ਓਟਵਾ : ਕੈਨੇਡਾ ਦੀ ਸੱਤਾਧਾਰੀ ਲਿਬਰਲ ਪਾਰਟੀ ਮਾਂਟਰੀਅਲ ਸੰਸਦੀ ਹਲਕੇ ਵਿਚ ਇੱਕ ਸੁਰੱਖਿਅਤ ਸੀਟ ਹਾਰ ਗਈ ਹੈ। ਸ਼ੁਰੂਆਤੀ ਨਤੀਜਿਆਂ ਵਿਚ ਮੰਗਲਵਾਰ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ, ਜਿਸ ਨਾਲ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਉੱਤੇ ਅਸਤੀਫਾ ਦੇਣ ਲਈ ਹੋਰ ਦਬਾਅ ਪੈਣ ਦੀ ਸੰਭਾਵਨਾ ਹੈ।
ਇਲੈਕਸ਼ਨਜ਼ ਕੈਨੇਡਾ ਨੇ ਕਿਹਾ ਕਿ ਲਾਸਾਲੇ-ਏਮਾਰਡ-ਵਰਡਨ ਵਿਚ 100 ਫੀਸਦੀ ਵੋਟਾਂ ਦੀ ਗਿਣਤੀ ਦੇ ਨਾਲ, ਲਿਬਰਲ ਉਮੀਦਵਾਰ ਲੌਰਾ ਫਲੇਸਤੀਨੀ ਨੂੰ ਵੱਖਵਾਦੀ ਬਲਾਕ ਕਿਊਬੇਕੋਇਸ ਦੇ ਉਮੀਦਵਾਰ ਲੁਈਸ-ਫਿਲਿਪ ਸੌਵੇ ਨੇ ਹਰਾ ਦਿੱਤਾ ਹੈ ਤੇ ਲੌਰਾ ਦੂਜੇ ਸਥਾਨ 'ਤੇ ਰਹੀ ਹੈ। ਬਲਾਕ ਦੇ ਉਮੀਦਵਾਰ ਨੂੰ 28 ਫੀਸਦੀ, ਫਲਸਤੀਨੀ ਨੂੰ 27.2 ਫੀਸਦੀ ਤੇ ਨਿਊ ਡੈਮੋਕ੍ਰੇਟਿਕ ਪਾਰਟੀ ਦੇ ਉਮੀਦਵਾਰ ਨੂੰ 26.1 ਫੀਸਦੀ ਵੋਟਾਂ ਮਿਲੀਆਂ ਹਨ। ਇਹ ਚੋਣ ਇੱਕ ਲਿਬਰਲ ਵਿਧਾਇਕ ਦੀ ਥਾਂ ਲੈਣ ਲਈ ਕਰਵਾਈ ਗਈ ਸੀ ਜਿਸਨੇ ਅਸਤੀਫਾ ਦੇ ਦਿੱਤਾ ਸੀ।
ਇਹ ਨਤੀਜਾ ਟਰੂਡੋ ਦੇ ਰਾਜਨੀਤਿਕ ਭਵਿੱਖ 'ਤੇ ਵਧੇਰੇ ਜ਼ੋਰ ਦੇਵੇਗਾ , ਜੋ ਲਗਭਗ ਨੌਂ ਸਾਲਾਂ ਤਕ ਅਹੁਦੇ 'ਤੇ ਰਹਿਣ ਤੋਂ ਬਾਅਦ ਤੇਜ਼ੀ ਨਾਲ ਪ੍ਰਸਿੱਧੀ ਗੁਆ ਰਹੇ ਹਨ। ਟਰੂਡੋ ਨੇ ਜ਼ੋਰ ਦੇ ਕੇ ਕਿਹਾ ਸੀ ਕਿ ਉਹ ਪਾਰਟੀ ਦੀ ਅਗਵਾਈ ਚੋਣਾਂ ਵਿੱਚ ਕਰਨਗੇ ਜੋ ਅਕਤੂਬਰ 2025 ਦੇ ਅੰਤ ਤੱਕ ਹੋਣੀਆਂ ਹਨ, ਪਰ ਕੁਝ ਲਿਬਰਲ ਵਿਧਾਇਕਾਂ ਨੇ ਇਸ ਤੋਂ ਵੱਖਰਾ ਰੁਖ ਅਖਤਿਆਰ ਕੀਤਾ ਹੈ ਤੇ ਸਿਖਰ 'ਤੇ ਤਬਦੀਲੀ ਦੀ ਮੰਗ ਕੀਤੀ ਹੈ।
ਕਿਊਬਿਕ ਹਲਕੇ ਦੀ ਨੁਮਾਇੰਦਗੀ ਕਰਨ ਵਾਲੀ ਲਿਬਰਲ ਸੰਸਦ ਮੈਂਬਰ ਅਲੈਗਜ਼ੈਂਡਰਾ ਮੈਂਡੇਜ਼ ਨੇ ਪਿਛਲੇ ਹਫ਼ਤੇ ਕਿਹਾ ਸੀ ਕਿ ਬਹੁਤ ਸਾਰੇ ਲੋਕ ਟਰੂਡੋ ਨੂੰ ਦੁਬਾਰਾ ਨਹੀਂ ਦੇਖਣਾ ਚਾਹੁੰਦੇ। 2021 ਦੀਆਂ ਆਮ ਚੋਣਾਂ ਵਿੱਚ, ਲਿਬਰਲਾਂ ਨੇ ਮਾਂਟਰੀਅਲ ਸੀਟ 43 ਫੀਸਦੀ ਵੋਟਾਂ ਨਾਲ ਜਿੱਤੀ। ਇਸ ਦੌਰਾਨ ਬਲਾਕ ਕਿਊਬੇਕੋਇਸ ਤੋਂ 22 ਫੀਸਦੀ ਅਤੇ ਐੱਨਡੀਪੀ 19 ਫੀਸਦੀ ਵੋਟਾਂ ਮਿਲੀਆਂ ਸਨ। ਟਰੂਡੋ ਨੇ ਸੁਝਾਅ ਦਿੱਤਾ ਸੀ ਕਿ ਵੋਟਰ ਉੱਚੀਆਂ ਕੀਮਤਾਂ ਅਤੇ ਹਾਊਸਿੰਗ ਸੰਕਟ 'ਤੇ ਗੁੱਸੇ ਪ੍ਰਤੀ ਪ੍ਰਤੀਕਿਰਿਆ ਦੇ ਸਕਦੇ ਹਨ।
ਪੋਲ ਸੁਝਾਅ ਦਿੰਦੇ ਹਨ ਕਿ ਲਿਬਰਲ ਅਗਲੀਆਂ ਫੈੱਡਰਲ ਚੋਣਾਂ ਵਿੱਚ ਪਿਏਰੇ ਪੋਇਲੀਵਰ ਦੇ ਸੱਜੇ-ਕੇਂਦਰ ਦੇ ਕੰਜ਼ਰਵੇਟਿਵਾਂ ਤੋਂ ਬੁਰੀ ਤਰ੍ਹਾਂ ਹਾਰ ਜਾਣਗੇ। ਪਿਛਲੇ ਹਫਤੇ ਇੱਕ ਲੇਜਰ ਪੋਲ ਨੇ ਕੰਜ਼ਰਵੇਟਿਵਾਂ ਨੂੰ 45 ਫੀਸਦੀ ਜਨਤਕ ਸਮਰਥਨ 'ਤੇ ਰੱਖਿਆ, ਰਾਸ਼ਟਰੀ ਸਮਰਥਨ ਦਾ ਇੱਕ ਪੱਧਰ ਕੈਨੇਡਾ ਵਿਚ ਘੱਟ ਹੀ ਦੇਖਿਆ ਜਾਂਦਾ ਹੈ, ਇਸ ਦੌਰਾਨ ਲਿਬਰਲ 25 ਫੀਸਦੀ ਦੇ ਨਾਲ ਦੂਜੇ ਸਥਾਨ 'ਤੇ ਹਨ।
ਹਾਲ ਦੇ ਸਮੇਂ ਵਿਚ ਟਰੂਡੋ ਦੀ ਲੋਕਪ੍ਰਿਅਤਾ ਵਿਚ ਗਿਰਾਵਟ ਆਈ ਹੈ ਕਿਉਂਕਿ ਕੈਨੇਡਾ ਰਹਿਣ-ਸਹਿਣ ਦੀਆਂ ਲਾਗਤਾਂ ਵਿਚ ਵਾਧੇ ਅਤੇ ਰਿਹਾਇਸ਼ੀ ਸੰਕਟ ਨਾਲ ਜੂਝ ਰਿਹਾ ਹੈ। ਇਸ ਦੇ ਨਾਲ ਹੀ ਵਿਦੇਸ਼ੀ ਵਿਦਿਆਰਥੀਆਂ ਦਾ ਮੁੱਦਾ ਵੀ ਇਸ ਨੂੰ ਹੋਰ ਕਮਜ਼ੋਰ ਕਰਨ ਦਾ ਇਕ ਕਾਰਨ ਰਿਹਾ ਹੈ।
ਦਿਮਾਗੀ ਬਿਮਾਰ ਬੱਚੇ ਨੂੰ ਟਰੰਪ ਨੇ ਪਾਈ ਚਿੱਠੀ
NEXT STORY 
