ਬ੍ਰਿਸਬੇਨ (ਸੁਰਿੰਦਰਪਾਲ ਸਿੰਘ ਖੁਰਦ): ਆਸਟ੍ਰੇਲੀਆ ਦੇ ਸੂਬਾ ਕੁਈਨਜ਼ਲੈਂਡ ਵਿਖੇ 25 ਸਾਲਾ ਪੰਜਾਬੀ ਨੌਜਵਾਨ ਸਰਵਜੀਤ ਮੁੱਤੀ ਦੇ ਲਾਪਤਾ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਕੁਈਨਜਲੈਂਡ ਪੁਲਿਸ ਵਲੋਂ ਸਰਵਜੀਤ ਦੀ ਭਾਲ ਲਈ ਮੁਹਿੰਮ ਚਲਾਈ ਜਾ ਰਹੀ ਹੈ। ਸਰਵਜੀਤ ਮੁੱਤੀ ਨੂੰ ਆਖਰੀ ਵਾਰ ਕੱਲ੍ਹ ਰਾਤ ਕਰੀਬ 9:45 ਵਜੇ ਸੇਂਟ ਲੂਸ਼ੀਆ ਦੀ ਕੁਈਨਜ਼ਲੈਂਡ ਯੂਨੀਵਰਸਿਟੀ ਦੇ ਕੈਂਪਸ ਵਿਖੇ ਇਕ ਕਿਸ਼ਤੀ ਰੈਂਪ ਦੇ ਨੇੜੇ ਦੇਖਿਆ ਗਿਆ ਸੀ। ਉਸ ਦੇ ਬਾਅਦ ਉਸ ਨਾਲ ਕੋਈ ਵੀ ਸੰਪਰਕ ਨਹੀਂ ਹੋ ਸਕਿਆ।
ਵਾਟਰ ਪੁਲਿਸ ਵਲੋਂ ਕੱਲ੍ਹ ਰਾਤ ਉਸ ਸਥਾਨ 'ਤੇ ਛਾਣਬੀਣ ਕਰਦਿਆਂ ਨਦੀ ਵਿਚ ਵੀ ਖੋਜ ਕੀਤੀ ਗਈ ਜਦਕਿ ਖੇਤਰ ਦੀਆਂ ਪੈਦਲ ਗਸ਼ਤ ਦੇ ਨਾਲ-ਨਾਲ ਹਵਾਈ ਨਿਗਰਾਨੀ ਵੀ ਕੀਤੀ ਜਾ ਰਹੀ ਹੈ। ਸਰਵਜੀਤ ਮੁੱਤੀ ਬਾਰੇ ਪੁਲਿਸ ਵਲੋਂ ਚਿੰਤਾ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ, ਕਿਉਂਕਿ ਉਸਦਾ ਕੁਝ ਸਮਾਨ ਕਿਸ਼ਤੀ ਦੇ ਰੈਂਪ ਦੇ ਆਸ ਪਾਸ ਮਿਲਿਆ ਹੈ। ਸਰਵਜੀਤ ਲਗਭਗ 175 ਸੈਂਟੀਮੀਟਰ ਲੰਬਾ, ਸਾਂਵਲਾ ਰੰਗ, ਕਾਲੇ ਵਾਲ ਅਤੇ ਦਾੜ੍ਹੀ ਵਾਲਾ ਭਾਰਤੀ ਦੱਸਿਆ ਗਿਆ ਹੈ। ਉਸਨੇ ਲਾਪਤਾ ਹੋਣ ਸਮੇਂ ਪੀਲੇ ਰੰਗ ਦੀ ਕਮੀਜ਼, ਕਾਲੀ ਪੈਂਟ, ਕਾਲੀ ਦਸਤਾਰ ਅਤੇ ਚੱਪਲ ਪਹਿਨੀਆਂ ਹੋਈਆਂ ਸਨ। ਪੁਲਿਸ ਵਲੋਂ ਅਪੀਲ ਕੀਤੀ ਗਈ ਹੈ ਕਿ ਜਿਸਨੇ ਵੀ ਸਰਵਜੀਤ ਨੂੰ ਵੇਖਿਆ ਹੋਵੇ ਜਾਂ ਉਸਦਾ ਪਤਾ ਲੱਗੇ ਤਾਂ ਤੁਰੰਤ ਪੁਲਿਸ ਨਾਲ 131 444 'ਤੇ ਸੰਪਰਕ ਕਰਕੇ ਜਾਣਕਾਰੀ ਦਿਉ।
ਪੜ੍ਹੋ ਇਹ ਅਹਿਮ ਖਬਰ- ਨਿਊਯਾਰਕ 'ਚ ਪਹਿਲੇ ਪੰਜਾਬੀ ਸਿੱਖ ਦੀ ਕੋਰੋਨਾਵਾਇਰਸ ਨਾਲ ਮੌਤ
ਅਮਰੀਕਾ : ਇਕ ਦਿਨ 'ਚ 150 ਲੋਕਾਂ ਦੀ ਮੌਤ, 10,000 ਮਾਮਲੇ ਆਏ ਸਾਹਮਣੇ
NEXT STORY 
