ਨਿਊਯਾਰਕ (ਆਈ.ਏ.ਐੱਨ.ਐੱਸ.)— ਬੀਅਰ ਬਣਾਉਣ ਵਾਲੀਆਂ ਕੰਪਨੀਆਂ ਵਲੋਂ ਆਪਣੇ ਉਤਪਾਦਨਾਂ ਦੀ ਵਿਕਰੀ ਵਧਾਉਣ ਵਾਲੇ ਵਿਗਿਆਪਨ ਨਾਬਾਲਗਾਂ ਨੂੰ ਅਲਕੋਹਲ ਵਾਲੇ ਪਾਸੇ ਜਾਣ ਲਈ ਪ੍ਰਭਵਿਤ ਕਰ ਰਹੇ ਹਨ। ਇਸ ਦਾ ਜ਼ਿਕਰ ਇਕ ਨਵੇਂ ਅਧਿਐਨ 'ਚ ਕੀਤਾ ਗਿਆ ਹੈ।
ਐਡਿਕਟਿਵ ਬਿਹੇਵੀਅਰਜ਼ ਰਿਪੋਰਟਸ ਮੈਗੇਜ਼ੀਨ 'ਚ ਪ੍ਰਕਾਸ਼ਤ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਵਿਗਿਆਪਨ 'ਤੇ ਖਰਚੀ ਗਈ ਰਕਮ ਦਾ ਨਾਬਾਲਗਾਂ 'ਤੇ ਜ਼ੋਰਦਾਰ ਅਸਰ ਹੁੰਦਾ ਹੈ, ਜਿਸ ਨਾਲ ਉਹ ਇਨ੍ਹਾਂ ਉਤਪਾਦਾਂ ਦੀ ਵਰਤੋਂ ਕਰਨ ਵੱਲ ਉਤਸ਼ਾਹਿਤ ਹੁੰਦੇ ਹਨ। ਅਧਿਐਨ 'ਚ ਖੋਜਕਰਾਂ ਨੇ 1500 ਤੋਂ ਵਧੇਰੇ ਮਿਡਲ ਤੇ ਹਾਈ ਸਕੂਲ ਦੇ ਵਿਦਿਆਰਥੀਆਂ ਨੂੰ ਸ਼ਾਮਲ ਕੀਤਾ। ਅਧਿਐਨ ਦੌਰਾਨ ਖੁਲਾਸਾ ਹੋਇਆ ਕਿ 99 ਫੀਸਦੀ ਹਿੱਸਾ ਲੈਣ ਵਾਲਿਆਂ ਨੇ ਬੁਡਵੀਜ਼ਰ ਤੇ ਬਡ ਲਾਈਟ ਬਾਰੇ ਸੁਣਿਆ ਹੈ। ਇਹ ਕੰਪਨੀਆਂ ਵਿਗਿਆਪਨਾਂ 'ਤੇ ਖਰਚਾ ਕਰਨ ਦੇ ਮਾਮਲੇ 'ਚ ਚੋਟੀ 'ਤੇ ਹਨ, ਜਦਕਿ 44 ਫੀਸਦੀ ਨੇ ਕਿਹਾ ਕਿ ਉਨ੍ਹਾਂ ਨੇ ਇਨ੍ਹਾਂ ਬ੍ਰਾਂਡਸ ਦੀ ਵਰਤੋਂ ਕੀਤੀ ਹੈ।
ਅਮਰੀਕਾ ਦੇ ਆਇਓਵਾ ਸਟੇਟ ਯੂਨੀਵਰਸਿਟੀ ਦੇ ਸਟੱਡੀ ਰਿਸਰਚਰ ਡਗਲਸ ਜਾਇੰਟਲ ਨੇ ਕਿਹਾ ਅਸੀਂ ਇਸ ਇਕ ਅਧਿਐਨ ਨਾਲ ਇਹ ਨਹੀਂ ਕਹਿ ਸਕਦੇ ਕਿ ਇਸ਼ਤਿਹਾਰ ਦੇਣ ਵਾਲੇ ਖਾਸ ਕਰਕੇ ਨੌਜਵਾਨਾਂ ਨੂੰ ਨਿਸ਼ਾਨਾ ਬਣਾ ਰਹੇ ਹਨ, ਪਰ ਉਹ ਉਨ੍ਹਾਂ 'ਤੇ ਅਸਰ ਪਾ ਰਹੇ ਹਨ। ਜੇਕਰ ਤੁਸੀਂ ਬੀਅਰ ਦੇ ਵਿਗਿਆਪਨਾਂ 'ਤੇ ਨਜ਼ਰ ਮਾਰੋ ਤਾਂ ਐਡਵਰਟਾਈਜ਼ਰ ਆਪਣੀਆਂ ਚਾਲਾਂ ਰਾਹੀਂ ਬੱਚਿਆਂ ਦਾ ਧਿਆਨ ਖਿੱਚਦੇ ਹਨ। ਅਧਿਐਨ 'ਚ ਸ਼ਾਮਲ 55 ਫੀਸਦੀ ਹਿੱਸੇਦਾਰਾਂ ਨੇ ਸਾਲ 'ਚ ਘੱਟੋ ਘੱਟ ਇਕ ਵਾਰ ਅਲਕੋਹਲ ਦੀ ਵਰਤੋਂ ਕੀਤੀ ਸੀ, ਜਿਨ੍ਹਾਂ 'ਚੋਂ 31 ਫੀਸਦੀ ਨੇ ਇਕ ਮਹੀਨੇ 'ਚ ਇਸ ਦੀ ਵਰਤੋਂ ਕੀਤੀ ਤੇ ਹੋਰ 43 ਫੀਸਦੀ ਇਸ ਦੇ ਆਦੀ ਸਨ।
ਜਦੋਂ ਉਨ੍ਹਾਂ ਨੂੰ ਆਪਣੇ ਦੋ ਮਨਪਸੰਦ ਟੀਵੀ ਵਿਗਿਆਪਨਾਂ ਦਾ ਨਾਂ ਪੁੱਛਿਆ ਗਿਆ ਤਾਂ ਉਨ੍ਹਾਂ 'ਚੋਂ 32 ਫੀਸਦੀ ਨੇ ਅਲਕੋਹਲ ਦੇ ਇਸ਼ਤਿਹਾਰਾਂ ਦਾ ਜ਼ਿਕਰ ਕੀਤਾ ਜਦਕਿ 31 ਫੀਸਦੀ ਨੇ ਸਾਫ ਡ੍ਰਿੰਕ, 19 ਫੀਸਦੀ ਨੇ ਫੈਸ਼ਨ, 14 ਫੀਸਦੀ ਨੇ ਆਟੋਮੋਟਿਵ ਤੇ 9 ਫੀਸਦੀ ਨੇ ਸਪੋਰਟਸ ਦਾ ਜ਼ਿਕਰ ਕੀਤਾ। ਸਰਵੇਖਣ ਦੌਰਾਨ ਇਕ ਚੌਥਾਈ ਪਾਰਟੀਸਿਪੇਟਸ ਨੇ ਕਿਹਾ ਕਿ ਉਨ੍ਹਾਂ ਨੇ ਅਲਕੋਹਲ ਵਾਲੀਆਂ ਚੀਜ਼ਾਂ ਖਰੀਦੀਆਂ ਸਨ। ਅਧਿਐਨ ਨੇ ਇਹ ਵੀ ਪਾਇਆ ਕਿ ਨਾਬਾਲਗ ਸੋਸ਼ਲ ਮੀਡੀਆ ਦੀ ਵਧੇਰੇ ਵਰਤੋਂ ਕਰਦੇ ਹਨ ਤੇ ਇਸ ਲਈ ਵੀ ਉਨ੍ਹਾਂ 'ਤੇ ਵਿਗਿਆਪਨਾਂ ਦਾ ਜ਼ਿਆਦਾ ਅਸਰ ਰਹਿੰਦਾ ਹੈ।
200 ਤੋਂ ਵੱਧ ਬੱਚਿਆਂ ਦਾ ਡਾਕਟਰ ਨੇ ਕੀਤਾ ਯੌਨ ਸ਼ੋਸ਼ਣ, ਇੰਝ ਖੁੱਲ੍ਹਿਆ ਭੇਦ
NEXT STORY 
