ਇੰਟਰਨੈਸ਼ਨਲ ਡੈਸਕ: ਯੂਕੇ ਵਿੱਚ ਸਥਿਤ 360 ਤੋਂ ਵੱਧ ਸਿੱਖ ਸੰਗਠਨਾਂ ਦੇ ਪ੍ਰਤੀਨਿਧਾਂ ਨੇ ਦੇਸ਼ ਦੇ ਪਹਿਲੇ ਭਾਰਤੀ ਮੂਲ ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੂੰ ਪੱਤਰ ਲਿਖਿਆ ਹੈ, ਜਿਸ ਨੂੰ ਉਨ੍ਹਾਂ ਨੇ “ਕਮਿਊਨਿਟੀ ਦੀਆਂ ਚਿੰਤਾਵਾਂ” ਵਜੋਂ ਦੱਸਿਆ ਹੈ। ਯੂਕੇ ਦੇ ਸਿੱਖ ਫੈਡਰੇਸ਼ਨ ਦੇ ਬੁਲਾਰੇ ਅਨੁਸਾਰ ਇੱਕ ਖੁੱਲ੍ਹੇ ਪੱਤਰ ਵਿੱਚ ਸਿੱਖ ਸੰਗਠਨਾਂ ਨੇ ਸੁਨਕ ਦੀਆਂ “ਕਾਰਵਾਈਆਂ” ਨੂੰ “ਬਹੁਤ ਹੀ ਚਿੰਤਾਜਨਕ” ਦੱਸਿਆ ਹੈ, ਜੋ ਕਿ ਯੂਕੇ ਸਰਕਾਰ ਵੱਲੋਂ ਬ੍ਰਿਟਿਸ਼ ਸਿੱਖ ਭਾਈਚਾਰੇ ਪ੍ਰਤੀ ਸਪੱਸ਼ਟ ਤੌਰ ‘ਤੇ ਭਾਰਤ ਸਰਕਾਰ ਦੇ ਦਬਾਅ ਹੇਠ ਕੀਤੀਆਂ ਜਾ ਰਹੀਆਂ ਹਨ।"
ਯੂ. ਕੇ. ’ਚ ਸਿੱਖ ਫੈਡਰੇਸ਼ਨ ਨੇ ਪਾਕਿਸਤਾਨੀ ਜੀਓ ਟੀ. ਵੀ. ਦੇ ਇਕ ਲੇਖ ਨੂੰ ਰੀਟਵੀਟ ਕੀਤਾ ਹੈ, ਜਿਸ ’ਚ ਰਿਸ਼ੀ ਸੁਨਕ ’ਤੇ ਸਿੱਖ ਵਿਰੋਧੀ ਹੋਣ ਦਾ ਦੋਸ਼ ਲਗਾਇਆ ਗਿਆ ਹੈ। ਇਸ ਪੱਤਰ ਦੀ ਸ਼ਬਦਾਵਲੀ ਬਹੁਤ ਦਿਲਚਸਪ ਹੈ ਪਰ ਇਹ ਅੰਦਾਜ਼ਾ ਲਗਾਉਣਾ ਮੁਸ਼ਕਿਲ ਹੈ ਕਿ ਇਸ ਅਖੌਤੀ ਪੱਤਰ ਦਾ ਅਸਲ ਲੇਖਕ ਕੌਣ ਹੈ। ਕੀ ਇਹ ਪੱਤਰ ਪਾਕਿਸਤਾਨ ਵੱਲੋਂ ਲਿਖਿਆ ਗਿਆ ਹੈ ਅਤੇ ਯੂ. ਕੇ. ਦੇ ਖ਼ਾਲਿਸਤਾਨੀ ਸਮਰਥਕਾਂ ਵੱਲੋਂ ਦਸਤਖ਼ਤ ਕੀਤੇ ਗਏ ਹਨ? ਤੁਸੀਂ ਖ਼ੁਦ ਫ਼ੈਸਲਾ ਕਰੋ ਕਿ ਕੌਣ ਕਿਸ ਦੇ ਲਈ ਕੰਮ ਕਰ ਰਿਹਾ ਹੈ। ਟਵਿੱਟਰ ’ਤੇ ਵਰਲਡ ਸਿੱਖ ਫੈੱਡਰੇਸ਼ਨ (ਡਬਲਯੂ. ਐੱਸ. ਓ.) ਇਸ ਖਾਤੇ ਨੂੰ ਫਾਲੋ ਕਰ ਰਹੀ ਹੈ।
ਇਸ ਪੱਤਰ ਵਿੱਚ "ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਨਵੰਬਰ 2015 ਦੀ ਯੂਕੇ ਫੇਰੀ ਤੋਂ ਪਹਿਲਾਂ ਭਾਰਤੀ ਹਾਈ ਕਮਿਸ਼ਨ ਦੇ ਬਾਹਰ ਸ਼ਾਂਤਮਈ ਵਿਰੋਧ ਪ੍ਰਦਰਸ਼ਨਾਂ 'ਤੇ ਪੁਲਸ ਦੀ ਕਾਰਵਾਈ ਅਤੇ ਹਾਲ ਹੀ ਵਿੱਚ ਭਾਰਤੀ ਦਬਾਅ ਹੇਠ ਬ੍ਰਿਟੇਨ ਵਿੱਚ ਜਨਮੇ ਤਿੰਨ ਸਿੱਖਾਂ ਦੀ ਹਵਾਲਗੀ ਦੀ ਕੋਸ਼ਿਸ਼ ਬਾਰੇ ਲਿਖਿਆ ਗਿਆ ਹੈ।" ਖੁੱਲ੍ਹੇ ਪੱਤਰ ਵਿੱਚ ਸਿੱਖ ਜੱਥੇਬੰਦੀਆਂ ਵੱਲੋਂ ਅੱਗੇ ਕਿਹਾ ਗਿਆ ਹੈ, “ਅਸੀਂ ਪ੍ਰਧਾਨ ਮੰਤਰੀ ਵਜੋਂ ਤੁਹਾਨੂੰ ਇਹ ਦੱਸਣ ਲਈ ਬੇਨਤੀ ਕਰਦੇ ਹਾਂ ਕਿ ਤੁਸੀਂ ਸਾਬਕਾ ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਵੱਲੋਂ ਜੁਲਾਈ 2022 ਵਿੱਚ ਬ੍ਰਿਟਿਸ਼ ਸਿੱਖ ਭਾਈਚਾਰੇ ਨੂੰ ਦਿੱਤੇ ਗਏ ਵਾਅਦਿਆਂ 'ਤੇ ਭਰੋਸਾ ਕਿਉਂ ਕੀਤਾ, ਜਿਸ ਵਿਚ ਨਵੰਬਰ 2017 ਤੋਂ ਭਾਰਤੀ ਜੇਲ੍ਹ ਵਿੱਚ ਬੰਦ ਜਗਤਾਰ ਸਿੰਘ ਜੌਹਲ ਦੀ ਕਥਿਤ ਨਜ਼ਰਬੰਦੀ ਬਾਰੇ ਅਣਜਾਣ ਯੂ-ਟਰਨ ਸ਼ਾਮਲ ਹੈ। ਜਾਨਸਨ ਨੇ 7 ਜੁਲਾਈ, 2022 ਨੂੰ ਸਿੱਖ ਫੈਡਰੇਸ਼ਨ ਦੇ ਪ੍ਰਧਾਨ ਅਮਰੀਕ ਸਿੰਘ ਨੂੰ ਲਿਖੇ ਪੱਤਰ ਵਿੱਚ ਜੌਹਲ ਦੇ ਕੇਸ ਨੂੰ ਹੱਲ ਕਰਨ ਲਈ ਭਾਰਤ ਸਰਕਾਰ ਨਾਲ ਕੰਮ ਕਰਨਾ ਜਾਰੀ ਰੱਖਣ ਦਾ ਵਾਅਦਾ ਕੀਤਾ ਸੀ।"
ਪੜ੍ਹੋ ਇਹ ਅਹਿਮ ਖ਼ਬਰ- ਕੈਨੇਡੀਅਨ ਕੰਜ਼ਰਵੇਟਿਵ ਪਾਰਟੀ ਨੇ ਕੈਨੇਡਾ ਤੋਂ ਅੰਮ੍ਰਿਤਸਰ ਸਿੱਧੀਆਂ ਉਡਾਣਾਂ ਸ਼ੁਰੂ ਕਰਵਾਉਣ ਲਈ ਵਿੱਢੀ ਮੁਹਿੰਮ
ਸਿੱਖ ਜੱਥੇਬੰਦੀਆਂ ਨੇ ਅੱਗੇ ਕਿਹਾ ਕਿ ਉਨ੍ਹਾਂ ਨੇ ਵਿਸ਼ੇਸ਼ ਸਲੂਕ ਨਹੀਂ, ਬਰਾਬਰ ਦਾ ਸਲੂਕ ਮੰਗਿਆ ਹੈ। ਸੰਗਠਨਾਂ ਨੇ ਲਿਖਿਆ, "ਅਸੀਂ ਉਠਾਏ ਗਏ ਨੁਕਤਿਆਂ 'ਤੇ ਤੁਹਾਡੇ ਜਵਾਬ ਦੀ ਉਡੀਕ ਕਰ ਰਹੇ ਹਾਂ। ਇਸ ਦੇ ਨਾਲ ਹੀ ਬ੍ਰਿਟਿਸ਼ ਸਿੱਖ ਭਾਈਚਾਰੇ ਦੀ ਭਾਵਨਾ ਦੀ ਤਾਕਤ ਦਾ ਪ੍ਰਦਰਸ਼ਨ ਕਰਨ ਲਈ ਸਿੱਖਾਂ ਦੇ ਸਵੈ-ਨਿਰਣੇ ਦੇ ਅਧਿਕਾਰ 'ਤੇ ਮਈ 2023 ਦੇ ਅੱਧ ਲਈ ਸੰਸਦ ਦੀ ਇੱਕ ਲਾਬੀ ਦਾ ਪ੍ਰਬੰਧ ਕਰ ਰਹੇ ਹਾਂ।"
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਅਮਰੀਕਾ 'ਚ ਭਾਰਤੀ ਮੂਲ ਦਾ ਸ਼ਖ਼ਸ ਬਣਿਆ ਨਸਲੀ ਸਲਾਹਕਾਰ ਬੋਰਡ ਦਾ ਮੈਂਬਰ
NEXT STORY 
