ਬੀਜਿੰਗ (ਬਿਊਰੋ): ਚੀਨ ਵਿਚ ਵੀ ਕੋਰੋਨਾ ਵਾਇਰਸ ਅਤੇ ਇਸ ਦੇ ਨਵੇਂ ਵੇਰੀਐਂਟ ਓਮੀਕਰੋਨ ਦੇ ਮਾਮਲੇ ਤੇਜ਼ੀ ਨਾਲ ਸਾਹਮਣੇ ਆਏ ਹਨ। ਫਿਰ ਵੀ ਚੀਨ ਜ਼ੀਰੋ ਕੋਵਿਡ ਨੀਤੀ ਦਾ ਪਾਲਣ ਕਰ ਰਿਹਾ ਹੈ ਪਰ ਇਹ ਨੀਤੀ ਉਸ ਦੇ ਲੋਕਾਂ ਦੀ ਕਮਰ ਤੋੜ ਰਹੀ ਹੈ। ਇਸ ਦੀ ਜਿਉਂਦੀ ਜਾਗਦੀ ਮਿਸਾਲ ਇਸ ਦਾ ਸ਼ੀਆਨ ਸ਼ਹਿਰ ਹੈ। ਕੁਝ ਸਮਾਂ ਪਹਿਲਾਂ ਉੱਥੇ ਕੋਰੋਨਾ ਦੇ ਨਵੇਂ ਮਾਮਲੇ ਸਾਹਮਣੇ ਆਏ ਸਨ। ਇਸ ਤੋਂ ਬਾਅਦ 24 ਦਸੰਬਰ ਨੂੰ ਚੀਨ ਦੀ ਕਮਿਊਨਿਸਟ ਸਰਕਾਰ ਨੇ ਸ਼ਹਿਰ ਵਿੱਚ ਤਾਲਾਬੰਦੀ ਲਗਾ ਦਿੱਤੀ। ਇਸ ਕਾਰਨ 1.3 ਕਰੋੜ ਲੋਕ ਘਰਾਂ ਵਿੱਚ ਬੰਦ ਹੋ ਗਏ ਹਨ। ਜਿਹੜੇ ਲੋਕ ਸੰਕਰਮਿਤ ਦੇ ਸੰਪਰਕ ਵਿੱਚ ਆਏ ਸਨ ਉਨ੍ਹਾਂ ਦੀ ਪਛਾਣ ਕੀਤੀ ਗਈ ਅਤੇ ਉਨ੍ਹਾਂ ਨੂੰ ਕੁਆਰੰਟੀਨ ਕਰ ਦਿੱਤਾ ਗਿਆ।
ਕੁਆਰੰਟੀਨ ਹੋਣ ਕਾਰਨ ਉਹ ਘਰਾਂ ਵਿੱਚ ਕੈਦ ਹੋ ਗਏ ਅਤੇ ਖਾਣ-ਪੀਣ ਲਈ ਜ਼ਰੂਰੀ ਸਮਾਨ ਇਕੱਠਾ ਨਹੀਂ ਕਰ ਸਕੇ। ਇਸ ਦੌਰਾਨ ਨਾ ਤਾਂ ਪ੍ਰਸ਼ਾਸਨ ਅਤੇ ਨਾ ਹੀ ਸ਼ਹਿਰ ਦੀਆਂ ਸੰਸਥਾਵਾਂ ਉਨ੍ਹਾਂ ਦੀ ਮਦਦ ਲਈ ਅੱਗੇ ਆਈਆਂ। ਮਜਬੂਰ ਹੋ ਕੇ ਲੋਕਾਂ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਗੁਹਾਰ ਲਗਾਈ। ਇਸ ਗੁਹਾਰ ਦਾ ਮੌਕਾਪ੍ਰਸਤਾਂ ਨੇ ਪੂਰਾ ਫਾਇਦਾ ਉਠਾਇਆ। ਉਹਨਾਂ ਨੇ ਕੁਆਰੰਟੀਨ ਵਿੱਚ ਰਹਿ ਰਹੇ ਲੋਕਾਂ ਤੋਂ ਚੌਲ, ਸਬਜ਼ੀਆਂ ਵਰਗੀਆਂ ਚੀਜ਼ਾਂ ਦੀਆਂ ਕਈ ਗੁਣਾ ਕੀਮਤਾਂ ਵਸੂਲਣੀਆਂ ਸ਼ੁਰੂ ਕਰ ਦਿੱਤੀਆਂ। ਹੱਦ ਤਾਂ ਇਹ ਹੈ ਕਿ ਜਿਨ੍ਹਾਂ ਕੋਲ ਪੈਸੇ ਨਹੀਂ ਸਨ, ਉਹ ਗੈਜੇਟਸ ਦੇ ਬਦਲੇ ਖਾਣ-ਪੀਣ ਦੀਆਂ ਵਸਤੂਆਂ ਦੀ ਅਦਲਾ-ਬਦਲੀ ਕਰਨ ਲੱਗੇ।
ਕੁੱਲ ਮਿਲਾ ਕੇ ਕੁਆਰੰਟੀਨ ਵਿੱਚ ਰਹਿ ਰਹੇ ਲੋਕਾਂ ਦੀ ਪੂਰੀ ਲੁੱਟ ਹੋ ਰਹੀ ਹੈ। ਇਸ ਸ਼ਰੇਆਮ ਲੁੱਟ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵੀ ਸਾਹਮਣੇ ਆ ਰਹੀਆਂ ਹਨ। ਇਸ ਵਿੱਚ ਲੋਕ ਆਪਣਾ ਕੀਮਤੀ ਗੈਜੇਟਸ ਦੇ ਕੇ ਡਿਸ਼ਵਾਸ਼ਰ, ਸਬਜ਼ੀਆਂ, ਨੂਡਲਜ਼, ਕੇਕ, ਬਰੈੱਡ, ਸੈਨੇਟਰੀ ਪੈਡ, ਸਿਗਰਟਾਂ ਦੇ ਪੈਕੇਟ ਆਦਿ ਲੈਂਦੇ ਨਜ਼ਰ ਆ ਰਹੇ ਹਨ। ਵੈਂਗ ਨਾਂ ਦੇ ਨੌਜਵਾਨ ਨੇ ਰੇਡੀਓ ਫ੍ਰੀ ਏਸ਼ੀਆ ਨੂੰ ਦੱਸਿਆ ਕਿ ਇਮਾਰਤਾਂ ਦੇ ਲੋਕ ਖਾਣ-ਪੀਣ ਦੀਆਂ ਚੀਜ਼ਾਂ ਦੀ ਅਦਲਾ-ਬਦਲੀ ਕਰ ਰਹੇ ਹਨ। ਇੱਕ ਨੌਜਵਾਨ ਨੇ ਚੌਲਾਂ ਦਾ ਪੈਕੇਟ ਲੈਣ ਲਈ ਆਪਣੀ ਸਮਾਰਟਵਾਚ ਵੀ ਦੇ ਦਿੱਤੀ।
ਪੜ੍ਹੋ ਇਹ ਅਹਿਮ ਖਬਰ- ਕੁਵੈਤ ’ਚ ਭਾਰੀ ਵਿਰੋਧ ਦਰਮਿਆਨ ਔਰਤਾਂ ਦੀ ਫ਼ੌਜ ’ਚ ਭਰਤੀ ਸ਼ੁਰੂ
ਸੋਸ਼ਲ ਮੀਡੀਆ 'ਤੇ ਤਿੱਖੀ ਪ੍ਰਤੀਕਿਰਿਆ
ਇਸ ਸਭ ਬਾਰੇ ਯੂਜ਼ਰਸ ਸੋਸ਼ਲ ਮੀਡੀਆ 'ਤੇ ਤਿੱਖੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਉਹਨਾਂ ਦਾ ਕਹਿਣਾ ਹੈ ਕਿ ਲੋਕ ਬੇਵੱਸ ਹੋ ਕੇ ਮੁੜ ਵਸਤਾਂ ਦੇ ਲੈਣ-ਦੇਣ ਦੇ ਦੌਰ ਵਿੱਚ ਪਹੁੰਚ ਗਏ ਹਨ। ਇਸ ਦੇ ਨਾਲ ਹੀ ਇੱਕ ਹੋਰ ਯੂਜ਼ਰ ਨੇ ਕਿਹਾ ਕਿ ਇਹ ਸਥਿਤੀ ਆਦਿਮ ਸਮਾਜ ਵਿੱਚ ਵਾਪਸੀ ਵਰਗੀ ਹੈ। ਉਨ੍ਹਾਂ ਦਿਨਾਂ ਵਿੱਚ ਕੁਝ ਆਸ਼ਾਵਾਦੀ ਸਨ, ਜਦੋਂ ਕਿ ਹੁਣ ਸਿਰਫ ਮੌਕਾਪ੍ਰਸਤ ਹਨ।
ਨੋਟ- ਉਕਤ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕੁਵੈਤ ’ਚ ਭਾਰੀ ਵਿਰੋਧ ਦਰਮਿਆਨ ਔਰਤਾਂ ਦੀ ਫ਼ੌਜ ’ਚ ਭਰਤੀ ਸ਼ੁਰੂ
NEXT STORY 
