਨਾਲ ਅੱਜ ਮੈਲਬੌਰਨ ਦੇ ਅੰਤਰ ਰਾਸ਼ਟਰੀ ਹਵਾਈ ਅੱਡੇ 'ਤੇ ਸ੍ਰੀ ਲੰਕਾ ਤੋਂ ਪਹਿਲੀ ਫਲਾਈਟ ਯੂ.ਐਲ. 604 ਪਹੁੰਚੀ ਤਾਂ ਹਰ ਕਿਸੇ ਨੇ ਇਸ ਫਲਾਈਟ ਦਾ ਸਵਾਗਤ ਕੀਤਾ।
ਵਿਕਟੋਰੀਆ ਦਾ ਹੋਟਲ ਕੁਆਰੰਟੀਨ ਪ੍ਰੋਗਰਾਮ ਮੁੜ ਤੋਂ ਚਾਲੂ ਕਰ ਦਿੱਤਾ ਗਿਆ ਹੈ। ਅੱਜ ਆਉਣ ਵਾਲੀ ਫਲਾਈਟ ਵਿਚ 253 ਯਾਤਰੀ ਹਨ ਅਤੇ ਇਨ੍ਹਾਂ ਵਿੱਚ 8 ਅੰਤਰ-ਰਾਸ਼ਟਰੀ ਯਾਤਰੀ ਵੀ ਸ਼ਾਮਲ ਹਨ। ਜ਼ਿਕਰਯੋਗ ਇਹ ਵੀ ਹੈ ਕਿ ਵਿਕਟੋਰੀਆ ਅੰਦਰ ਜਦੋਂ ਜੁਲਾਈ ਮਹੀਨੇ ਦੀ ਸ਼ੁਰੂਆਤ ਵਿਚ ਹੋਟਲ ਕੁਆਰੰਟੀਨ ਵਾਲਾ ਮਾਮਲਾ ਭਖਿਆ ਸੀ ਤਾਂ ਅੰਤਰ-ਰਾਸ਼ਟਰੀ ਯਾਤਰੀਆਂ ਦੇ ਦਾਖਲ ਹੋਣ 'ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਗਈ ਸੀ ਪਰ ਇਸ ਦੌਰਾਨ 18000 ਵਿਅਕਤੀ ਕੋਰੋਨਾ ਪੀੜਤ ਹੋ ਗਏ ਸਨ ਅਤੇ 800 ਕੀਮਤੀ ਜਾਨਾਂ ਵੀ ਗੁਆਣੀਆਂ ਪਈਆਂ ਸਨ।
ਹੁਣ ਮੁੜ ਤੋਂ ਸ਼ੁਰੂ ਕੀਤੇ ਗਏ ਹੋਟਲ ਕੁਆਰੰਟੀਨ ਵਿੱਚ 11 ਏਅਰਪੋਰਟ ਅਤੇ ਸੀ.ਬੀ.ਡੀ. ਹੋਟਲ ਸ਼ਾਮਲ ਹਨ ਅਤੇ ਇਨ੍ਹਾਂ ਵਿੰਚ ਸਟੈਮਫੋਰਡ ਦਾ ਹੋਟਲ ਵੀ ਸ਼ਾਮਿਲ ਹੈ ਜਿਸ ਵਿਚ ਕਿ ਜੂਨ ਦੇ ਮਹੀਨੇ ਵਿਚ ਕੋਰੋਨਾ ਦਾ ਇਨਫੈਕਸ਼ਨ ਵਧਿਆ ਸੀ। ਇਹ ਹੋਟਲ ਕਾਫੀ ਸੁਰਖੀਆਂ ਵਿਚ ਰਿਹਾ ਸੀ ਅਤੇ ਇਸ ਹੋਟਲ ਕੁਆਰੰਟੀਨ ਨੂੰ ਹੁਣ ਵਿਕਟੋਰੀਆ ਪੁਲਸ ਅਤੇ ਆਸਟ੍ਰੇਲੀਆਈ ਡਿਫੈਂਸ ਫੋਰਸ ਸੰਭਾਲ ਰਹੇ ਹਨ। ਹੋਟਲ ਕੁਆਰੰਟੀਨ ਹੋਣ ਵਾਲੇ ਯਾਤਰੀਆਂ ਲਈ 14 ਦਿਨਾਂ ਦੇ ਇਕਾਂਤਵਾਸ ਲਈ 3500 ਡਾਲਰ ਦੀ ਫੀਸ ਰੱਖੀ ਗਈ ਹੈ ਅਤੇ ਹੋਟਲ ਦੇ ਅੰਦਰ ਅਤੇ ਬਾਹਰ ਕਸਰਤ ਵਰਗੀਆਂ ਸਹੂਲਤਾਂ 'ਤੇ ਵੀ ਸੀਮਾ ਨਿਰਧਾਰਿਤ ਕੀਤੀ ਗਈ ਹੈ। ਅਜਿਹਾ ਇਹ ਇਸ ਲਈ ਕੀਤਾ ਗਿਆ ਹੈ ਤਾਂ ਜੋ ਕੋਈ ਵੀ ਬਿਨਾਂ ਦੱਸੇ ਹੋਟਲ ਤੋਂ ਬਾਹਰ ਜਾ ਹੀ ਨਾ ਸਕੇ।
ਪੜ੍ਹੋ ਇਹ ਅਹਿਮ ਖਬਰ- ਵਿਲੀਅਮ ਅਤੇ ਕੇਟ ਸਿਹਤ ਕਾਮਿਆਂ ਦਾ ਧੰਨਵਾਦ ਕਰਨ ਲਈ ਕਰਨਗੇ ਸ਼ਾਹੀ ਰੇਲ ਯਾਤਰਾ
ਕਿਉਂਕਿ ਹੁਣੇ ਸਾਹਮਣੇ ਆਏ ਇੱਕ ਮਾਮਲੇ ਵਿਚ ਦੋ ਜਰਮਨ ਯਾਤਰੀ ਜੋ ਕਿ ਟੋਕੀਓ ਤੋਂ ਆਏ ਸਨ ਪਰ ਸਿਡਨੀ ਵਿਚ ਉਤਰ ਕੇ ਉਹ ਕੁਆਰੰਟੀਨ ਨਹੀਂ ਹੋਏ ਅਤੇ ਸਿੱਧਾ ਮੈਲਬੌਰਨ ਲਈ ਵਰਜਿਨ ਫਲਾਈਟ ਨੰਬਰ ਵੀ.ਏ. 838 ਵਿਚ ਸਵਾਰ ਹੋ ਕੇ ਮੈਲਬੌਰਨ ਪਹੁੰਚ ਗਏ। ਇਸ ਕਾਰਨ ਉਨ੍ਹਾਂ ਯਾਤਰੀਆਂ ਨੂੰ ਤਾਂ ਹੁਣ ਹੋਟਲ ਕੁਆਰੰਟੀਨ ਹੋਣਾ ਹੀ ਪਿਆ ਸਗੋਂ ਉਨ੍ਹਾਂ ਦੇ ਨਾਲ-ਨਾਲ ਘੱਟੋ ਘੱਟ 200 ਹੋਰ ਯਾਤਰੀ ਅਤੇ ਕੁਝ ਕਰੂ ਮੈਂਬਰਾਂ ਨੂੰ ਵੀ ਸੈਲਫ-ਕੁਆਰੰਟੀਨ ਕੀਤਾ ਗਿਆ ਹੈ।
ਨੋਟ- ਆਸਟ੍ਰੇਲੀਆ ਵਿਚ ਅੰਤਰਰਾਸ਼ਟਰੀ ਯਾਤਰਾ ਸ਼ੁਰੂ ਹੋਣ ਸੰਬੰਧੀ ਖ਼ਬਰ ਬਾਰੇ ਦੱਸੋ ਆਪਣੀ ਰਾਏ।
ਫਰਿਜ਼ਨੋ 'ਚ ਪੰਜਾਬੀਆਂ ਨੇ ਕਿਸਾਨਾਂ ਦੇ ਹੱਕ 'ਚ ਟਰੱਕਾਂ-ਕਾਰਾਂ 'ਚ ਕੱਢੀ ਰੈਲੀ
NEXT STORY 
